PILIPI 4:6 - Alkitab Singog In Mongondow Masa In Tanaa

⁶ Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

PILIPI 4:6 Iomraidhean Croise

DATU MITA IMITÁNEA 8:28

Oo Tuhan Allahku, akuoi naa in mogogundoi-Mu! Tongá indongogaipa kaasí in sambayangku, bo duduiaipa in oigumku singgai in naa.

TAWARIKH 2 32:20

Dá nosambayangdon in ki Datu Hizkia bo ki Nabi Yesaya ki adí i Amos. Mosia in nomaḷú noigum in totuḷung kon i Allah.

MAZMUR 51:15

Dá tundúonku in parenta-Mu kon intau baradosa, sinbá mobuidon mangoi in mosia kon ini-Mu.

MAZMUR 55:17

Táe akuoi in nokuani kon i Allah, ki Tuhan in moposaḷamatbí kon inakó.

MAZMUR 55:22

Tosingogonnea mita mopia in kodongogan modondouḷug, táe kon bonu in ginanea oyúon in yaat in gina. Potosingognea in moḷukó, táe monurak naonda bo tosilad inta moḷanit.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

AMSAL 16:3

Poandoḷdon kon i Tuhan in bayongan tomayámu, dá kodapotanmubí intua.

DONDONG MOḶANTUD 2:14

O paḷomaku kon sigad in batu, kon pinogadopan kon obaga mita in buḷud inta mosindog, pomayádon mako ontongonku in pogotmu, bo mokodongog kon singogmu, sin pogotmu moḷunat, dondongmu in mopia.

YEREMIA 32:16

Naonda in surat mita totaḷuian tatua inogoiku kon i Barukh, nosambayang in akuoi,

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

DANIEL 3:16

Ki Sadrakh, ki Mesakh bo ki Abednego in notubag, “Tuang inta momulia, kami in diábí monungkuḷ moposaḷamat kon awak nami.

DANIEL 6:10

Dá ki Datu Darius in notekengdon kon surat parenta tatua.

MATIUS 10:19

Táe aka moiko diaan sin adilon, yo donaaidon mohawatir bo momikir kon onu in singogon monimu kon tayowon monia. Sin komintan tua, in ogoi bidon kon i monimu aka wakutuneadon.

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MATIUS 6:34

Manangka intua, donaaidon mohawatir moiko kon singgai ikoḷom. Sin singgai ikoḷom torupabí doman in roriganea. Roriga singgai naa tugatdon, donaaidon dugangan in roriganea.”

MATIUS 6:8

Manangka intua yo donaaidon moiko dumudui kon oaid monia. Sin kotaauanbí i Amámu onu in paraḷumu, wakutu in moiko diápa moigum kon i-Nia.

LUKAS 10:41

Táe ki Tuhan in noguman, “Marta, Marta! Iko naa in totokbí mohawatir bo mopoyoyiga in awakmu tontaní bo tongá umuran morai kon bayongan rupa-rupa.

LUKAS 12:22

Ki Yesus in noguman doman kon murí-Nea mita, “Tuamai Akuoi in moguman kon i monimu, ‘Dika mohawatir kon soaḷ kobobiagmu, onu in kaanon andeka onu in pakéon monimu.’

LUKAS 12:29

Tuamai kotantúon in raian bo dika umuran moḻia-ḻiaw in gina monimu kon soaḷ kaanon andeka inumon monimu.

LUKAS 18:1

Onda intua ki Yesus nongonguman kon tobatú poumpamaan sin potundú kon i monia sinbá mosia in umuran mosambayang bo umuran moropot in gina.

LUKAS 18:7

Umpaka yo diá tuḷungan i Allah in intau inta ain piniḻí-Nea bo inta umuran doman mokuani kon i-Nia doḷom bo singgai? Umpaka yo onggo-onggotan-Neapa in wakutu-Nea motuḷung kon i monia?

KORINTUS 1 7:21

Aka wakutu inoiní bo moiko in nogaid saḷaku ata, yo diábí nongonu intua. Tongá aka komintanmai bo mokouḻídon kon kasampatan moiḷuatdon, yo popobaragunadon in kasampatan tatua.

KORINTUS 1 7:32

Ibogonku moiko komintan moiyayúdon kon bayongan roriga. Tuamai, intau inta diá kobuḷoi in musti mokopotantú kon raiannea bo mogaid kon onu inta kinoibog i Tuhan, bo moposanang in ginanea.

EPESUS 5:20

Umurandon in moiko mopoyaput in sukur kon i Allah, ki Amá naton kon bayongan in yagi-yagi podoyon kon tangoi Yesus Kristus, ki Tuhan naton.

EPESUS 6:18

Aidai intua komintan takin mosambayang mopoigum kon totuḷung i Allah. Posambayangdon pomuḷoi mako podudui ibog in Roho i Allah kon i monimu. Umuran pobasadia in moiko bo dika umundok. Tantú sambayangai in bayongan umat i Allah.

KOLOSE 3:15

Pakédon in dodamean inta inogoi i Kristus, sinbá kawasaan-Neadon in ginamu, sin tuabí in mangaḻe pinogoinían kon i monimu motobatú kon awak, bo umuranbí posukur kon i Allah.

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.

KOLOSE 4:2

Umuran mokoporajing in mosambayang bo umuran pobasadia, dika mokoḻiong in mosukur kon i Allah.

TIMOTIUS 1 2:1

Naa in totok poigumonku, aka moiko mosambayang mopoigum, bo mopoyaput in sukur kon i Allah, yo dika koḻiongan in bayongan intau, sambayangaibí komintan in mosia;

TIMOTIUS 1 5:5

Intau boba-bobay inta nobiagdon tontaní sin diádon in haraponnea mako motuḷung monompia kon inia, bo dongkadon ki Allah in poharapannea mako, yo musti in sia doḷom bo singgai in mosambayang bo mopoigum in totabi kon i Allah.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

PETRUS 1 5:7

Posarakaidon kon i Allah in bayongan inta mokoḻia-ḻiaw kon ginamu, sin Siabí in umuran moindoi kon inimu.

SAMUEL 1 1:15

Táe ki Hana in notubag, “Akuoi in diábí noḷoḷangu, Amá, akuoi in beresibí diá nonginum kon anggur! Akuoi in kinodaitandon kamang, bo mosambayangmai mongonguman kon bayongan in rorigaku kon i Tuhan.

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.

SAMUEL 1 7:12

Nopaḷut mako kon tua ki Samuel noposindog in batu tobatú, kon pinosigadan in Mizpa bo Sen. Sia in noguman, “Ki Tuhan totu-totuudon notuḷung kon inaton.” – Bo batu tatua in sinangoiannea “Batu Pinotuḷungan”.