SURAT I PAULUS KON JAMAAT RUM 13:9 - Alkitab Singog In Mongondow Masa In Tanaa

⁹ Sin hukum agama in Yahudi in noguman nanaa: Dika monuaḻing, dika moḻimod, dika monakow, dika moibog in kapunyaan intau ibanea, bo bayongan parenta ibanea ain notangkup kon hukum tobatú tanaa, “Kotabibí in tumpaḷa intau, naonda bo kototabimu kon awakmu tontaní.”

SURAT I PAULUS KON JAMAAT RUM 13:9 Iomraidhean Croise

IMAMAT 19:18

Dika mopotuḻí in yaat in ginamu bo dika moyaat in gina kon intau ibanea, táe kotabibí in tumpaḷa intau ná kototabimu kon awakmu tontaní. Akuoi in ki Tuhan.

IMAMAT 19:34

Baḻí in mosia ná intau mita tobangusamu bo kotabidon in mosia ná kototabi monimu kon awak monimu tontaní. Toropdon kon moiko tontaní nokoimontan doman nobiag nobaḻí intau ango-angoi kon butá in Mesir. Akuoi in ki Tuhan Allahmu.

MATIUS 22:39

Bo hukum induanea, inta notongkai intua: Kotabidon in tumpaḷa intau naonda bo kotabimu kon awakmu tontaní.

MARKUS 10:19

Tantú kinotaauanmu bidon in parenta i Allah tanaa, ‘Dika moḻimod, dika monuaḻing ande mokituaḻing, dika monakow, dika moposakusi in inta diá totuu bo dika monguboḷ, horomatbí in ki amá bo ki inámu.’ ”

MARKUS 12:31

Bo naa in parenta induanea: ‘Kotabibí in tumpaḷa intau ná kototabimu, kon awakmu tontaní.’ Diá bidon parenta ibanea mako in moponti-ponting nongkon parenta doyowa tanaa.”

LUKAS 10:27

Intau tatua in notubag, “ ‘Kotabibí in ki Tuhan Allahmu, takin ḻimbatú in gina, ḻimbatú jiwa, bo takin bayongan in ropotmu, bo takin sinangkub in raianmu,’ bo ‘Kotabibí in tumpaḷa intau ná kototabimu kon awakmu tontaní.’ ”

LUKAS 18:20

Ain bidon kinotaauanmu in parenta mita i Allah: ‘Dika monuaḻing, dika moḻimod, dika monakow, dika moguman kon inta diá totuu bo horomatbí in ki amá bo ki inámu.’ ”

GALATIA 5:13

Utat mita! Moiko aindon inoiní mobaḻí intau inta nobebas. Táe donaaibí pakéon in kabebasanmu tatua saḷaku kasampatan mogaid kon onukadon in koibog monimu aidan. Táe popobaragunabí in kasampatan tatua motuḷung kon intau táe musti podoyon kon tabi kon tumpaḷa intau.