PILIPI 4:9 - Alkitab Singog In Mongondow Masa In Tanaa

⁹ Aidaidon onu inta ain binalajar bo sinarima monimu kon inakó; bo onu inta ain dinongog andeka inta ain inontong monimu kon inakó aidai intua. Dá ki Allah inta pangkoi in kopiaan umuranbí kotaki-takin monimu.

PILIPI 4:9 Iomraidhean Croise

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 8:10

Pomiadon kon tomayá, táe bayongan tua diábí in motuoi. Gamádon in bontow in tosingogon, táe diábí in baragunanea, sin ki Allah in kotaki-takin nami.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MATIUS 7:21

“Diábí komintan intau inta mogoiní kon i-Nakó, ‘Tuhan, Tuhan,’ in mobaḻí umat-Ku, táe tongábí mosia inta dinumudui kon koibog i Amá-Ku inta kon soroga.

LUKAS 6:46

“Nongonu sin moiko in mokuukbí kon i-Nakó, ‘Tuhan, Tuhan,’ bokaka bo doíbí in mogaid kon onu inta pinoki aid-Ku?

LUKAS 8:21

Táe ki Yesus in noguman kon i monia, “Intaubí mita inta moibog mokidongog kon Pirman i Allah bo inta moibog mogaid kon onu inta kinoibog-Nea, tuatabí in ki iná bo ki utat-Ku mita.”

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

YOHANES 15:14

Moiko nion in yobayat-Ku mita, aka pomiaan monimu in onu inta pinarenta-Ku kon inimu.

YOHANES 2:5

Táe ki iná i Yesus in noguman kon simpaḷ mita kon pinonikaan tatua: “Aidaidon in onu in pokiaid-Nea kon i monimu.”

OUMAN IN RASUL MITA 9:6

Táe tanaa mako in poguman-Ku kon inimu pobangondon bo tuotdon in kotá. Bain kon tua bo poguman-Ku kon inimu mongo onu in pokiaid-Ku kon inimu.”

SURAT I PAULUS KON JAMAAT RUM 15:33

Poigumondon mako, ki Allah inta nobogoi in kobiagan motompia kon intau, umuran moyotakin i monimu komintan. Amin.

SURAT I PAULUS KON JAMAAT RUM 16:20

Ki Allah inta mobogoi in kobiagan motompia kon intau, mopotungkudbí in Ibilis kon ḻimonag in kawasamu bo rimumudonmu in sia. Poigumon doman mako, moiko in umuran barakatan i Yesus Kristus, Tuhan naton!

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

KORINTUS 1 14:33

Sin doíbí in ki Allah kon kobobiag intau motombauk. Koibog-Nea in kobobiagbí inta motompia. Ná inta nobaḻídon kon bayongan jamaat i Allah,

KORINTUS 1 4:16

Tuamai poigumonku, moiko in umuran dumayan kon kobobiagku.

KORINTUS 2 13:11

Naa in tongginaku pangabisan kon i monimu utatku mita, mokoposanangdon kon gina bo poramujidon sinbá umuran mobiag mosompurna. Umuran kon gina-gina mako in tongginaku mita naa. Umuran motobatú kon gina bo kon raian bo umuran mototabian. Sin ki Allah inta nobaḻí dodoyonan totabi bo kobiagan inta mopia, umuran kotaki-takin monimu.

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

PILIPI 3:17

Utat mita! Duduiai in onu inta ain inaidanku bo tarukira in mosia inta nobiag naonda bo kami inta ain nobaḻí dodayanan kon i monimu.

PILIPI 4:7

Dá kobiagan motompia nongkon i Allah inta diá kodapotan in raian intau, in moḷukad kon gina bo raianmu inta ain notobatú i Kristus Yesus.

TESALONIKA 1 1:6

Moiko in dinumuduidon kon onu inta inontong monimu inaidan nami bo inta inaidan i Tuhan. Umpaka moiko nobiag nororiga sin pinogutú totok in intau ibanea, táe Habar Mopia inta pinoyaput nami kon i monimu in sinarimabí monimu takin sanang in gina. Sanang in gina tatua in Rohobí i Allah in nobogoi.

TESALONIKA 1 2:14

Bayongan ginaḷum jamaat i Allah, onu inta kinorasaan monimu, kinorasaanbí doman in jamaat mita i Allah inta kon Yudea inta nopirisaya domandon kon i Kristus Yesus. Moiko in pinogutú doman in yobayat mita monimu tongoḻipúan, naonda bo inta kinorasaan in jamaat mita i Allah kon Yudea. Mosia in pinogutú doman in intau mita Yahudi.

TESALONIKA 1 5:23

Poigumon mako sinbá umuran i Allah ogoian in kobiagan motompia bo baḻíon-Nea in moiko umat inta tongá mopirisaya bo mobiag takin i Allah. Poigumon doman mako bá ḷukadandon i Allah in roho, gina bo awak monimu, sahingga in diábí in mogaat kon wakutu in koangoiandon bui i Yesus Kristus ki Tuhan naton.

TESALONIKA 2 3:4

Bo kami in mopirisayabí totok kon i Tuhan kon moiko nion in tantúbí mogaid kon onu inta pinoki aid nami kon i monimu.

TIMOTIUS 2 4:22

Poigumon mako ki Allah in umuran moyotakinmu bo umuran doman mobogoi in barakat kon i monimu komintan! Horomat nami, Ki Paulus

YAKOBUS 1:22

Musti aidan monimu in onu inta pinoki aid i Allah, deemanbí tongá indongogan mako bo diá aidan, sin aka diá aidan yo tua in mangaḻenea moiko in nonguboḷdon kon i monimu tontaní.

PETRUS 2 1:10

Tuamai utatku mita, poramuji totok, sinbá moiko inta ain inoiní bo piniḻí i Allah in morotondon totok in pirisayamu. Aka aidan monimu intua komintan, yo diá bidon mobaḷui in pirisayamu.

YOHANES 1 3:22

Bo onu in igumon naton kon i-Nia, tarimaanbí naton, sin kita in umuran dinumudui kon parenta-Nea mita bo nogaid kon onu inta mokosanang kon gina-Nea.