SURAT I PAULUS KON JAMAAT RUM 10:8 - Alkitab Singog In Mongondow Masa In Tanaa

⁸ Nanaa in makusudnea, “Habar inta nongkon i Allah tua in nodiug totok kon inimu, kon bibig bo kon bonu in ginamu.” Tuata in habar inta pinoyaput magí-mako nami; habar kon intau in musti mopirisaya.

SURAT I PAULUS KON JAMAAT RUM 10:8 Iomraidhean Croise

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

OUMAN IN RASUL MITA 10:43

Bayongan in nabi komintan bidon nongonguman kon soaḷ Sia tua. Mosia in noguman, kon bayongan intau inta mopirisaya kon i Yesus, komintan ampungan in dosanea takin kawasa inta nongkon i Yesus.”

OUMAN IN RASUL MITA 16:31

Dá tubag i Paulus bo i Silas kon inia, “Popirisaya kon i Tuhan Yesus! Mosaḷamatbí in iko – moiko tobaḷoian!”

SURAT I PAULUS KON JAMAAT RUM 10:17

Intau mita in nobaḻí mopirisaya sin mosia ain nokodongog kon habar tatua, bo habar tatua in dinongog sin oyúon in intau nopotaau in habar soaḷ ki Kristus.

GALATIA 3:2

Oyúonpa in ḻibóonku kon i monimu: Degá moiko nion in notarima kon Roho i Allah sin dinumudui kon hukum i Musa, andeka nokodongogdon in moiko kon Habar Mopia nongkon i Allah bodongka nopirisayadon kon i Kristus?

GALATIA 3:5

Ki Allah ain nobogoi in Roho-Nea kon i monimu bo ain nogaid kon soaḷ mita inta mokoherang kon sigad monimu. Yo degá inaidan i Allah intua sin moiko in dinumudui kon hukum i Musa? Andeka moiko in nokidongog kon Habar Mopia tatua bo nopirisaya kon i Kristus?

EPESUS 5:26

Inaidan i Kristus intua sinbá motaau-Nea daritan in jamaat tatua takin totundú-Nea bo takin tubig inta pobaptis, sinbá motaaudon posarakan-Nea kon i Allah.

ULANGAN 30:14

Dika moḻibó natua, sin parenta tatua nodiugdon kon inimu. Kinotaauandon monimu bo kinohapalan bidon monimu, dá dongka bidon mopoaid.

TIMOTIUS 1 4:6

Aka tundúonmu intua komintan kon bayongan in ginaḷum naton, yo iko in mobaḻí bidon mogogaid i Kristus inta nogaid nopira. Bo iko in umurandon moginropot kon ginamu takin pirman i Allah inta pinirisaya naton bo takin totundú mita totuu inta ain dinuduianmumai naa in kino oonggotnea.

PETRUS 1 1:23

Sin lantaran moiko mopirisaya kon pirman inta nobiag bo inta mononoi tua, dá moiko binaḻídon intau inta mobagu bo deemanbí pinolahir nongkon intau inta mato-matoi tua, táe nongkon i Amábí inta diá mato-matoi.

PETRUS 1 1:25

táe pirman i Tuhan in mononoibí.” Pirman tatua in Habar Mopia inta ain pinotaau kon inimu.