SURAT I PAULUS KON JAMAAT RUM 1:7 - Alkitab Singog In Mongondow Masa In Tanaa

⁷ Tuamai in akuoi in nomais kon surat kon i monimu. Poigumon mako kon i Allah inta ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

SURAT I PAULUS KON JAMAAT RUM 1:7 Iomraidhean Croise

MAZMUR 60:5

Pinomayá-Mu mako in umat-Mu nokorasa kon roriga mobogat; kami in noipape magí-mako naonda bo intau noḷoḷangu.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

PINOGIAPAN 6:25

Poigumon mako ki Tuhan monimbayag kon i monimu bo mobogoi in barakat kon inimu;

MATIUS 5:16

Natua doman bayagmu musti monindar kon tayowon in intau, sinbá ontongon monia in oaidmu mita inta mopia bo modayow kon i Amámu inta kon soroga.”

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

OUMAN IN RASUL MITA 15:23

Takin totabá mita monia tua mosia nokidia in surat inta nanaa in bonunea, “Horomat kon bayongan utat inta nongkon ḻipú mita inta deeman Yahudi inta nogutun kon Antiokhia, Siria bo Kilikia. Bo horomat doman nami, rasul mita bo itoi in jamaat takin bayongan in jamaat kon Yerusalem.

OUMAN IN RASUL MITA 9:13

Ki Ananias in noguman, “Tuhan, aindon dinongogku kon bayongan intau, kon nobayongdon totok intau in pinogutú bo iḻimod in intau tatua kon Yerusalem, intau mita inta mopirisaya kon i Tuhan Yesus.

SURAT I PAULUS KON JAMAAT RUM 1:6

Imakusud in singog bayongan in intau tua in moikobí doman. Moiko in inoiní domandon sin mobaḻí umat i Yesus Kristus.

SURAT I PAULUS KON JAMAAT RUM 5:1

Tanaa kita in noyodamedon bui takin i Allah, sin kita in mopirisaya. Tuamai in koḻigai bá mobiag in kita kon bonu in dodamean takin i Allah inta podoyon kon pirisaya naton kon i Tuhan naton ki Yesus Kristus.

SURAT I PAULUS KON JAMAAT RUM 5:5

Bo harapan ná tanaa in diábí mokokecewa kon i naton, sin gina naton ain notarima kon totabi i Allah. Tua in inaidan i Allah pinongin Roho-Nea, inta ain inogoi kon i naton.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

SURAT I PAULUS KON JAMAAT RUM 8:39

kawasa mita inta kon ḷangit, ande inta kon butá, ande bayongan yagi-yagi. Tua komintan in diábí mobaḻí ḷabot kon i Allah mobogoi in tabi-Nea kon i naton, inta ná inta ain pinoniata-Nea pinongin i Yesus Kristus, Tuhan naton.

SURAT I PAULUS KON JAMAAT RUM 9:25

Sin kon bonu in buk i Nabi Hosea, ki Allah in noguman nanaa, “Intau mita inta deeman umat-Ku, in tangoion-Kudon ‘Umat-Ku’. Bangusa inta diá kotabi-Ku, tangoion-Kudon ‘Kinotabi-Ku.’

KORINTUS 1 1:24

Tongá aka kon intau mita inta ain sinoko oiní i Allah, pinomayá intau in Yahudi andeka deeman – habar tatua in totokbí in pinirisaya kon aidbí i Allah kon moponiata in kawasa bo kapandoian-Nea.

KORINTUS 1 16:23

Poigumon mako ki Tuhan Yesus in momarakat kon i monimu.

GALATIA 6:18

Poigumonkudon mako sinbá totabi bo barakat i Tuhan naton ki Yesus Kristus umuran kotaki-takin monimu utatku mita. Amin. Horomat nami, Ki Paulus

EPESUS 1:2

Akuoi ki Paulus, inta nobaḻí rasul i Kristus Yesus sin pinodoyon kon ibog i Allah tontaní, akuoi in umuran mopoigum mako in doa sinbá ki Allah, ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

EPESUS 6:23

Poigumon mako ki Allah ki Amá naton bo ki Tuhan Yesus Kristus mobogoi in kasampatan kon bayongan jamaat motobatú bo umuran mototabian bo umuran doman mopirisaya kon i Kristus.

ULANGAN 33:12

Bo kon suku i Benyamin sia noguman: “Naadon in suku inta kinotabi i Tuhan. Sia nogoḻiung kon i monia singgai bo doḷom bo nogutun kon sigad monia.”

PILIPI 1:2

mopoigum mako kon bá ki Allah, ki Amá naton bo ki Tuhan Yesus Kristus in umuran mobogoi in barakat bo kobiagan motompia kon i monimu.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

PILIPI 4:20

Dinayo-dayowdon in ki Allah, ki Amá naton modapot in kopaḷutan dunia naa. Amin.

PILIPI 4:23

Poigumonku mako, ki Tuhan Yesus Kristus in umuran mobogoi in barakat kon i monimu komintan. Horomat nami, Ki Paulus bo ki Timotius

KOLOSE 3:12

Utat mita, moiko nion in umatbí i Allah inta ain sinotabi bo piniḻí-Nea mobaḻí kapunyaan-Nea tontaní. Tuamai in musti popoontong doman monimu in totabian, pia in gina, diá motosiḷantud, pososingog moaḷus bo mobahasa kon tumpaḷa intau bo mosabar aka koantugan in roriga.

KOLOSE 3:15

Pakédon in dodamean inta inogoi i Kristus, sinbá kawasaan-Neadon in ginamu, sin tuabí in mangaḻe pinogoinían kon i monimu motobatú kon awak, bo umuranbí posukur kon i Allah.

TESALONIKA 1 1:1

Utatku mita jamaat kon Tesalonika, inta ain nobaḻí umat i Allah ki Amá naton bo i Tuhan Yesus Kristus: Akuoi ki Paulus, ki Silwanus bo ki Timotius in umuran mopoigum kon i Allah sinbá tantú-Nea ogoian in barakat bo kobiagan motompia in moiko.

TESALONIKA 1 1:4

Utat mita, kinotaauan bidon nami kon motabibí in ki Allah kon i monimu bo piniḻí-Neadon in moiko mobaḻí umat inta kinotabi-Nea.

TESALONIKA 1 4:7

Inoiní i Allah in kita, deemanbí mogaid kon inta moraat, táe mogaidbí kon onu inta mokosanang kon gina-Nea.

TESALONIKA 1 5:28

Poigumon doman mako ki Tuhan naton ki Yesus Kristus umuran mobogoi in barakat. Horomat nami, Ki Paulus

TESALONIKA 2 1:2

in umuran mopoigum mako in doa sinbá ki Allah ki Amá naton bo ki Tuhan Yesus Kristus mobogoi in barakat bo kobiagan motompia kon i monimu komintan.

TESALONIKA 2 3:16

Ki Tuhanbí tua in pangkoi in kobiagan naton motompia. Poigumon mako umuran in Sia mobogoi kon i monimu in kobiagan motompia bo moonow kon bayongan in yagi-yagi. Bo igumon doman mako sinbá ki Tuhan in umuran moyotakin monimu komintan.

TESALONIKA 2 3:18

Totabi bo barakat i Yesus Kristus ki Tuhan naton in umuran koyota-yotakin monimu komintan. Horomat nami, Paulus

TIMOTIUS 2 4:22

Poigumon mako ki Allah in umuran moyotakinmu bo umuran doman mobogoi in barakat kon i monimu komintan! Horomat nami, Ki Paulus

TITUS 1:4

Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.

PILEMON 1:25

Poigumon mako ki Tuhan Yesus Kristus in momarakat kon i monimu. Horomat nami, Ki Paulus

PILEMON 1:3

Kami in umuran mosambayang sinbá ki Allah, ki Amá naton bo ki Tuhan Yesus in mobogoi in barakat bo kobiagan motompia kon inimu.

YAKOBUS 1:1

Utatku mita, bayongan in umat i Allah inta noibaya-bayá mako kon dunia! Akuoi ki Yakobus, mogogaid kon oaidan i Allah bo i Tuhan Yesus Kristus, mopoyaput in salam kon i monimu.

PETRUS 1 1:15

Táe aidaibí in naa, kotusidon in moiko kon bayongan in yagi-yagi inta inaidan monimu, ná ki Allah inta ain nogoiní kon i monimu tua in motusibí totok.

YOHANES 1 3:1

Indoiaika dá ki Allah totokbí in motabi kon i naton, sahingga ináku-Neadon in kita saḷaku ki adí-Nea mita. Bo totuu kon kita naa in ki adíbí mita i Allah. Tuamai dunia inta moraat naa in diá nonotaau kon i naton, lantaran dunia diá nonotaau kon i Allah.

YOHANES 2 1:3

Poigumon mako, totabi, barakat bo kobiagan motompia nongkon i Allah, ki Amá naton bo nongkon i Yesus Kristus ki Adí-Nea in umuran doman kotaki-takin naton. Igumon mako tua, komintan mouḻí naton intua takin gina motuḻid bo takin tabi.

WAHYU 2:1

“Paisdon kon malaekat in jamaat inta kon Epesus, nanaa: Naadon in koyow nongkon i-Nia inta ḻima-Nea koḷanan in nokadai kon tundi pitu bo minayá kon sigad in sioḷ pototuduan kon togá inta pinomia nongkon buḷawan tua.

WAHYU 2:12

“Paisdon kon malaekat in jamaat Pergamus, nanaa: Naadon in koyow nongkon i-Nia inta nokadai kon pitow moḷanit inta doyowa in matanea.

WAHYU 2:18

“Paisdon kon malaekat in jamaat inta kon Tiatira, paisdon nanaa: Nanaa in koyow nongkon Adí i Allah inta mata-Nea moyongkit naonda bo tuḷu; bo sioḷ-Nea in naonda bo tambaga sinubá.

WAHYU 2:29

Ki ine in mokodongog, yo tarukira in onu in pinoguman in Roho i Allah kon jamaat mita!”

WAHYU 2:8

“Paisdon kon malaekat inta kon Smirna, nanaa: Nanaa in koyow nongkon i-Nia inta muna-munamai bo inta pangabisan – inta ain minatoi bo inta nobiag bui.

WAHYU 22:21

Poigumon mako barakat bo totabi Tuhan Yesus in umuran kotaki-takin monimu komintan! Amin.

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.

WAHYU 3:22

Ki ine in mokodongog, yo tarukira in onu inta pinoguman in Roho i Allah kon jamaat mita!”

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.