SURAT I PAULUS KON JAMAAT RUM 13:8 - Alkitab Singog In Mongondow Masa In Tanaa

⁸ Donaaidon monomboḻi kon onuka kon inekabí, táe moiko in musti mototabian. Sin intau inta motabi kon tumpaḷa intau, sia tua ain dinumudui kon bayongan hukum i Musa.

SURAT I PAULUS KON JAMAAT RUM 13:8 Iomraidhean Croise

MATIUS 7:12

Onu inta koibog monimu popoaid in intau kon i monimu yo popoaid domandon kon i monia intua. Tuadon bonu in bayongan atorang i Musa bo inta pinais kon buk in nabi mita.

YOHANES 13:34

Akuoi in mobogoi in parenta mobagu kon i monimu: Moiko in mustibí mositabian tobatú bo tobatú. Ná Akuoi motabi kon i monimu, dá moiko in musti mositabian doman natua.

SURAT I PAULUS KON JAMAAT RUM 13:10

Intau inta motabi kon intau ibanea, yo diábí in sia mopoaid in moraat kon intau tatua. Manangka intua intau inta motabi kon tumpaḷa intau, sia tua in dinumuduidon kon bayongan inta ain pinarenta kon hukum i Musa.

SURAT I PAULUS KON JAMAAT RUM 13:7

Dá uboḻiaidon kon pomarenta onu in musti uboḻianmu kon inia. Uboḻiai in pajak, aka mustibí in iko moguboḻi kon pajak; bo uboḻiaidon in bea, aka mustibí uboḻianmu intua. Hargaaibí in mosia inta patus hargaan, bo horomatbí i mosia inta musti horomaton.

GALATIA 5:14

Bayongan in hukum in agama sinipun kon tobatú parenta tanaa, “Kotabibí in tumpaḷa intau ná kototabimu kon awakmu tontaní.”

KOLOSE 3:14

Naa in soaḷ mita inta totok in moponting: Moiko in musti mototabian sin totabianbí tua in mopotobatú kon i utat komintan sahingga in mobaḻí mosompurna.

TIMOTIUS 1 1:5

Akuoi in mononggina nanaa sinbá intau kopakéandon in gina modarit motuḻid bo totu-totuudon mopirisaya kon i Tuhan, sahingga in oyúondon in totabian kon tumpaḷa intau.

YAKOBUS 2:8

Moiko in mogaid kon inta moitutui, aka aidan monimu in hukum inta totok in moponting inta pinais kon bonu in tontagá in Buk Motusi nanaa: “Kotabibí in tumpaḷa intau ná kotabimu kon awakmu tontaní.”

YOHANES 1 3:10

Naabí in nokoyoposi kon sigad in adí mita i Allah bo adí mita in Ibilis. Ki ine in diá mogaid kon onu inta kinoibog i Allah, andeka diá motabi kon i utatnea, sia tua in deemanbí ki adí i Allah.