SURAT I PAULUS KON JAMAAT RUM 12:11 - Alkitab Singog In Mongondow Masa In Tanaa

¹¹ Tantú mokoporajing in mogaid, donaai mokopomaḷat. Pogaid kon oaidan i Tuhan takin ibog moḷoben inta nongkon Roho i Allah.

SURAT I PAULUS KON JAMAAT RUM 12:11 Iomraidhean Croise

IḶUAIAN 5:17

Datu in notubag, “Moiko nion in totuu kon maḷat bo doí mogaid. Tuamai moiko mopoigum kon inakó sin mayá moposumba in kuruban kon i Tuhanmu.

AMSAL 10:26

Dika mopotabá kon intau maḷat, tongábí in sia mokonapusu, naonda bo boil mokonilu kon ingipon andeka poyok mokopomporí kon mata.

AMSAL 13:4

Intau maḷat mobayong in koibognea táe diábí tobatúmai in kodapotannea; intau inta totok in moḷongasi in mogaid mouḻínea in bayongan inta kinoibognea.

AMSAL 18:9

Intau inta maḷat in mogaid kon oaidannea notongkaibí in koraatnea in intau inta moibog momoguyaat.

AMSAL 22:29

Nokoimontandon degá iko in nokoontong kon intau inta mopandoi nogaid kon oaidannea? Intau tatua in pokiaidanbí kon komaḻig in datu mita, deemanbí kon baḷoi in intau biasa.

AMSAL 31:15

Modiugpa mobayag mobangon in sia sin mosadia kon kaanon kon motoḷuadínea, bo mosilai kon oaidan kon bobantungnea mita.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YESAYA 56:10

Guman i Tuhan, “Itoi mita in bangusa-Ku in intau mita bilog! Mosia in diábí nonotaau in onu bo onu. Mosia in naonda bo ungkú bobó inta diá mogaú, táe tongábí mosiug mako bo tumogoindop. Mosanang totok in mosia in mosiug!

MATIUS 24:12

Bo lantaran kodugang-kodugang in oaid moraat, dá tabi kon tumpaḷa intau in modaitdon.

MATIUS 25:26

Dá ki tuang tatua noguman kon inia, ‘Ei iko, simpaḷ inta moraat bo maḷat! Kinotaaunmu bidon kon akuoi in mokokoyut kon gobá inta deeman binunakanku bo nopuyut kon bungai in inta deeman pinomuḷa-Ku?

OUMAN IN RASUL MITA 18:25

bo nonotaau domandon kon soaḷ totundú i Yesus, umpaka bagu binaptis i Yohanes. Táe moḷoben domandon totok in ibognea nopotaau in Habar Mopia soaḷ ki Yesus.

OUMAN IN RASUL MITA 20:19

Akuoi in notuḷung kon i monia takin sanang in gina takin nokopoompá kon dodia, poḷat doman noḷabú in ḷuá in mogaid kon oaidan inta pinoki aid i Tuhan. Akuoi in nogaid umuran doman mokorasa kon roriga sin tantú moyogintayow mako in tomayá moraat in intau mita in Yahudi.

KORINTUS 1 7:22

Sin ata inta mopirisaya kon i Tuhan, nobaḻí bidon intau i Tuhan inta nobebas. Bo intau nobebas inta nopirisayadon kon i Tuhan, nobaḻí bidon mogogaid kon oaidan i Tuhan Yesus Kristus.

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

KOLOSE 4:1

Utat mita inta nobaḻí tuang! Kopiabí in mopoaid kon i atamu mita, dikabí tombogaan. Pokotoropdon, oyúonbí in Tuangmu kon soroga.

TIMOTIUS 1 5:13

Apadoman wakutu monia in tongá modait kon agían akoan kon baḷo-baḷoiannea. Bo moiḻiu doman in raat kon tua aka mosia in moibog doman moporaa-raatmai kon tangoi intau ibanea bo moibog doman umaui kon urusan in intau ibanea, bo mongonguman doman kon soaḷ mita inta diá patus oumanon kon intau ibanea.

IBRANI 12:28

Tuamai, kita in musti umuran mopoyaput in sukur kon i Allah, sin kita in motarima kon tobatú dodatuan inta diá modandú nongkon i-Nia. Kita in musti mopoyaput in sukur bo moibada kon i Allah takin mohoromat bo moondok, podudui in onu inta kinoibog-Nea tontaní.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

PETRUS 1 4:8

Tongá soaḷ tanaa inta totok in moponting, moiko in musti totu-totuu mositabian tobatú bo tobatú, sin aka moiko bo mositabian dá mangaḻenea kon tua moiko in moibog doman mosiampungan.

WAHYU 2:4

Táe naa in poningkuḻe-Ku kon inimu: Tabi monimu kon i-Nakó in diádon ná inta muna.