SURAT I PAULUS KON JAMAAT RUM 11:2 - Alkitab Singog In Mongondow Masa In Tanaa

² Diábí! Ki Allah in diábí noḷumbú kon umat-Nea inta ain piniḻí-Nea muna-munamai. Bo kinotaauan bidon monimu utat mita in onu inta pinoguman kon bonu in Buk Motusi soaḷ ki Elia, wakutu in sia nopongadu kon i Allah soaḷ Israel. Ki Elia in noguman nanaa,

SURAT I PAULUS KON JAMAAT RUM 11:2 Iomraidhean Croise

KINOBAḺIAN 44:15

Dá nosingogdon in ki Yusup, “Onu in pinomia monimu tanion? Diábí kinotaauan monimu degá kon intau ná akuoi naa monotaaubí kon oaidmu inta moraat takin sinotaauku?”

NEHEMIA 9:30

Pomuḷoi in taong mosabar in Iko mobogoi in tompoingat kon i monia; pinongin in nabi, Roho-Mu in moguman kon i monia. Táe umat-Mu tatua in momompon kon bongoḷan, bo pinosarakan-Mu kon bangusa mita inta kon dunia naa.

MAZMUR 94:14

Sin ki Tuhan in diábí monaḷámai kon umat-Nea; Sia in diábí moḻiong kon kapunyaan-Nea.

IḶUAIAN 32:1

Kon tungkuḷ in noonggotdon in pinogoḷatan mako in bangusa Israel kon i Musa mosiḻig nongkon buḷud tatua, sin dodai intua sia umuranpabí kon tudu in buḷud tatua, dá mosia in namangoi kon i Harun bo noguman, “Diádon kinotaauan naton mongo onu in nobaḻí kon i Musa, intau inta ain nodia kon i naton iḻumuai nongkon Mesir; dá pomiaaidon in kami kon ilah inta modia kon inami.”

YEREMIA 31:37

Aka kuma kon singgai tobatú bo koukuran in ḷangit, bo apad in butá kotaridian, kon dodai intuata Israel in indoíon-Kudon popisí in bayongan in aid monia inta moraat. Akuoi, ki Tuhan, ain nosingog.”

PINOGIAPAN 16:15

Ki Musa sinumorú totok bo noguman kon i Tuhan, “Tuhan, dika motarima kon sosumba monia. Diábí dodai in onda in akuoi nokoporugimai kon tobatúmai intau kon sigad monia; nodapot in diábí doman dodai in onda akuoi nogamá kon tongáka keledai tobatú nongkon i monia.”

MARKUS 12:26

Bo soaḷ intau minatoi mobiag bui, degá diápa kinobacaan monimu kon bonu in buk i Musa soaḷ díat inta nodokot tua? Kon bonu in tontagá mita tatua pinais kon ki Allah in noguman kon i Musa, ‘Akuoibí naa in ki Allah i Abraham, i Ishak bo i Yakub.’

LUKAS 4:1

Naonda in nobatun mako kon tubig in Ongkag Yordan ki Yesus, Sia kinawasa in Roho i Allah bo dinia minayá in padang gurun.

YOHANES 4:11

Dá bobay tatua in noguman doman, “Diá in totayuk i Tuang bo nodaḷom totok in parigí tanaa. Kon ondabí in kouḻían i Tuang kon tubig inta mokobiag tua?

OUMAN IN RASUL MITA 13:48

Wakutu in dinongog in bayongan intau inta deeman Yahudi in singog tatua, nopia totok in gina monia bo totokdon in nodayow kon i Tuhan. Bo bayongan intau inta aindon piniḻí i Allah sinbá mokouḻí kon kobiagan mononoi, komintandon nopirisaya.

OUMAN IN RASUL MITA 15:18

inta ain nopotaau intua komintan nongkon dungkuḷpamai.”

OUMAN IN RASUL MITA 3:17

Utat mita! Tanaa in kinotaauankudon kon onu inta inaidan monimu bo in itoimu mita kon i Yesus popisíbí in diá kinotaauan monimu in onu inta pinomia monimu tua.

OUMAN IN RASUL MITA 7:40

Mosia in noguman kon i Harun nanaa, ‘Pogaidaipa kon dewa mita inta motaau duduianmai nami. Sin diádon kotaauan nami mongo onudon in nobaḻí kon i Musa inta nodia kon inami iḷumuai nongkon Mesir!’

SURAT I PAULUS KON JAMAAT RUM 6:16

Bá kotaauan monimu, kon aka moiko bo moposarakan in awakmu kon tobatú intau sin mogaid kon onu inta kinoibognea, yo moiko in mobaḻí bidon ata in intau inta dinuduian monimu tatua. Ata in dosa in modia kon i monimu mayá in popatoi, táe aka ata inta motoindudui kon i Allah yo tua in modiabí kon i monimu mayá in kobiagan.

SURAT I PAULUS KON JAMAAT RUM 9:23

Ki Allah in moibog doman mopoontong in kobiagan mopia kon i naton inta kinotabi-Nea. Kita in sinadia-Neadon motarima kon kobiagan mopia tatua.

SURAT I PAULUS KON JAMAAT RUM 9:6

Deemanbí makusudku moguman kon dandi i Allah in diádon pakéon; táe deemanbí komintan intau Israel in umat inta piniḻí i Allah.

KORINTUS 1 6:2

Andeka degá diábí kinotaauan monimu kon intaubí inta mopirisaya kon i Allah in mohakim kon bayongan intau kon dunia naa? Dá aka moiko bo motaau mohakim kon dunia naa, yo nongonu sin diábí paḷuton monimu in pelekara mita pongadilan inta diá in mangaḻenea tua?

KORINTUS 1 8:3

Táe intau inta totu-totuudon motabi kon i Allah, sia tua in kotaauanbí totok i Allah.

PILIPI 1:22

Táe aka akuoi bo mobiagpa kon dunia naa, dá motaaupa in akuoi mogaid kon oaidan inta baraguna, dá diádon kotaauanku mongo onda in piḻíonku.

IBRANI 1:1

Dungkuḷmai in noyagi-yagimaidon daya i Allah in mosingog kon mogoguyang naton, singog-Nea tatua in pinoyaput pinongin nabi mita.