SURAT I PAULUS KON JAMAAT RUM 13:5 - Alkitab Singog In Mongondow Masa In Tanaa

⁵ Tuamai utat, moiko in mustibí mokopotoindudui kon pomarenta, deemanbí tongá popisí in iko doí hukumon, táe popisíbí doman kon ginamu in moguman kon natua.

SURAT I PAULUS KON JAMAAT RUM 13:5 Iomraidhean Croise

MOHOHUTUBA 8:1

Totuu mosanang in intau mobijaksana. Kotaauannea in tubag in bayongan pelekara. Pandoi nokopomomi kon inia sin pia in gina, dá pogotnea in umuranbí motarimbuka.

MOHOHUTUBA 8:2

Duduiai aka parentaan i datu, bo dika ḻimika-ḻikat in modandi kon i Allah.

OUMAN IN RASUL MITA 24:16

Tuamai akuoi in umuran moramuji totok sinbá ginaku in umuran modarit kon tayowon i Allah bo kon tayowon in intau.

SURAT I PAULUS KON JAMAAT RUM 13:6

Tuabí doman in nobaḻí dodoyonan kon nongonu sin moiko in moguboḻibí kon pajak, lantaranbí pomarenta tua in pogawai i Allah inta nopobayá in oaidan nongkon i Allah.

IBRANI 13:18

Tantúbí sambayangai in kami. Moyakinbí in kami kon notuḻidbí totok in gina nami, sin pomuḷoi in kami mogaid kon yagi-yagi, tantúbí inta mobanar in aidan nami.

PETRUS 1 2:19

Sin barakatanbí i Allah in moiko inta nonotaau kon inta kinoibog i Allah, sahingga in nosabar doman in notarima kon roriga inta sabanarnea in diábí patus tarimaan monimu.

PETRUS 1 3:16

Táe koaḷusbí in pototubag takin horomat. Ginamu in musti totu-totuu motuḻid, sinbá aka poponapudan uboḷ in moiko lantaran nobiag notompia saḷaku dumodudui i Kristus, dá intau inta noponapud in uboḷ tatua kon inimu buibí mooyá tontaní.