PILIPI 3:19 - Alkitab Singog In Mongondow Masa In Tanaa19 Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia. Faic an caibideil |
PILIPI 3:19
52 Iomraidhean Croise
Bayongan inta ain pinodandi nami, in aidanbí doman nami. Kami in umuranbí moposumba in kuruban kon i Bokí in Soroga, bo mopobutak in tubig in anggur mobaḻí sosumba kon inia ná inta biasamai pomiaan kon kotá mita in Yohuda bo kon daḷan mita kon Yerusalem in mogoguyang nami, in datu mita bo in pojabat mita in pomarenta nami bo inami tontaní. Kon dodai intua kon inami in tugatbí in kaanon, kami in nobiag notompia, bo diábí in roriga onu bo onu nion.
Moiko in nopoompámaidon kon i-Nakó kon tayowon in umat-Ku tongá bá mokouḻí kon tongonumai noyangkom in makoya bo tongonumai noputoḷ in roti. Intau mita inta diá kotaḷá, ḻimodon monimu bo intau mita inta patus matoi pinomayá mako monimu mobiag. Bo moiko in monguboḷ kon umat-Ku bo mosia in mopirisaya kon inimu.’ ”
Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”
Koḻipod kon sigad in umat i Allah, oyúondon in intau mita inta mongaku nabi, táe deemanbí in mosia tua totuu nabi. Natuabí doman in mobaḻí kon sigad monimu, moiangoibí intau mita inta mongaku guru, táe onu inta tundúon monia tua in diábí totuu. Mosia in motundú kon uboḷ, sahingga intau inta mopirisaya kon i monia in mokouḻí kon hukuman. Bo mosia tua diá mopirisaya kon mongongawasa inta ain nopobebas kon i monia. Aid monia natua in mokobodito kon i monia tontaní, bo tua in diádon moonggot in moiantug kon i monia.
Saḷaku tontuḻí in aid monia inta mongoromú tua, yo mosia in mokorasabí kon roriga. Aka kon i monia yo soaḷ mita inta mokosanang kon gina monia in mogaidbí kon onukabí kon wakutu in singgaipa sin mopoorop kon ibog in awak monia. Aka mosia ḻimitú moyotakin monimu kon rame bo mongaan moyotakin, yo oaid monia tua in mokobú lantaran mosia moḷoḷangu in ibog awak monia.
Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.
Sin diá kinotaa-taauanmai, naanta oyúon bidon in intau mita ibanea inta umuni-uni mako bo sinumuot kon yua-yuak naton. Mosia tua in intau mita moraat inta mopoyotuuy in habar soaḷ totabi i Allah naton. Makusud monia tua in motayakbí kon kasampatan mopoaid in onu inta kinoibog in awak monia. Mosia tua in diá mopirisaya kon ki Yesus Kristus tua in mongongawasa bo Tuhan naton. Nongkon tungkuḷpabímai hukuman kon i monia tua aindon pinotaau muna kon bonu in Buk Motusi.
Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’
Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.
Dá, nongonu sin iko in tumurápabí in mokoontong kon kuruban mita inta pinodudui kon parenta-Ku, pinosumba in bangusa-Ku kon i-Nakó? Nongonu Eli, sin ki adímubí mita in poḻiuonmu horomaton nongkon i-Nakó, bo pomayámudon mako in mosia mopoḷongó in awak monia takin tonsilai inta totok in mopia nongkon bayongan in sosumba in bangusa-Ku kon i-Nakó?
Sanasan