SURAT I PAULUS KON JAMAAT RUM 15:4 - Alkitab Singog In Mongondow Masa In Tanaa

⁴ Bayongan inta pinais kon Buk Motusi, tua in makusudnea motundúbí kon inaton. Sin totundú inta sinarima naton nongkon Buk Motusi nokodugang kon kototahang bo kororopot in gina naton, dá kita in umuran moharap kon i Allah.

SURAT I PAULUS KON JAMAAT RUM 15:4 Iomraidhean Croise

MAZMUR 102:18

Sia in mokidongogbí kon sambayang in umat-Nea kon bonu in roriga, bo diábí mondoí kon oigum monia.

MAZMUR 119:50

Naa inta mokoḻipoi kon inakó kon tungkuḷ in akuoi mororiga, sin dandi-Mu tatua in nobogoi in kobiagan kon inakó.

HABAKUK 2:2

Ki Tuhan in notubag kon inakó nanaa, “Kurigdon kosimantag kon butá ḷamentong tobonsig, onu inta poponiata-Ku kon inimu, sinbá mopia bacaan.

SURAT I PAULUS KON JAMAAT RUM 12:12

Utat, poharapdon kon i Tuhan takin ḷunganga in gina, mokoposabar aka koantugan in susa, bo umuran posambayang.

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

PETRUS 1 1:13

Tuamai moiko in musti umuran mobasadia. Pokoingat bo totu-totuu poharap kon barakat inta bain ogoi kon i monimu kon wakutu in ki Yesus Kristus mamangoi bui.