PILIPI 4:8 - Alkitab Singog In Mongondow Masa In Tanaa

⁸ Naa in simpod in singogku utat mita, porai kon onu inta oyúon in baragunanea, bo onu inta motaau dayowon, ná soaḷ mita inta moitutui, inta horomatonmai, inta moadil, modarit, inta moromimit bo inta mopia.

PILIPI 4:8 Iomraidhean Croise

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

SAMUEL 2 1:23

Ki Saul bo ki Yonatan, totuu mopia in pososingog bo kinotabi; umuran motobatú kon bonu in nobiagpa nodapot in minatoidon; mosia in moḻika-ḻikat in ḷagapan garuda, moropo-ropot nongkon singa batánea.

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

MAZMUR 82:2

“Dika bidon monisig takin tombogá, bo dika dumotá kon intau moraat.

AMSAL 11:1

Ki Tuhan in doíbí kon intau inta mopomaké in simbangan inta motombogá táe mopia in gina-Nea kon intau inta mopomaké in pononimbangan inta moitutui.

AMSAL 12:4

Buḷoi bobay inta mopia in mokosanang kon i buḷoinea ḷoḷaki, buḷoi bobay inta nokopooyámai kon i buḷoinea in naonda bo panyaki in tuḷan inta mongaratmai.

AMSAL 16:11

Ibogon i Tuhan intau mokopotuḻid kon gina aka modagang, ná doman tua in mopomaké in ukuran bo simbangan.

AMSAL 20:7

Adí mita mountung aka oyúon in guyanga ḷoḷaki inta mopia bo motuḻid in kobobiagnea.

AMSAL 31:10

Buḷoi mopandoi moajarbí in mokouḻí; siabí in momaha-mahaḷ in intan berlian.

AMSAL 31:29

“Nobayongbí in bobay in mopia,” guman i buḷoinea ḷoḷaki, “táe ikobí in mopia-pia nongkon i monia komintan.”

AMSAL 31:31

Tuḻíaibí in aidnea inta mopia; sia in bobay inta patus horomaton kon ondakabí!

DONDONG MOḶANTUD 5:16

Totuu mokosanang in pososingognea, bayongan yagi-yagi kon inia mokoangá. Natuata batoḷ in dodob bo yobayatku, ei mongodeaga mita in Yerusalem!

YESAYA 26:7

Intau inta motuḻid in gina in mongin daḷan inta motuḻid, sin Iko, Tuhan in nomontang kon daḷan bayáannea.

MATIUS 22:16

Mosia nopotabá kon dumodudui mita monia noyotakin in intau mita i Herodes sin moḻibó kon i Yesus nanaa, “Pak Guru, kinotaauan nami ki Pak Guru intau inta motuḻid in gina bo takin gina motuḻid doman ki Pak Guru moguman kon daḷan i Allah, bo diá doman ki Pak Guru moondok kon i ine kabí sin diábí poyoposion i Guru in intau.

MARKUS 6:20

Sin kinotaauan i Herodes kon ki Yohanes tua in totabá mopia i Allah dá mobangkaḷ in sia. Manangka intua pinoki ḷukadnea totok in ki Yohanes kon bonu in ponjara. Bo aka mosingog in ki Yohanes yo moibogbí in ki Herodes mokidongog kon singognea, umpakabí moḻia-ḻiaw totok in ginanea in mokodongog.

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

LUKAS 2:25

Kon wakutu intua, kon Yerusalem oyúon intau tangoinea ki Simeon. Sia naa intau mopia bo inta umuran dinumudui kon parenta i Tuhan, bo sia in mogoḷat doman mako kon koangoian in mopoposaḷamat kon Israel. Sia naa in umuran kinawasa in Roho i Allah.

LUKAS 23:50

Oyúon tobatú intau, ki Yusup in tangoinea. Sia in nongkon kotá in Arimatea kon butá in Yudea. Sia tua in intau mopia bo mobanar inta umuran mogoḷat mako kon wakutu koangoian i Allah momarenta saḷaku Datu. Umpakabí in sia tobatú Mahkama Agama, táe sia naa in diábí nosotuju kon kaputusan bo gogutú in mahkama agama ibanea tua.

YOHANES 7:18

Intau inta motundú kon onu in kinoibognea tontaní, sia tua i motayakbí kon bá horomaton. Táe intau inta moramuji sinbá horomaton in ki Inta nopotabá kon inia yo mojujur in sia tua, bo diábí in uboḷ kon inia.

OUMAN IN RASUL MITA 10:22

Dá mosia in notubag, “Kami naa in namangoi sin pinotabá i Kornelius, tobatú itoi in tontara Rum, inta totok mopia bo motoindudui kon i Allah bo ihoromat in bayongan intau in Yahudi. Tobatú malaekat i Allah in namangoi kon inia bo nopotabá mogoiní kon i Tuang sinbá ki Tuang in mamangoi in baḷoinea, saḷaku tubag i Tuhan kon bayongan inta pinoigumnea kon doa. Sia in pinoki indongogan kon onu in poguman i Tuang kon inia.”

OUMAN IN RASUL MITA 22:12

Kon Damsyik oyúon in intau tangoinea ki Ananias. Sia tua in intaubí mopia inta umuran motoindudui kon hukum i Musa. Bayongan in intau in Yahudi inta nogutun kon Damsyik totokbí in moinsim kon inia.

OUMAN IN RASUL MITA 6:3

Dá, maníka ki utat mita in momiḻí kon pitu in intau inta kon sigad monimu, intau mopia bo inta kinawasa in Roho i Allah, mobijaksana bo inta motaau pirisayaanmai monoinut kon soaḷ mita tanaa;

SURAT I PAULUS KON JAMAAT RUM 13:13

Musti in kita mogaid kon soaḷ mita motompia ná inta biasamai aidan in intau kon tungkuḷ in mobayagpa. Dika mogaid kon rame inta moiḻiu, ande moḷoḷangu. Dika mogaid kon inta mokoromú ande oaid inta diá koendar. Dika moporopatoi, bo dika mosiintoian.

SURAT I PAULUS KON JAMAAT RUM 13:3

Sin ki ine in mogaid kon inta mopia donaai bidon moondok kon pomarenta, tongábí mosia inta mogaid kon moraat tua in musti moondok. Dá aka iko moibog bá diá moondok kon pomarenta, dá aidaidon in onu inta mopia bo pujionbí in iko.

SURAT I PAULUS KON JAMAAT RUM 14:18

Intau inta nobantung natua kon i Kristus, sia tua inta mokosanang kon gina i Allah, bo sia in horomaton doman in intau ibanea.

SURAT I PAULUS KON JAMAAT RUM 2:29

Sin nanaabí, intau inta totokanea in Yahudi in intaubí inta ginanea totu-totuubí jiwa intau Yahudi. Ná doman tua, sunat inta totokanea in sunatbí kon gina inta pinomia in Roho i Allah, deemanbí inta pinais kon bonu in buk. Bo intau natua in dayowon i Allah, deemanbí dayowon in intau.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

KORINTUS 2 13:7

Kami in umuran mopoigum mako doa sinbá moiko in diá mogaid kon inta moraat. Deemanbí mopoontong kon kami in monahangdon totok kon totungkuḷ, táe ibogon nami in bá moiko in umuran motaau in mogaid kon inta mopia – umpaka ontongon monimu in kami diá mokotahang kon totungkuḷ!

KORINTUS 2 6:8

Oyúon in mohoromat kon i nami, táe oyúon doman in moningkuḻe; oyúon in moduí, táe oyúon doman moponapud in diá totuu. Umpakabí kami in mojujur, táe kai monia kami in mouboḷ.

KORINTUS 2 8:18

Bo kami in nopotabá doman in tobatú utat naton noyotakinnea, utat naton tanaa in totokbí i horomat in bayongan jamaat sin oaidannea nopoyaput in Habar Mopia nongkon i Allah.

KORINTUS 2 8:21

Sin kami in moibogbí mogaid kon inta mopia, deemanbí tongá kon tayowon i Allah táe kon tayowonbí doman in intau.

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

EPESUS 4:25

Manangka intua Utatku mita, dikadon moibog monguboḷ. Mokopojujurbí aka mobiag, sin kita komintan naa in tumpaḷabí anggota in awak i Kristus.

EPESUS 5:9

Sin nongkon bayag tuata momuká in bayongan oaid inta mopia, motuḻid bo mobiag totu-totuu kon tayowon i Allah.

EPESUS 6:14

Moiko in musti umuran mobasadia. Ginamu inta motoindudui kon i Allah aidaidon naonda bo abit bo gina motuḻid aidaidon naonda bo ḷambungmu uatoi.

ULANGAN 16:20

Moiko in mustibí umuran mokopoadil, sinbá umuran motaau mogutun bo mobiag motompia kon butá inta inogoi i Tuhan Allahmu kon inimu.

PILIPI 3:1

Pangabisannea, pogumanku kon i monimu utatku mita, kosanangdon in gina monimu, sin moiko ain notobatú i Tuhan. Diábí mobú in akuoi in momais bui kon onu inta ain pinaisku koḻipod kon i monimu; sin kopiaanbí monimu intua.

KOLOSE 4:5

Mokopobijaksanadon in mobiag moyotakin intau mita inta diá mopirisaya, bo pakédon kopira pomuḷoi oyúon in kasampatan.

TESALONIKA 1 4:12

Sahingga in moiko mobiagdon motoḷutui kon tayowon intau mita ibanea, bo diá tongá moharap mako kon intau ibanea.

TIMOTIUS 1 2:2

bo sambayangai doman in datu mita bo intau mita inta inogoian in kawasa momarenta sinbá moaman bo motompia in kobiagan naton kon tayowon i Allah inta umuran mogaid kon inta mopia.

TIMOTIUS 1 3:11

Ná doman tua, ki buḷoi monia bobay in mustibí intau mopia deemanbí intau inta maya-mayá mako mongonguman kon uboḷ. Mosia in mustibí intau inta mokokotahang kon bibig bo motaau doman pirisayaanmai kon bayongan in yagi-yagi.

TIMOTIUS 1 3:4

Sia in musti motaau monompia kon tombonu in baḷoinea, motaau modidik kon i adínea mita sinbá motoindudui bo mohoromat kon inia.

TIMOTIUS 1 4:12

Mokopoingat sinbá diá in tobatúmai intau in mopandang enteng kon inimu popisí in iko noguodpa. Táe poramujidon sinbá iko in umuran mobaḻí contoh bo doduduianmai kon soaḷ inta mopia i intau mita inta mopirisaya, pinangkoi kon pososingog, oaid bo kon soaḷ kototabimu kon tumpaḷa intau bo kopopirisayamu kon i Kristus Yesus takin kobobiagmu inta motompia.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

TIMOTIUS 1 5:2

Aka guyanga mita bobay dá pomia doman in mosia ná ki inámu tontaní. Natua doman in mongodeaga mita, pomia doman ná ki ai-aimu tontaní bo kotuḻidbí in gina.

TITUS 1:8

Mustibí intau inta moibog motuḷung kon intau ibanea, moibog kon inta mopia, mokotahang kon bibig, mojujur bo motoindudui kon ibog i Tuhan.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

TITUS 2:2

Tongginaai in guyanga mita ḷoḷaki, sinbá mokotahang kon gina in mosia, mobijaksana bo mobiag saḷaku guyanga inta patus horomaton. Umuran doman kumadai kon totundú inta noitutui nongkon i Allah bo totu-totuu doman motabi bo mosabar aka koantugan in roriga.

TITUS 2:7

Bo kon bayongan in yagi-yagi, oaidmu in musti mobaḻí dodayanan inta mopia kon i monia. Aka motundú in iko yo mustibí mokopojujur bo totu-totuu motundú.

TITUS 3:14

Tundúdon in intau mita naton mogaid kon soaḷ mita inta mopia sinbá mosia in motaau mopooyúon in bayongan kaparaḷuan inta paraḷu pakéon, sinbá oyúondon in baraguna monia tua.

IBRANI 11:2

Lantaran oyúon in pirisaya, dá intau mita tungkuḷ intua kinosanang in gina i Allah.

IBRANI 13:18

Tantúbí sambayangai in kami. Moyakinbí in kami kon notuḻidbí totok in gina nami, sin pomuḷoi in kami mogaid kon yagi-yagi, tantúbí inta mobanar in aidan nami.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

PETRUS 1 4:8

Tongá soaḷ tanaa inta totok in moponting, moiko in musti totu-totuu mositabian tobatú bo tobatú, sin aka moiko bo mositabian dá mangaḻenea kon tua moiko in moibog doman mosiampungan.

PETRUS 2 3:1

Utatku mita inta kinotabiku! Naa in suratku inta induaneadon kon i monimu. Kon bonu in suratku induanea tanaa, akuoi noramujidon totok sinbá moiko in tongá umuran morai kon inta mopia bo inta mokobiag.

YOHANES 1 3:18

Adíku mita! Donaaibí in kita motabi tongá kon bibig ande tongá kon singog, táe poniatabí in tabi tatua kon oaid naton.

YOHANES 1 3:3

Komintan intau inta oyúon in harapan nanaa kon i Kristus, musti totuu mokopodarit kon kobobiag, modarit nongkon dosa mita naonda bo ki Kristus nodarit doman.

YOHANES 1 4:1

Utat mita inta kotabiku! Donaaibí mogampang kinopiri-pirisayanea kon intau mita inta mongaku kinawasa in Roho i Allah, táe ujipa muna in mosia tua sinbá kotaauandon monimu mongo roho kon i monia tua nongkon i Allah andeka deeman. Sin nobayongdon intau in maya-mayá mako bo mongaku nabi bokaka deemanbí totuu nabi.

RUT 3:11

Tuamai, in dikadon moḻia-ḻiaw in ginamu Rut. Bayongan inta pinoigummu tua in daitonkubí pomiaan; sin bayongan in intau kon kotá tanaa ain nonotaau kon iko nion in bobaybí inta mopia in gina bo aid.