SURAT I PAULUS KON JAMAAT RUM 11:9 - Alkitab Singog In Mongondow Masa In Tanaa

⁹ Ki Daud in noguman doman nanaa, “Pomayádon mako in rame monia tua mobaḻí naonda bo poyogaḷap kon i monia tontaní bo mobaḻí bubú inta koḷabúan monia bo morimumud!

SURAT I PAULUS KON JAMAAT RUM 11:9 Iomraidhean Croise

AYUB 18:10

Kon butá, noiadop in potait; kon daḷan, oyúon in bubú bo puḷut.

MAZMUR 28:4

Hukumdon in mosia podudui in oaid monia, sin aid moraat inta inaidan monia. Hukumdon in mosia podudui in oaid monia; ḷabúaidon in mosia in hukuman inta potongkaná kon gogutúnea.

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

YESAYA 59:18

Sia in motuḻí kon musung-Nea mita podudui in aid monia. Nodapot in bangusa mita kon ḻibuton mita inta moyayú in diábí kotaḻiban in hukuman-Nea.

YESAYA 66:9

Dika kai monimu kamai Akuoi in modia kon umat-Ku modapot in wakutu mononggadí bo diá mopomayá mako kon i monia pononggadí.” Natua in guman i Tuhan.

MATIUS 16:23

Ki Yesus nobobui bo nosingog kon inia, “Bayádon iko, Ibilis! Sin iko in umuran moḷamboi kon i-Nakó, iko in deemanbí momikir kon onu inta pinikir i Allah, táe tongábí momikir kon inta popikiron in intau!”

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

SURAT I PAULUS KON JAMAAT RUM 14:13

Manangka intua donaaidon mosipotaḷáan in kita. Táe aidai in naa, poramuji sinbá moiko in diá mogaid kon onukadon inta mokopopisí kon i utatmu inta tumpaḷa Keresten in mogaid kon inta moitaḷá.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

IBRANI 2:2

Sin koyow mita inta pinoyaput in malaekat mita kon mogoguyang naton in totuubí in nouḻí magí. Intau mita inta diá dinumudui bo inta doí nopoaid in koyow tatua, mokouḻíbí kon hukuman podudui in oaid monia.