SURAT I PAULUS KON JAMAAT RUM 13:12 - Alkitab Singog In Mongondow Masa In Tanaa

¹² Doḷom diádon moonggot; topípa mobayagdon. Dá koḻigai mogogaidon in kita in mogaid kon inta diá mopia, bo momakédon in sonjata inta mobayag.

SURAT I PAULUS KON JAMAAT RUM 13:12 Iomraidhean Croise

DONDONG MOḶANTUD 2:17

modapot in tompot doḷo-doḷom mogirup inta monginggamá kon sindip in doḷom. Pobuidon mangoi, batoḷ in dodobku, naonda bo kijang, naonda bo ki adí in rusa kon buḷud in Beter.

YESAYA 30:22

Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”

SURAT I PAULUS KON JAMAAT RUM 13:14

Pomayádon mako bá ki Tuhan Yesus Kristus in monantú kon onu in musti aidan monimu. Bo dika dumudui kon ibog in awak inta baradosa naa sin mopoorop in onu inta koibognea.

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

KORINTUS 1 7:29

Nanaa in makusudku uḻe utat mita: Nopoḷokdon in wakutu naton. Tuamai nongkon masa in tanaa, intau inta kobuḷoi, kobiagdon naonda bo intau inta diápa kobuḷoi;

KORINTUS 2 10:4

Sin ḷoḷutam mita inta pinaké nami kon usaha tanaa in deemanbí ḷoḷutam in dunia naa, táe ḷoḷutambí mita inta inogoi i Allah inta mokosanggup momoguyaat kon onu inta mokooḻingoi

KORINTUS 2 6:7

bo poḷat doman mopotaau in habar nongkon i Allah takin kawasa i Allah, pinoontongdon nami kon kami naa in mogogaid mita kon oaidan i Allah. Kami in kinumadai kon onu in kinoibog i Allah saḷaku ḷoḷutam nami kon moḷawang andeka pobela kon onu in inaidan nami.

EPESUS 4:22

Manangka intua taḷaaidon in aid monimu koḻipod inta dinumudui kon kobobiag koyongan inta ain pinoguyaat in bayongan ibog mokobaradosa.

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

EPESUS 5:8

Moikopa tontaní koḻipod in mobiag doman kon sindip. Táe tanaa moiko in nobaḻídon umat i Tuhan, mangaḻenea kon tua, moiko in kon bonudon in bayag. Tuamai moiko in mustidon mobiag kon bonu in bayag.

IBRANI 10:25

Kita in musti umuran moyosipun moyotakin bo umuran mosambayang. Donaai mokopomaḷat ná intau ibanea. Mustibí doman umuran in kita mositongginaan, sin kinotaauan bidon naton kon diá bidon moonggot bo mamangoi bui in ki Tuhan.

IBRANI 12:1

Uḻe, soaḷ kita tontaní, kon ḻibumai naton naa in nobayongbí totok in nobaḻí sakusi! Manangka intua, koḻigai ḷumbúondon naton in bayongan inta mokoyoyiga kon i naton bo dosa inta umuran moikompit mako kon i naton. Bo koḻigai mositandingan in kita in mogaid kon onu inta pinoki aid kon i naton.

YAKOBUS 1:21

Tuamai ḷumbúdon in tabiat inta nonajis bo moraat. Táe koaḷusdon in gina motarima kon pirman inta pinomuḷa i Allah kon bonu in ginamu, sin moḷoben kawasa in pirman tatua kon moposaḷamat kon inimu.

YAKOBUS 5:8

Moiko in musti mosabar doman bo moḷoben in gina, sin singgai koangoian i Tuhan in nodiugdon.

PETRUS 1 2:1

Manangka intua, ḷumbúdon in bayongan inta moraat; kon i monimu, bo donaaidon umuran monguboḷ, momunapik. Dikadon mointoi, bo dikadon mohojat kon intau ibanea.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

PETRUS 2 3:11

Lantaran bayongan intua bo daiton rimumudon takin cara natua, dá moiko in musti mobiag mokopotoḷutui? Bo tongá doman mobantung kon i Allah,

PETRUS 2 3:9

Diábí moḷaḷoi in ki Tuhan mogintompod kon onu inta ain pinodandi-Nea, umpakabí oyúon intau in mosingog kon moḷaḷoi in Sia. Táe ki Tuhan in umuranbí mosabar in moindoi mako kon oaid monimu, sin doíbí in Sia aka tobatúpamai intau kon sigad monimu in moputú. Ibogon-Nea, bayongan intau in mogogaidon in mogaid kon dosa.

YOHANES 1 2:18

Uḻe Adíku mita, kopaḷutan in dunia motoyongdon! Bo ná inta ain pinoguman kon i monimu, intau mita inta Mosaturu kon i Kristus in mamangoibí. Bo tanaa mobayongdon in mosia inta mosaturu kon i Kristus. Tua in tandanea kon motoyongdon in kopaḷutan in dunia.

WAHYU 1:3

Totokdon mosanang in intau inta mobaca bo inta mokidongog kon habar inta pinotaau i Allah muna bo inta ain pinais kon bonu in buk tanaa bo mosatia kon onu inta pinais kon bonunea. Sin diádon moonggot bo tua komintan in mobaḻí.

WAHYU 22:10

Bo malaekat tatua in noguman bui kon inakó, “Dika mobuni kon tosingogon mita inta kon bonu in buk tanaa, sin diádon moonggot kobaḻían intua komintan.