SURAT I PAULUS KON JAMAAT RUM 1:19 - Alkitab Singog In Mongondow Masa In Tanaa

¹⁹ Onu in kinotaauan intau soaḷ ki Allah in noniatadon kon gina in intau, sin ain pinoniata i Allah kon intau.

SURAT I PAULUS KON JAMAAT RUM 1:19 Iomraidhean Croise

YESAYA 40:21

Umpaka yo diá kinotaauanmu bo diá nokodongog, bo diá pinopotaau kon inimu nongkon dungkuḷmai? Umpaka yo iko in diá momangaḻe nongkon pinomangkoianmai naonda in pinomangkoian in dunia?

YESAYA 40:26

Ḷangagdon kon ḷangit, bo taridika! Ki ine in nomaḻí kon tundi mita? Sia inta nonompia kon i monia naonda bo tontara, kinotaauan-Nea in kobayong monia, bo mogoiní kon batúannea podudui in tangoinea-tangoinea. Diábí tobatúmai in mobuḻi, popisí in moḷoben totok in kawasa i Tuhan!

YOHANES 1:9

Bayag totokanea inta monimbayag kon bayongan in intau, mamangoi in dunia.

SURAT I PAULUS KON JAMAAT RUM 1:20

Pinangkoipamai in Sia nomaḻí kon dunia naa, sipat mita i Allah inta diá koontongan, ná kaadaan-Nea saḷaku Allah bo kawasa-Nea inta mononoi, kinotaauan bidon in intau nongkon bayongan inta pinomia-Nea tua, sahingga intau in diábí motaau in dumodia.

SURAT I PAULUS KON JAMAAT RUM 2:14

Intau mita ibanea in diá nonotaau kon hukum agama Yahudi. Táe aka intau mita tatua bo moibogbí mogaid kon onu inta pinarenta kon hukum tatua, yo mosia bidon tua in mobaḻí hukum kon i monia tontaní, umpakabí mosia in diá nonotaau kon hukum agama Yahudi.