SURAT I PAULUS KON JAMAAT RUM 10:12 - Alkitab Singog In Mongondow Masa In Tanaa

¹² Tua in pakéonbí kon bayongan intau, sin diábí in yoposinea kon intau in Yahudi bo bangusa mita ibanea. Sin ki Allah inta tobatú tua in Tuhanbí in bayongan in intau. Sia in mobogoibí in barakat mobayong kon bayongan in intau inta mokituḷung kon i-Nia.

SURAT I PAULUS KON JAMAAT RUM 10:12 Iomraidhean Croise

MAZMUR 145:18

Sia in modagin kon intau inta mokuani kon i-Nia, bo inta totu-totuu mopoigum kon i-Nia.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

YESAYA 55:6

Pobuidon kon i Tuhan kon dodai in mokopobuipa; pokuanidon kon i-Nia kon dodai in Sia nodiugpa.

OUMAN IN RASUL MITA 7:59

Koyogot monia anduron batu, ki Stepanus in nosambayang nanaa, “Tuhan Yesus, tarimadon in rohoku!”

OUMAN IN RASUL MITA 9:14

Bo tanaa in sia in namangoi domandon naa sin inogoiandon doman i imang mita itoi in kasampatan modomok kon bayongan intau inta mopirisaya kon ini-Mu.”

SURAT I PAULUS KON JAMAAT RUM 14:9

Ki Kristus ain minatoi, táe buidon nobiag. Manangka intua sia in nobaḻídon Tuhan kon intau mita inta nobiag bo kon intau mita doman inta ain minatoi.

SURAT I PAULUS KON JAMAAT RUM 15:12

Ki Nabi Yesaya in noguman doman nanaa, “Nongkon buí i Isai moiangoibí in intau tobatú inta momarenta kon bangusa mita; kon i-Niabí tua in poharapan in bangusa mita tatua.”

SURAT I PAULUS KON JAMAAT RUM 2:4

Andeka diá pandungonmai monimu in totabi, kososabar-Nea bo kopopia in gina-Nea in notarima kon i monimu? Tantú kinotaauan bidon monimu kon ki Allah in nopoontong in kopopia in gina-Nea, sin ibogon-Nea moiko in mogogaidon mogaid kon dosa mita.

SURAT I PAULUS KON JAMAAT RUM 3:22

kon ki Allah in noibogbí noyopia bui takin intau, táe tua in nointotoibí kon pirisaya kon i Yesus Kristus. Tua inaidan i Allah kon bayongan intau inta mopirisaya kon i Kristus, sin Sia in diábí mopoyoposi kon intan:

KORINTUS 1 15:47

Ki Adam inta muna pinomia nongkon ḷobud in butá, táe ki Adam inta induanea in nongkon sorogabí.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

EPESUS 2:4

Táe moḷobendon totok in totabi i Allah! Ná domai tua in tabi-Nea kon i naton,

EPESUS 2:7

Inaidan i Allah intua, sinbá kon singgai moiduduimai koontongandon intau in koḷoben tabi i Allah. Tabi tatua in pinoniata i Allah pinototoi kon kopopia in gina-Nea kon i naton inta pinotonsigad kon i Kristus Yesus.

EPESUS 3:16

Mosambayang in akuoi sinbá ki Allah inta totok in momulia tua in moibog moginrigon kon batinmu takin Roho-Nea.

EPESUS 3:6

Naabí inta noibuni tatua: Pinongin Habar Mopia tatua, intau deeman Yahudi in moitakin domandon mokorasa kon barakat mita i Allah inta koḻipod tongá sinadia kon intau mita in Yahudi. Intau mita inta deeman Yahudi in nobaḻídon toawakan in awak inta tobatú tua, bo moitakin doman motarima kon onu inta pinodandi i Allah pinongin i Kristus Yesus.

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

PILIPI 2:11

Bo akúonbí monia komintan kon ki Yesus Kristus tua in Tuhanbí; takin natua dá ki Allah, ki Amá naton in pinomuliadon.

PILIPI 4:19

Ki Allah inta sinumbaku, mobogoibí in bayongan kaparaḷuanmu podudui in kaoyúonan bo kamuliaan-Nea inta pinoniata kon i Kristus Yesus.

KOLOSE 1:27

Kon umat-Nea tatua ki Allah in moibog moponiata kon totokbí in mopia bo moḷoben in onu in binuni kon intau mita ibanea. Naa inta binuni tatua: Ki Kristus tua in nionbí kon i monimu, bo tua in mangaḻenea, kon moiko in moitakin doman mokorasa kon kamuliaan i Allah.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

TIMOTIUS 1 2:5

Sin tongábí totobatú in ki Allah bo tongábí doman tobatú in mononigad kon intau bo kon i Allah, Sia tuata in ki Kristus Yesus.

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 19:16

Jubah bo paa-Nea in pinaisan tangoi nanaa, “Datu in bayongan datu, bo Tuang in bayongan tuang.”