SURAT I PAULUS KON JAMAAT RUM 13:7 - Alkitab Singog In Mongondow Masa In Tanaa

⁷ Dá uboḻiaidon kon pomarenta onu in musti uboḻianmu kon inia. Uboḻiai in pajak, aka mustibí in iko moguboḻi kon pajak; bo uboḻiaidon in bea, aka mustibí uboḻianmu intua. Hargaaibí in mosia inta patus hargaan, bo horomatbí i mosia inta musti horomaton.

SURAT I PAULUS KON JAMAAT RUM 13:7 Iomraidhean Croise

DATU MITA IMITÁNEA 3:17

Tobatú kon sigad nayadua tua in noguman, “tuang datu Inta Momulia, akuoi bo bobay tanaa in nogutun tobaḷoian. Diábí in intau ibanea in nogutun noyotakin nami. Tongonudon degá nosinggai naa, akuoi in nopononggadí in adí ḷoḷaki tobatú. Doyowa nosinggai noiduduimai kon tua bobay tanaa in nopononggadí doman in adí ḷoḷaki.

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

AMSAL 24:21

Adíku, kotoguondokbí kon i Tuhan, bo horomatbí in datu. Dika kinodudu-duduiannea kon intau inta moḷawang kon i monia.

AMSAL 3:27

Aka oyúon in komampuanmu mopoaid in inta mopia kon intau inta moparaḷu kon kopiaanmu, yo dikabí pondamonmu in mogaid kon tua.

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

IMAMAT 19:32

Koinsimbí bo horomat in guyanga mita. Moiko in musti mohoromat bo motoguondok kon i-Nakó, sin Akuoi in ki Tuhan.

MATIUS 17:25

Ki Petrus in notubag, “Uboḻianbí.” Bo naonda in ki Petrus sinumuot kon baḷoi, ki Yesus in muna noḻibó kon inia, “Aka podudui in raianmu yo naonda, Simon? Ki ine in musti moguboḻi kon bea andeka pajak kon datu mita in dunia naa? Intau kon ḻipú tatua andeka intau mokokiangoi?”

MATIUS 22:21

Mosia notubag, “Gambar bo pais i Kaisar.” Dá ki Yesus in noguman kon i monia, “Ogoidon kon i Kaisar onu inta musti ogoi monimu kon i Kaisar, bo ogoi kon i Allah inta musti ogoi monimu kon i Allah.”

MARKUS 12:17

“Dá aka natua,” kai Yesus, “ogoi kon i Kaisar onu in nobaḻí kapunyaan i Kaisar, bo ogoi kon i Allah onu in kapunyaan i Allah.” Mosia in nongoherang nokodongog kon singog-Nea tatua.

LUKAS 20:22

Tuamai in pogumanka kon inami, aka podudui in hukum agama naton, motaau degá andeka diá in moguboḻi kon pajak kon i Kaisar?”

LUKAS 20:25

Dá ki Yesus in noguman kon i monia, “aka natua yo ogoidon kon i Kaisar onu inta patus ogoi kon i Kaisar, bo ogoi kon i Allah onu inta patus ogoi kon i Allah.”

LUKAS 23:2

Kon tua in mosia mulaidon bo moponapud in tosingogon diá totuu kon i-Nia. Mosia in noguman, “Kinokadapatandon nami intau tanaa in notundú kon diá totuu kon intau moantó. Bo bayongan intau in daiton-Nea pongaruon sinbá doí moguboḻi kon pajak kon i Kaisar, sin kai-Nia Sia in tobatú Datu Mopoposaḷamat.”

SURAT I PAULUS KON JAMAAT RUM 12:10

Utat mita, moiko in musti umuran mototabian tobatú bo tobatú naonda bo mogutat motoḷuadí kon tombonu in baḷoi, bo mosiunaan mohoromat.

SURAT I PAULUS KON JAMAAT RUM 13:6

Tuabí doman in nobaḻí dodoyonan kon nongonu sin moiko in moguboḻibí kon pajak, lantaranbí pomarenta tua in pogawai i Allah inta nopobayá in oaidan nongkon i Allah.

EPESUS 5:33

Táe tontagá tanaa noyohubung doman i monimu: Tuamai kotabibí in ki buḷoimu naonda bo kototabimu kon awakmu tontaní, ná doman tua, buḷoi bobay in musti tantú moramuji mohoromat kon i buḷoinea.

EPESUS 6:5

Utatku mita inta nobaḻí ata! Duduiaibí in onu inta pinoki aid i tuangmu inta kon dunia naa. Aidai intua takin porasaan horomat, motoindudui, bo gina inta totu-totuu, naonda bo pogogaid monimu kon onu inta pinoki aid i Kristus tontaní.

TIMOTIUS 1 5:13

Apadoman wakutu monia in tongá modait kon agían akoan kon baḷo-baḷoiannea. Bo moiḻiu doman in raat kon tua aka mosia in moibog doman moporaa-raatmai kon tangoi intau ibanea bo moibog doman umaui kon urusan in intau ibanea, bo mongonguman doman kon soaḷ mita inta diá patus oumanon kon intau ibanea.

TIMOTIUS 1 5:17

Itoi mita in jamaat inta nopobayá in oaidannea notompia, patusbí in sia ogoian in ponghargaan kodua noguntuḷ in kopianea. Torutama mosia inta morajing totok in motundú bo mopoyaput in Habar Mopia.

TIMOTIUS 1 6:1

Intau mita in Keresten inta nobaḻídon ata in mustibí tantú mohoromat kon i tuangnea, sinbá tangoi i Allah bo inta sinundú i Allah kon i naton in diá singkuḻeon intau.

PETRUS 1 3:7

Moiko doman, ḷoḷaki mita komangartibí kon i buḷoi monimu poḷat doman monotaau kon mosia tua in intaubí mita inta moyangkó. Horomatbí in mosia, sin mosia tua in moyotakin monimu motarima kon tombuinag kobiagan inta mononoi nongkon i Allah. Aidaibí in naa sinbá diá in mokoḷamboi kon sambayang monimu.

SAMUEL 1 12:18

Bo nosambayangdon in ki Samuel, bo kon singgai domandon tuata ki Tuhan nopoangoi in gotup bo uyan. Bayongan in bangusa tatua nobaḻí noondok kon i Tuhan bo kon i Samuel.