PILIPI 3:21 - Alkitab Singog In Mongondow Masa In Tanaa

²¹ Awak naton inta ilo-ilow bo inta diá mononoi naa, baḷuian i Kristus mobaḻí naonda bo awak-Nea tontaní inta momulia. Motaau-Neabí aidan intua, sin oyúonbí in kawasa nongkon i-Nia mopotungkud in bayongan yagi-yagi.

PILIPI 3:21 Iomraidhean Croise

DONDONG MOḶANTUD 1:11

Pogaidan nami kon ḷambá buḷawan in iko, manik-manik doman mita nongkon saḷaka.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

MATIUS 17:2

Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

MATIUS 22:29

Ki Yesus in noguman kon i monia nanaa: “Moiko nion noitaḷá in pororai monimu, sin diá kinomangaḻean monimu in bonu in Buk Motusi, bo kawasa i Allah.

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

SURAT I PAULUS KON JAMAAT RUM 8:29

Mosia inta ain piniḻí i Allah, aindon sinantú-Nea nongkon pinomangkoianmai sinbá mobaḻí motombatangan i Adí-Nea ki Yesus Kristus. Sahingga in Adí tatua mobaḻí Adí guya-guyang kon sigad in bayongan utat.

KOLOSE 3:4

Aka ki Kristus inta nobaḻí pangkoi in kobiagan naton, koontongandon bui yo moiko doman in koontongan moyotakin-Nea kon bonu in kamuliaan-Nea!

YOHANES 1 3:2

Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.