SURAT I PAULUS KON JAMAAT RUM 1:8 - Alkitab Singog In Mongondow Masa In Tanaa

⁸ Muna-munamai pongin i Yesus Kristus, akuoi mopoyaput in sukur moantó kon i Allah sin moiko in totok bidon in mopirisaya kon i Kristus.

SURAT I PAULUS KON JAMAAT RUM 1:8 Iomraidhean Croise

MATIUS 24:14

Bo Habar Mopia kon ki Allah in mamangoi momarenta saḷaku Datu in popotaaudon kon bayongan intau kon dunia naa, sinbá bayongan in intau mokodongogdon kon tua. Bain mobaḻí komintan intua bo moiangoidon in kiamat.”

LUKAS 2:1

Kon wakutu intua ki Kaisar Agustus nomarenta nokipais in tangoi in bayongan intau kon dodatuan in Rum.

OUMAN IN RASUL MITA 11:28

Kon sigad monia tua oyúon in ki Agabus in tangoinea. Sia in kinawasa in Roho i Allah bo sinimindog nopotaau kon mobaḻí in malarat moḷoben kon dunia naa. (Bo totuubí nobaḻí kon sempo ki Kaisar Klaudius in nomarenta.)

OUMAN IN RASUL MITA 28:22

Táe kami in moibogbí doman mokidongog nongkon inimu tontaní kon onu inta pinirisaya bo sinundúmu tua sin ain dinongog nami komintan, kon bayongan inta sinundúmu bo inta pinirisayamu nion tatapbí bayowan monia kon ondakabí in bayáanmu.”

SURAT I PAULUS KON JAMAAT RUM 10:18

Táe akuoi in moḻibó: Degá diápa dinongog monia? Pasti dinongog bidon! Sin kon Buk Motusi ain pinais nanaa, “Singog monia ain kinodongogan kon bayongan in dunia naa, bo onu in pinotaau monia noiyaput kon popod in dunia.”

SURAT I PAULUS KON JAMAAT RUM 16:19

Bayongan in intau ain nonotaau kon ná onda in kotoindudui monimu kon totundú soaḷ Habar Mopia inta nongkon i Allah. Nokotaaumai kon natua in aid monimu, nopia totok in ginaku. Ibogonku mobijaksana in moiko in mogaid kon soaḷ mita inta mopia, bo diá motaau mogaid kon soaḷ mita inta moraat.

SURAT I PAULUS KON JAMAAT RUM 6:17

Táe sukurdon kon i Allah! Sin tungkuḷ intua moiko in nobaḻí ki ata in dosa, táe masai naa moiko in motoinduduidon totok kon totundú inta noitutui inta ain inogoi kon i monimu.

KORINTUS 1 1:4

Akuoi in umuran mosukur kon i Allah sin moiko in nokouḻídon kon totabi-Nea bo nopirisaya domandon kon i Kristus Yesus.

KORINTUS 2 2:14

Táe sukur mako kon i Allah! Sin tantú-Neabí dinia in kami dinumudui kon daḷan inta mokosaḷamat, sin notobatúdon i Kristus in kami. Pinaké-Nea in kami sinbá habar soaḷ ki Kristus moibaya-bayádon mako ná bó inta mobondu inta kobóan kon bayongan in tampat.

EPESUS 1:15

Manangka intua naonda in kinodongoganku kon moiko in nopirisayadon kon i Tuhan Yesus, bo motabi doman kon bayongan in umat i Allah,

EPESUS 1:16

dá akuoi in tantú mopoyaput in sukur kon i Allah sin lantaran moiko. Pomuḷoi in akuoi mosambayang umuranku doman kotangoian i moiko.

EPESUS 3:21

Ki Allah in musti umuran dayowon, modapot kon adí bo ompu kon bonu in jamaat, pongin i Yesus Kristus. Dinayo-dayowdon in ki Allah modapot in kopaḷutannea! Amin.

EPESUS 5:20

Umurandon in moiko mopoyaput in sukur kon i Allah, ki Amá naton kon bayongan in yagi-yagi podoyon kon tangoi Yesus Kristus, ki Tuhan naton.

PILIPI 1:11

Moiko in mobiag takin oaid mita inta totu-totuu mopia inta tongábí mouḻí nongkon i Yesus Kristus tontaní, dá ki Allah pomuliaan bo dayowon.

PILIPI 1:3

Pomuḷoi in akuoi mokotorop kon i monimu akuoi mopoyaput in sukur kon i Allah.

KOLOSE 1:3

Dinongogdon nami kon moiko ain nopirisaya kon i Yesus Kristus bo motabi doman kon bayongan umat i Allah. Manangka intua wakutu in sinambayangan nami in moiko, kami in umuran doman nopoyaput in sukur kon i Allah, ki Amá i Yesus Kristus, Tuhan naton.

TESALONIKA 1 1:2

Umuran in kami mosukur kon i Allah sin pirisaya monimu. Pomuḷoi in kami mosambayang, tantú kotoropan nami in moiko. Umuran doman kotoropan nami in oaid monimu inta pinodoyon kon pirisaya kon i Tuhan naton ki Yesus Kristus inta motabi bo moibog doman motuḷung kon tumpaḷa intau. Kinotoropan doman nami in kororoton gina monimu in moharap mako kon i Tuhan naton ki Yesus Kristus.

TESALONIKA 1 2:13

Oyúon in totok mokopia-pia kon gina nami, sahingga in kami tantú mosukur kon i Allah. Tuata wakutu in kami nopoyaput in Habar Mopia nongkon i Allah kon i monimu. Habar Mopia tatua in diábí tongá inanggap monimu habar nongkon intau, táe totu-totuubí Habar Mopia nongkon i Allah. Sin Roho-Neabí in pinopopaké-Nea kon inimu nogaid kon tua mita, intau inta mopirisaya kon i Yesus.

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.

TIMOTIUS 2 1:3

Akuoi mopoyaput in sukur kon i Allah inta binantunganku takin gina motuḻid bo modarit ná inta inaidan in mogoguyangku tungkuḷ intua. Umuranku sambayangan in moiko pomuḷoi in kotoropanku doḷom ande singgai.

PILEMON 1:4

Pomuḷoi in akuoi mosambayang umuranku kotangoian in iko, bo poḷat mopoyaput sukur kon i Allah.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.