PILIPI 4:11 - Alkitab Singog In Mongondow Masa In Tanaa

¹¹ Mosingog in akuoi kon nanaa, deemanbí popisí in diádon in onu bo onu kon inakó, sin nobalajar bidon in akuoi mosukur tongákabí onu in oyúon.

PILIPI 4:11 Iomraidhean Croise

KINOBAḺIAN 28:20

Bo nongibotdon in ki Yakub, “Aka ki Tuhan motuḷung bo mogoḻiung kon inakó kon binayáan tanaa bo poḷat mobogoi kon inakó in kaanon bo pakeang

IḶUAIAN 2:21

Ki Musa noibog nogutun kon tua. Onda intua ki Yitro nopotonibuḷoi kon i Musa takin ki adínea inta tangoinea ki Zipora.

LUKAS 3:14

Oyúon doman in tontara in noḻibó, “Yo aka kami, onu in aidan nami?” Tubag i Yohanes, “Donaai mogagow bo donaai momakisa kon intau poḷat moponapud in inta diá mita totuu. Pakédon in gajimu tontaní!”

KORINTUS 2 11:27

Rumopot totok in akuoi in mogaid, dá mokakit in diádon mokoposiug, diádon mokopongaan, diádon mokoponginum, bo mokakit domandon in monahang tonow sin diádon koḷambu-ḷambung pakéon bo diá domandon in baḷoi pogutunan.

KORINTUS 2 6:10

Umpakabí pinokuyang monia in gina nami, táe umuranbí moḷunganga in gina nami. Kami in koontongan nobiag nobogá, táe nobayongdon intau in binaḻí nami nooyúon. Koontongan kami diá kon onu bo onu, táe sabanarnea bayongan rupa-rupa oyúonbí kon i nami.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

KORINTUS 2 9:8

Sin ki Allah in mokawasabí mobogoi in barakat kon i monimu, sinbá tantú oyúon in pakéon monimu; bo bá tantú oyúon in pogaid monimu kon inta mopia bo potuḷung kon intau.

PILIPI 3:8

Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,

IBRANI 10:34

Bo moiko in noitakin doman nokorasa kon koajar in gina monia inta kinurung kon ponjara. Bo wakutu in kapunyaan monimu nodait inagow, diá noyaat in gina monimu, sin kinotaauandon monimu kon oyúonpabí in mopia-pia nongkon tua bo inta mononoi totok.