PILIPI 4:22 - Alkitab Singog In Mongondow Masa In Tanaa

²² Bayongan in umat i Allah kon kotá tanaa bo mosia inta kon komaḻig i Kaisar in nopoyaput doman in salam kon i monimu.

PILIPI 4:22 Iomraidhean Croise

MATIUS 5:47

Bo aka moiko bo tongá doman mohoromat kon i utat mita, onubí in noiḻiu kon oaid in intau ibanea? Intau doman inta diá monotaau kon i Allah in mogaid doman kon natua!

OUMAN IN RASUL MITA 20:38

Nokuyang totok in gina monia sin mosia ain nokodongog kon singog i Paulus kon diá bidon bui moyodungkuḷnea in mosia komintan. Bo inatodon monia in sia nodapot in kapaḷ inta takoiannea.

OUMAN IN RASUL MITA 9:13

Ki Ananias in noguman, “Tuhan, aindon dinongogku kon bayongan intau, kon nobayongdon totok intau in pinogutú bo iḻimod in intau tatua kon Yerusalem, intau mita inta mopirisaya kon i Tuhan Yesus.

SURAT I PAULUS KON JAMAAT RUM 16:16

Posisalamanbí takin tabi saḷaku tumpaḷa utat inta mopirisaya kon i Kristus. Bayongan jamaat i Kristus kon naa nopoyaput in salam kon i monimu komintan.

KORINTUS 2 13:13

Totabi bo barakat i Tuhan Yesus Kristus bo i Allah takin kawasa in Roho Mokudus umuran kotaki-takin monimu komintan! Horomat nami, Ki Paulus

PILIPI 1:13

Tuamai in bayongan intau kon komaḻig bo intau mita ibanea inta kon kotá tanaa nonotaaudon kon akuoi in pinobonu kon ponjara popisíbí in dinumudui kon i Kristus.

IBRANI 13:24

Poyaputpa in salamku kon bayongan in itoi monimu bo bayongan in intau inta mopirisaya kon i Allah. Bo tarima domandon in salam nongkon i utat mita naton kon butá in Italia.

PETRUS 1 5:13

Yobayat mita tojamaatan takinku kon Babilon, inta ain piniḻí doman i Allah, nokipoyaput in salam kon i monimu; natua doman in ki Markus ki adíku inta kinotabiku.

YOHANES 3 1:14

Haraponku mako tua in ḷagidon moyodungkuḷmu, bo kita mongonguman moyogintayowan mako.