SURAT I PAULUS KON JAMAAT RUM 1:10 - Alkitab Singog In Mongondow Masa In Tanaa

¹⁰ Poigumonkupa doman mako kon i Allah sinbá ogoian-Neapa in kasampatan tanaa mako in akuoi mokipodungkuḷ kon i monimu.

SURAT I PAULUS KON JAMAAT RUM 1:10 Iomraidhean Croise

OUMAN IN RASUL MITA 18:21

Táe umpaka natua, wakutu in mobuatdon, sia in noguman kon i monia, “Aka umuranpa totabion i Allah dá moiangoibí bui kon naa in akuoi.” Naonda in noguman mako kon natua, minayádon in sia nongkon Epesus.

OUMAN IN RASUL MITA 19:21

Naonda in nopaḷut in bayongan inta nobaḻí tatua, ki Paulus in nogamádon kon kaputusan mayá in Makedonia bo Akhaya bo yumaput kon Yerusalem. Sia in noguman, “Mopaḷut kon tua, akuoi in musti mayá doman in Rum.”

OUMAN IN RASUL MITA 21:14

Tongá sia bo doíbí nokidongog kon tonggina nami, dá dinududuiandon nami in ibognea tatua takin noguman: “Kobaḻídon onu inta kinoibog Tuhan.”

SURAT I PAULUS KON JAMAAT RUM 15:29

Kotaauankubí kon aka akuoi in mamangoi kon i monimu, pasti modiabí kon barakat mobayong inta nongkon i Kristus.

KORINTUS 1 1:1

Utat mita jamaat i Allah kon Korintus! Moiko inoinídon i Allah mobaḻí umat-Nea sin moiko kapunyaan i Kristus Yesus, moyotakin in bayongan intau nongkon ondakadon inta nosumba kon i Tuhan naton ki Yesus Kristus, ki Tuhan monia bo ki Tuhan naton doman. Akuoi ki Paulus, bo ki utat naton ki Sostenes, mopoigum mako sinbá ki Allah, Amá naton bo ki Tuhan Yesus Kristus in umuran mobogoi in barakat bo kobiagan motompia kon i monimu. Akuoi in nomais kon surat tanaa saḷakubí rasul i Kristus Yesus inta inoiní i Allah tontaní podudui in ibog-Nea.

KORINTUS 1 4:19

Aka diá in ḷabot yo diá bidon moonggot in akuoi bo bui mamangoi mokipodungkuḷ kon i monimu. Bain kon wakutu intua bo indoianku mongo onu in motaau aidan in intau inta mongododia tatua; deemanbí tongá kon bibig monia.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

TESALONIKA 1 2:18

Kami in nonomayádon mamangoi mokipodungkuḷ kon i monimu; kotongonumaidon degá nonungkuḷ táe umuran ḷamboian Ibilis in tomayá nami tatua.

PILEMON 1:22

Akuoi in mopoigum doman kon inimu, tuḷungaipa posadiaai in akuoi kon gopot kon baḷoimu sin haraponku mako kon indongoganbí i Allah onu in pinoigum i utat mita konbá akuoi in buipa mamangoi kon i monimu.

IBRANI 13:19

Poigumonkudon totok, sambayangaipa in akuoi bá ḷagidon diaan mangoi i Allah kon i monimu.

YAKOBUS 4:15

Mustibí nanaa in singogon monimu: “Aka ogoi i Tuhan mobiag in kami dá mogaid in kami kon naa ande kon tua.”