SURAT I PAULUS KON JAMAAT RUM 1:23 - Alkitab Singog In Mongondow Masa In Tanaa

²³ Deemanbí ki Allah inta mononoi in sumbáan monia, táe patongbí inta ná batangan in mahaḷuk mita inta mato-matoipabí; umpamanea: intau, ḷagapan, mahaḷuk mita inta opat in sioḷnea, bo mahaḷuk mita inta ḷumandai in mayá.

SURAT I PAULUS KON JAMAAT RUM 1:23 Iomraidhean Croise

MAZMUR 106:20

Mosia in noponoḻiu kon i Allah inta moḷantud takin patong in sapi mokokaan kon bonok.

YESAYA 40:18

Dá ki ine in popotongkaianmu kon i Allah? Ki ine in inanggapmu notombatangan-Nea?

YESAYA 40:26

Ḷangagdon kon ḷangit, bo taridika! Ki ine in nomaḻí kon tundi mita? Sia inta nonompia kon i monia naonda bo tontara, kinotaauan-Nea in kobayong monia, bo mogoiní kon batúannea podudui in tangoinea-tangoinea. Diábí tobatúmai in mobuḻi, popisí in moḷoben totok in kawasa i Tuhan!

YESAYA 44:13

Mogogimok kon kayu in mogukur kon kayu. Gambaronnea in kapur onu in aidannea bo kurigonnea in pakakatnea bo aidannea patong in intau inta moḷunat, bo ukatonnea kon bonu in baḷoinea.

YEREMIA 2:11

Diápabí nokoimontanmai in bangusa tobatú in noponoḻiu in ilahnea umpaka tua deeman Allah totu-totuu. Táe, umat-Ku in noponoḻiudon kon i-Nakó, inta mokoyunggagá kon i monia sinoḻiuan monia in ibanea mako inta diá mokoaid kon onu bo onu.

YEHEZKIEL 8:10

Dá akuoi in sinumuot doman bo noindoi. Dinding mita in yuang tatua ginambaran in noyagi-yagimai in uḷag bo mahaḷuk mita haram ibanea, bo noyagi-yagimai doman in gambar berhala inta sinumba in intau mita in Israel.

OUMAN IN RASUL MITA 10:12

Kon bonunea noyagi-yagimai in mahaḷuk inta opat in sioḷnea. Mahaḷuk inta ḷumandai in mayá bo ḷagapan mita inta kaḻig.

OUMAN IN RASUL MITA 17:29

Dá lantaran kita bo ki adíbí mita i Allah, dá diábí motaau anggapon naton kon ki Allah tua in ná bí onda bo patong inta inaidan nongkon buḷawan andeka inaidan nongkon saḷaka andeka ná batu inta inaidan pinodudui in kopopandoi intau.

SURAT I PAULUS KON JAMAAT RUM 1:25

Ki Allah inta mobanar toḻiuanbí monia in onu inta diá totuu. Mosia in doíbí mosumba kon inta nomaḻí, táe tongábí inta binaḻí in sumbáan monia. Bokaka inta nomaḻíbí tua in musti dayowon modapot in kopaḷutan in dunia naa! Amin.

KORINTUS 1 12:2

Toropdon, kon wakutu in moiko diápa nonotaau kon i Tuhan, moiko in umuranpabí dinumudui kon berhala inta bobó.

ULANGAN 5:8

Dika in iko momia kon patong inta pinodayan kon onu in kon ḷangit, kon butá ande kon bonu in tubig kon ḻimonag in butá.

PETRUS 1 4:3

Sin nobayongdon totok in wakutu inta pinaké monimu nogaid kon onu inta kinoibog in intau mita inta diá nonotaau kon i Tuhan. Diá mopia in kobobiag monimu. Moiko in dinumudui kon ibog in awak, monginum dapot in moḷoḷangu, umuran mogaid kon rame inta diá in baragunanea, monginum moyotakin bo mosumba kon berhala inta ilarang i Tuhan.

WAHYU 9:20

Táe intau mita ki agatnea inta diá minatoi in roriga tatua in doípabí doman in mogogai mogaid kon inta diá nopia inta biasamai aidan monia. Mosia in umuran mosumba kon dimukud mita moraat bo berhala mita inta pinomia nongkon buḷawan, saḷaka, tambaga, batu bo kayu inta diá mokoontong, diá mokodongog bo diá doman mokobayá.