SURAT I PAULUS KON JAMAAT RUM 11:8 - Alkitab Singog In Mongondow Masa In Tanaa

⁸ Sin kon bonu in Buk Motusi ain pinais nanaa, “Binaḻídon i Allah in mosia naonda bo nosiug; bo dapot kon singgai naa mata monia in diá mokoontong bo bongoḷan monia in diá mokodongog.”

SURAT I PAULUS KON JAMAAT RUM 11:8 Iomraidhean Croise

DATU MITA 2 17:34

Umaai in singgai naa mosia in umuranpabí doman mopobayá in adat kabiasaan monia. Mosia in diábí moibada kon i Tuhan bo diá doman motoindudui kon hukum mita bo parenta-Nea mita inta inogoi-Nea kon buí i Yakub, inta sinangoian-Nea doman Israel.

DATU MITA 2 17:41

Dá, mosia in mosumba kon i Tuhan, táe mosumbabí doman kon berhala mita monia. Dapotpabí doman in singgai naa in buí monia tantúpa doman momia kon natua.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

YESAYA 6:9

Bo Sia in nopotabá kon inakó mayá modia kon koyow tanaa potaau kon umat: “Moiko in umuranbí mokodongog, táe diábí momangaḻe. Moiko in umuranbí monondudut, táe diábí monotaau mongo onu in mobaḻí.”

YEREMIA 5:21

“Indongogai, ei moiko intau bodok bo dondunguḷ! Moiko in komata táe diá moindoi, kobongoḷan táe diá mokidongog!

YEHEZKIEL 12:2

“Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.

YEHEZKIEL 20:26

Pinomayá-Ku in mosia in noponajis in awak pinongin kuruban mita monia tontaní, nodapot in ki adí mita monia ḷoḷaki inta guya-guyang pinokuruban monia. Pinongin aid tatua Akuoi nohukum kon i monia sinbá kotaauan monia kon Akuoibí in ki Tuhan.

LUKAS 8:10

Dá ki Yesus in notubag, “Moiko aindon inogoian in totabi monotaau kon inta noibuni kon naonda in ki Allah momarenta saḷaku Datu. Táe intau mita ibanea pinopoyaputan táe tongá nomaké in poumpamaan, sinbá umpakabí in mosia monarukiramai, táe diá kotaauan monia onu in mobaḻí; bo umpakabí mosia mokidongog, táe diá komangaḻean monia.”

OUMAN IN RASUL MITA 28:26

Nanaa, ‘bayádon poguman kon bangusa tanaa bo poguman kon imonia: Moiko nion in tantúbí mokidongog, táe diábí momangaḻe; tantúbí doman tarukiraan monimu táe diábí kotaauan monimu mongo onu in nobaḻí.

ULANGAN 29:4

Táe dapot in tanaa mako diápa inogoi-Nea in moiko momangaḻe kon bayongan inta kinorasaan monimu tatua.