SURAT I PAULUS KON JAMAAT RUM 1:21 - Alkitab Singog In Mongondow Masa In Tanaa

²¹ Intau in nonotaau bidon kon i Allah, táe diábí i horomat monia in Sia saḷaku Allah bo mosia in doí doman mosukur kon i-Nia. Sin soaḷbí mita inta diá in mangaḻenea in raion monia; nosindipdon in gina monia.

SURAT I PAULUS KON JAMAAT RUM 1:21 Iomraidhean Croise

KINOBAḺIAN 6:5

Inontong i Tuhan kon totokdon moraat in intau mita kon dunia naa; bayongan in raian monia umurandon moraat.

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

DATU MITA IMITÁNEA 20:23

Porwira mita i Datu Benhadad in noguman kon i Benhadad, “Ilah mita inta sinumba in bangusa Israel ain nongawasa kon buḷud, tuamai in kita sinaḷow in bangusa tatua. Táe taḷowonbí naton in mosia aka kita in moparang kon ḷopá.

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

MAZMUR 50:23

Intau inta moposumba in sukur mobaḻí kurubannea, siabí tua inta mohoromat kon i-Nakó; bo kon intau inta nosadia kon daḷan in poontong-Kubí in kasaḷamatan nongkon i-Nakó.”

MAZMUR 81:12

Táe umat-Ku in doí mokidongog kon i-Nakó, Israel in doí motoindudui kon i-Nakó.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

MOHOHUTUBA 7:29

Tongábí naa in nouḻíku: Pinomia i Allah in kita diá noiḻiu bo biasabímai. Táe kitabí tontaní in mopororigamai bo mopoyagi-yagimai.

YESAYA 60:2

Dunia kinawasa in sindip, bangusa mita kinokoḷoban in pungit; táe bayag i Tuhan in momukábí kon ḻimonikmu, Sindar in koangoian-Nea in moniata kon ḻimonikmu

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

YEREMIA 2:5

Ki Tuhan in noguman, “Taḷá onu in nouḻí in mogoguyangmu kon i-Nakó, nodapot in mosia nomaḻidawan kon i-Nakó? Mosia in nomatuk kon berhala inta diá in mangaḻenea bo imbuitnea mosiadon tontaní in nohina.

YEREMIA 9:14

Mosia in pamandot bo mosumba kon berhala mita in Baal ná inta sinundú in mogoguyang monia.

YEHEZKIEL 14:5

Komintan berhala tatua in nokopopisídon kon umat-Ku iyumayú kon i-Nakó, táe igumon mako pongin tubag-Ku tatua umat-Ku in mobuidon mangoi kon i-Nakó.’

YEHEZKIEL 20:25

Onda intua inogoi-Ku kon i monia in hukum mita inta diá mopia bo parenta mita inta diá mokobiag.

HOSEA 2:8

Ki inámu diábí kon dodai in onda in akuonnea kon Akuoibí in nobogoi kon inia in gandum, anggur, ḷana zaitun, bo bayongan in buḷawan, saḷaka inta pinakénea nosumba kon Baal tatua.

YOHANES 3:19

Naa in mobaḻí dodoyonan ponuntutan kon inia: Bayag ain namangoi in dunia naa, táe sindipbí in koibo-ibog in intau, sin moraat in oaid monia.

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

SURAT I PAULUS KON JAMAAT RUM 1:19

Onu in kinotaauan intau soaḷ ki Allah in noniatadon kon gina in intau, sin ain pinoniata i Allah kon intau.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

SURAT I PAULUS KON JAMAAT RUM 11:10

Bo pomayádon mako in mata monia mobilog, sahingga in mosia in diá mokoontong; bo pomayádon mako in mosia in tantú mobungkut.”

SURAT I PAULUS KON JAMAAT RUM 15:9

Pinomia doman i Yesus in bangusa mita ibanea mopomulia kon i Allah popisí kopopia in gina-Nea kon i monia. Kon bonu in Buk Motusi in pinais nanaa, “Tuamai akuoi in modayow kon ini-Mu kon sigad in bangusa mita, akuoi in mopodondongbí in dodayowku podayow kon tangoi-Mu.”

ULANGAN 28:29

Singgai moiko in mayá takin mongokap naonda bo intau bilog, táe diábí mokouḻí kon daḷan. Bayongan in totayakmu diábí in mangaḻenea. Moiko in tantú bidon doroton bo pogagowan, bo diábí in motuḷung kon i monimu.

TIMOTIUS 2 3:2

Intau mita in dongkadon umuran momikir kon kopontingan monia tontaní. Kon gina monia in dongka bidon tantú doit, mosia in moambungangaḷ bo moibog monguboḷ, moibo-ibog moningkuḻe kon intau, momarontak kon guyanga, diá motaau motuḻí kon kopopia in intau kon i monia bo onu inta sinundú in agama kodoíbí monia.

PETRUS 1 1:18

Sin kinotaauan bidon monimu kon moiko in sinobut bidon nongkon kobobiag monimu inta diá in mangaḻenea, sin tuabí in pinopoponag in mogoguyang monimu. Pinoguboḻi kon i monimu tua in deemanbí barang inta mogogu-goguyaat ná saḷaka andeka buḷawan,

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

WAHYU 14:7

Malaekat tatua in nomaḷú noropot totok, nanaa: “Koondokdon kon i Allah, bo pomuliadon in Sia! Sin naadon in wakutu i Allah mohakim kon dunia. Sumbadon in Sia inta ain nomia kon ḷangit, butá dagat bo bayongan in bokaká!”

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”