PILIPI 3:8 - Alkitab Singog In Mongondow Masa In Tanaa

⁸ Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,

PILIPI 3:8 Iomraidhean Croise

DATU MITA IMITÁNEA 14:10

Tuamai in popoangoi-Kubí in bodito kon motoḷuadímu. Bayongan in buímu inta ḷoḷaki, onukabí in iḻitúannea yo ḻimodon-Kubí. Yopúon-Kubí in motoḷuadímu, notongkai ná intau nongait kon yoyatan kinodarit.

DATU MITA 2 9:37

bo kiagat in awak tatua in moitabudon magí mako naonda bo taai in mahaḷuk dá diábí tobatúmai in intau in monotaau kon mayat i ine intua.’ ”

AYUB 20:7

táe moinggamábí in sia dapot in mononoi, mayá nongkon dunia pinongin daḷan inta mokooyá. Intau mita inta nokoimontandon nonotaau kon inia, in moḻibóbí “Uḻe, kon onda in binayáannea?”

MAZMUR 126:6

Intau inta mayá moponimboi in batoḷ kon gobánea, takin tumomponggoḷuáanmai, yo notantú bidon kon sia in mobui sindaḷan modondong pia in gina kodia-dia in bungai in boyó mita.

MAZMUR 73:25

Ki inebí in kapunyaanku kon soroga koḻikudbí in Iko? Tongábí Iko diábí in ibanea mako in koibogku in kon butá.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

MALEAKHI 2:3

Ki adímu mita in tokohukumon-Ku, bo pogotmu in ḻepoan-Ku in taai in biag inta pinokuruban monimu, bo moiko in pogambat kon bonturungan in taai.

PINOGIAPAN 14:30

Koḻikud in ki Kaleb bo ki Yosua, diádon in tobatúmai intau kon sigad monimu inta umur doyowa nopuḷú notaong bo namonik in tumuot kon butá inta pinodandi-Ku kon inimu tua.

LUKAS 1:43

Ki inebí in akuoi naa nodapot in ki iná i Tuhan namangoi noindoi kon inakó?

LUKAS 11:20

Akuoi naa in noguntun kon dimukud moraat takin kawasa i Allah. Tua in mangaḻenea kon ki Allah in nomangkoidon nomarenta kon yua-yuak monimu.

YOHANES 14:20

Aka wakutuneadon, dá kotaauan bidon monimu kon Akuoi in notobatúbí takin i Amá, moiko in notobatú takin-Ku, bo Akuoi in notobatú takin i monimu.

YOHANES 14:7

Aka kuma bo kinotaauandon monimu in Akuoi, yo pastibí kon kinotaauan bidon monimu in ki Amá-Ku. Tanaa in kinotaauandon monimu in Sia, bo inontong domandon monimu in Sia.”

YOHANES 16:3

Tua in aidan monia kon inimu sin diápa kinotaauan monia in ki Amá andeka Akuoi.

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

YOHANES 17:8

Pinotaau-Kudon kon i monia in singog inta inogoi i Amá kon i-Nakó; bo sinarimadon monia. Kinotaauan monia kon Akuoi in totu-totuubí namangoi nongkon i Amá bo mosia in mopirisayabí kon ki Amábí in nopotabá kon i-Nakó.

YOHANES 20:13

Malaekat mita tatua in noḻibó, “Iná, nongonu sin mongombaḷ?” Ki Maria in noguman, “Ki Tuhanku in ginamádon in intau, bo diá doman kinotaauanku mongo pinobayá monia in onda.”

YOHANES 20:28

Ki Tomas in noguman kon i Yesus, “Tuhanku bo Allahku!”

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

SURAT I PAULUS KON JAMAAT RUM 8:18

Podudui in raianku, bayongan in roriga inta korasaan naton tanaa mako, diábí tugat in poyobandingonmai in kamuliaan inta poponiata kon i naton.

SURAT I PAULUS KON JAMAAT RUM 8:39

kawasa mita inta kon ḷangit, ande inta kon butá, ande bayongan yagi-yagi. Tua komintan in diábí mobaḻí ḷabot kon i Allah mobogoi in tabi-Nea kon i naton, inta ná inta ain pinoniata-Nea pinongin i Yesus Kristus, Tuhan naton.

KORINTUS 1 2:2

Sin iyakinku bidon kon bonu in kotaki-takinpa monimu, akuoi in diábí nosingog kon yagi-yagi, koḻikudbí in nopotaau in habar soaḷ ki Kristus; inta minatoi kon kayu pinoyotaḻempang.

KORINTUS 1 9:10

Andeka tua pinopomakusudbí kon i naton? Oo totuubí intua kon pinais bá kobacaan naton. Sin intau inta nogaid kon gobá bo inta nondarit kon gandumnea in tumpaḷabí moibog motarima kon boḻi inaidannea tatua.

KORINTUS 2 4:4

Sin ilah moraat inta mongawasa kon dunia naa in tantú mogoḻingoi kon raian in intau mita inta diá mopirisaya. Siabí tua in tantú mogoḻingoi kon i monia sinbá diá mokoontong kon bayag in Habar Mopia soaḷ kawasa i Kristus inta moḷoben, inta nobaḻí oḻinow i Allah.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

GALATIA 1:16

Pinoontong-Nea kon i nakó in ki Adí-Nea sinbá Habar Mopia soaḷ ki Adí-Nea bayáanku poyaputon kon intau mita inta deeman Yahudi. Bo wakutu intua akuoi in diábí minayá kon i ineka sin noigum kon tonggina.

EPESUS 4:13

Sahingga in kita komintan motobatúdon kon pirisaya bo motongkaidon in pongortian kon soaḷ ki Adí i Allah. Bo kita in mobaḻí intau mita inta noguyangdon kon pirisaya, inta koonggot-koonggot kodugang-kodugangdon in kososompurna ná ki Kristus.

PILIPI 1:1

Utatku mita umat i Allah inta nogutun kon Pilipi, inta notobatúdon i Kristus Yesus bo inta ain nobaḻí itoi bo diaken kon jamaat! Akuoi, ki Paulus bo ki Timotius inta mogogaid kon oaidan i Kristus Yesus,

PILIPI 3:10

Soaḷ inta totok in kinoibogku in monotaaubí kon i Kristus bo mokoalami kon kawasa inta nokobiag kon i-Nia nongkon kinopatoian. Bo moibog doman in akuoi mokoalami kon roriga ná inta kinorasaan-Nea bo notongkai doman ná kopopatoi-Nea,

PILIPI 3:12

Akuoi in diábí moguman kon nosompurnadon in akuoi. Táe umuranbí batukonku in tombuinag inta sinadia i Yesus Kristus. Sin tuabí in mangaḻe pinodomokan-Nea kon inakó bo binaḻí-Neadon in akuoi kapunyaan-Nea.

PILIPI 3:7

Tongá popisí in nopirisayadon kon i Kristus, dá onu in koḻipod inta inanggapku mobogoi in kauntungan kon inakó, tanaa mako inanggapkudon diá in mangaḻenea.

TIMOTIUS 2 4:6

Aka soaḷ akuoi, yo naadon i wakutu matoi saḷaku kuruban kon i Allah. Diádon moonggot monaḷámaidon kon dunia naa in akuoi.

IBRANI 3:14

Kita naa in komintanbí yobayat topogaidan i Kristus asaḷ bo tantú kumadai kon onu mita inta pinirisayadon naton nongkon pinomangkoianmai modapot kon kopaḷutan in dunia naa.

PETRUS 1 2:7

Moḷoben totok mangaḻe in batu tatua kon i monimu inta mopirisaya. Táe aka kon i monia inta diá mopirisaya, mobaḻíbí in onu inta ain pinais kon Buk Motusi nanaa, “Batu inta diá pinaké in intau mita inta mogogaid kon bangunan tua noniata magí yo nobaḻídon batu inta totok in moponting,”

PETRUS 2 1:2

Poigumon mako ki Allah mobogoi in barakat bo kobiagan motompia totok kon i monimu, sin moiko ain nonotaau kon i Allah bo kon i Yesus Tuhan naton.

PETRUS 2 1:3

Ki Allah in nomakédon kawasa-Nea sin mobogoi kon i naton in bayongan yagi-yagi inta paraḷu pakéon kon kobiagan sinbá motoindudui kon i-Nia. Tua in inaidan-Nea pinongin onu inta kinotaauan naton soaḷ ki Yesus Kristus, inta ain nogoiní kon i naton sinbá mobiag moyotakin-Nea kon tampat-Nea inta mopia bo moonow.

PETRUS 2 1:8

Tua mita in sipat inta paraḷuon monimu. Aka sipat mita tatua bo nobayongdon totok in kon i monimu, yo morajing bidon totok in moiko mogaid bo moḷobenbí in mangaḻe in oaidanmu, bo kototaau monimu soaḷ ki Yesus Kristus Tuhan naton in modugangdon mopia.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus

YOHANES 1 1:3

Onu inta ain inontong bo dinongog nami, tuabí doman in potaau nami kon i monimu, sinbá moiko in motobatú domandon nami bo motobatú domandon i Amá bo i Kristus ki Adí-Nea.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.