SURAT I PAULUS KON JAMAAT RUM 10:2 - Alkitab Singog In Mongondow Masa In Tanaa

² Mobaranibí in akuoi in moguman kon mosia tua in totu-totuudon totok in mogaid kon oaidan i Allah. Táe ibog monia tua in diá podoyon kon onu inta sinundú i Allah.

SURAT I PAULUS KON JAMAAT RUM 10:2 Iomraidhean Croise

DATU MITA 2 10:16

poḷat noguman, “Koḻigai dudui bo indoiai tontaní naonda in akuoi dumudui kon onu inta pinoguman i Tuhan.” Bo noyotakindon in mosia sinumakoi kon kereta minayá in Samaria.

MAZMUR 14:4

Guman i Tuhan, “Diádon degá noratak in intau mita tatua? Mosia in nobiag takin nogagow kon umat-Ku bo diábí kon dodai in onda in noigum pinongin sambayang kon i-Nakó.”

AMSAL 19:2

Rajing diá takinan pongotahuan, diábí mopia; intau inta ḻimika-ḻikat in mogaidbí kon inta moitaḷá.

YESAYA 27:1

Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, uḷag inta ḷumandai bo iḻimibo-ḻibod tua, bo moḻimod kon naga in dagat.

YOHANES 16:2

Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

OUMAN IN RASUL MITA 21:20

Nokodongogmai kon ouman i Paulus tatua, mosia in nodayow kon i Allah. Bo mosia in noguman kon i Paulus nanaa, “Utat, indoiaika dá aindon kon ribuannea in intau Yahudi in nopirisaya kon i Yesus. Mosia tua in intaubí mita inta totok in motoindudui kon hukum i Musa.

OUMAN IN RASUL MITA 21:28

Mosia sindaḷan doman momaḷú nanaa, “Ei intau mita in Israel tuḷungaipa! Sin naadon in intau inta maya-mayá mako bo motundú kon bayongan intau sinbá diádon mokidongog kon i naton bo doí doman dumudui kon hukum i Musa bo momayow kon Baḷoi Tuhan. Bo tanaa sia in nodia domandon kon intau mita inta deeman Yahudi bo mongotor kon tampat motusi tanaa!” (

OUMAN IN RASUL MITA 22:22

Intau moantó kon tua in nokidongog kon i Paulus nodapot in singognea tatua; bo naonda intua mosia in nomangkoidon nomaḷú, “Ḻimodon in intau naníon. Diábí patus mobiag in sia!”

OUMAN IN RASUL MITA 22:3

“Akuoi naa intaubí in Yahudi, pinononggadí kon Tarsus kon butá in Kilikia, táe akuoi in nointoi kon kotá tanaa, ki Gamaliel in guru moḷobenku inta ain notundú kon i nakó notompia totok. Sia in notundú kon hukum i Musa inta inogoinea kon mogoguyang naton. Sahingga in akuoi nobaḻí mogogaid i Allah inta totok in morajing, ná tanaa mako.

SURAT I PAULUS KON JAMAAT RUM 10:1

Utat mita, ibogonku totok bá bangusaku in posaḷamaton. Dá tuamai akuoi in totokdon in totu-totuu mosambayang kon i Allah sin kopontingan monia.

SURAT I PAULUS KON JAMAAT RUM 10:3

Diá kinotaauan monia mongo naonda in pogogaid i Allah monompia bui kon hubungan-Nea takin intau. Bo popisí in mosia moibog dumudui kon aid monia tontaní, dá mosia in doíbí dumudui kon aid inta sinundú i Allah.

KORINTUS 2 4:4

Sin ilah moraat inta mongawasa kon dunia naa in tantú mogoḻingoi kon raian in intau mita inta diá mopirisaya. Siabí tua in tantú mogoḻingoi kon i monia sinbá diá mokoontong kon bayag in Habar Mopia soaḷ kawasa i Kristus inta moḷoben, inta nobaḻí oḻinow i Allah.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

KORINTUS 2 8:3

Mosia in nobogoi podudui in komampuan monia, sedang bo noiḻiubí totok kon komampuan monia. Tua in ibogbí monia tontaní,

GALATIA 1:14

Bo aka tongá mopobayá in parenta in agama Yahudi, yo noiḻiubí in akuoi kon intau mita in Yahudi inta topobiagku. Bo akuoi in totok doman moḷukad kon adat in mogoguyang nami.

GALATIA 4:15

Mosanang totok in moiko tungkuḷ intua, yo tanaa ondadon in pia in gina monimu tatua? Kinotaauanku bidon in kopopia in gina monimu, sin motaaukubí poguman kon tungkuḷ intua moiko in mokobaḻíbí monguil kon batoḷ in mata monimu bo ogoi kon inakó, aka paraḷuonku doman intua.

PILIPI 1:9

Naabí in sambayangku kon i monimu: Igumon mako doa, moiko in totu-totuudon motabi kon i Allah bo kon tumpaḷa intau bo umuran doman modugang in pongotahuan monimu kon soaḷ inta mopia bo pororai inta mobijaksana.

PILIPI 3:6

Popisí in moḷoben totok in ibogku dumudui kon hukum in agama tatua, dá ḷongasionku pogutúon in jamaat. Aka nilaion podoyon kon hukum in agama Yahudi yo akuoi naa intaubí mopia bo motoindudui.

KOLOSE 4:13

Inontongkudon tontaní kon totokdon noramuji nogaid in sia sin kopontingan monimu bo kopontingan in intau mita inta kon Laodikia bo kon Hierapolis.