PILIPI 3:18 - Alkitab Singog In Mongondow Masa In Tanaa

¹⁸ Akuoi in umurandon noguman kon i monimu, táe tanaa in takindon ombaḷ akuoi in moguman kon nobayongdon in intau inta kobobiagnea momoguyaat kon mangaḻe in kinopatoian i Kristus kon kayu pinoyotaḻempang.

PILIPI 3:18 Iomraidhean Croise

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

YESAYA 8:11

Akuoi in kinawasa i Tuhan bo inogoian in tompoingat sinbá dika dumudui kon daḷan inta binayáan in bangusa tatua. Guman-Nea,

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

IMAMAT 13:8

Ki imang musti bui monaridi, bo aka panyakinea tatua aindon iḷumekep, dá intau tatua musti poniata kon ain nonajis; sia kino tugatan in panyaki kuḻit inta mokobahaya.

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

OUMAN IN RASUL MITA 20:19

Akuoi in notuḷung kon i monia takin sanang in gina takin nokopoompá kon dodia, poḷat doman noḷabú in ḷuá in mogaid kon oaidan inta pinoki aid i Tuhan. Akuoi in nogaid umuran doman mokorasa kon roriga sin tantú moyogintayow mako in tomayá moraat in intau mita in Yahudi.

SURAT I PAULUS KON JAMAAT RUM 9:2

Totok moajar bo mororiga in ginaku

KORINTUS 1 1:18

Aka kon raian in intau mita inta diá mopirisaya, yo soaḷ kinopatoian i Yesus Kristus kon kayu pinoyotaḻempang tua in diábí totuu. Táe aka kon i naton inta pinosaḷamatdon i Allah, yo habar tatua totokbí in pinirisaya, kon tua in totu-totuubí aid i Allah noponiata kon kawasa-Nea.

KORINTUS 1 6:9

Diábí kotaauan monimu kon intau mita inta diá motoindudui kon i Allah in diábí mobaḻí umat i Allah? Dika koakaḷan! Sin bayongan intau inta mogaidmai kon mokotor, bayongan intau inta umuran dumudui kon parenta in berhala, monuaḻing bo mokituaḻing, inta moibog kon tumpaḷa ḷoḷaki ande tumpaḷa bobay,

KORINTUS 2 11:13

Sin intau mita tatua in deemanbí totu-totuu rasul. Mosia tua in tongábí mogogaid inta moibo-ibog mongakaḷ kon intau bo mongaku saḷaku rasul mita i Kristus.

KORINTUS 2 11:29

Aka oyúon in mokorasa kon moḻemé, yo akuoi in moitakinbí doman moḻemé. Aka oyúon in moiḷautdon mogaid kon inta diá mopia, yo moitakinbí doman in ginaku moyoyiga.

KORINTUS 2 2:4

Moajar totok in ginaku in nomais kon surat tanaa kon i monimu, nodapot in koomba-ombaḷ akuoi in nomais. Deemanbí makusudku kon bá moajar doman in gina monimu, táe bá kotaauan doman monimu kon motabibí totok in akuoi kon i monimu komintan.

GALATIA 1:7

Sabanarnea diábí in “habar mopia ibanea mako”. Tongá oyúon in intau namangoi mopotombauk in pirisaya monimu. Makusud monia tua in mopoyotaḷá in “habar mopia” i Kristus.

GALATIA 2:14

Bo naonda inontongku in oaid monia inta diá noyokaan in onu inta sinundú kon Habar Mopia i Tuhan, dá akuoi in noguman nanaa kon i Petrus kon tayowon intau moantó inta kon tua, “Aka kobobiagmu uḻe saḷaku intau in Yahudi, naonda bo kobobiag in intau inta deeman Yahudi, yo nongonu sin iko in momakisabí kon intau ibanea sinbá mobiag naonda bo kobobiag in intau Yahudi?”

GALATIA 2:21

Diábí sinolakku in totabi i Allah. Sin aka kuma bo oyúon in kasaḷamatan aka dumudui kon hukum in agama, yo diá bidon mangaḻe in kinopatoian i Kristus!

GALATIA 5:21

diá mosanang in gina aka mokoontong kon intau ibanea noiḻiu kon batangan, umuran monginum kon inta mokoḷoḷangu, moibo-ibog in rame bo noyagi-yagipa doman in koibog monia. Kon bayongan oaid natua, buikupa doman tongginaan in moiko, ná koḻipod kon tantú mokopoingat, sin intau mita inta nogaid kon soaḷ mita natua diábí mobaḻí umat i Allah.

GALATIA 6:12

Intau mita inta mokikoontong kon tumpaḷa intau, mosia inta moramuji momakisa kon i monimu sinbá sunaton. Táe tua in aidan monia sinbá diá pogutúon in intau Yahudi in mosia. Sin mosia in nopoyaput in habar soaḷ roriga i Kristus.

GALATIA 6:14

Táe akuoi in totuu kon doíbí dumodia kon onu inta ain inaidanku, koḻikudbí in modayow kon i Tuhan naton ki Yesus Kristus inta ain minatoi pinopopakú kon kayu pinoyotaḻempang. Lantaran Sia bo ain minatoi pinopopakú kon kayu pinoyotaḻempang, dá dunia naa in diá bidon in mangaḻenea kon inakó. Ná doman tua in akuoi kon tayowon in dunia naa, inanggap monia in akuoi naa naonda bo minatoidon.

EPESUS 4:17

Tuamai in podoyon kon tangoi i Tuhan, naa in singogku bo ponoropku: donaai in mobiag naonda bo intau inta diá nonotaau kon i Allah bo tongá morai kon inta diá in mangaḻenea.

PILIPI 1:4

Bo pomuḷoi doman mako sambayanganku in moiko komintan takin sanang in gina.

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.

TESALONIKA 2 3:11

Pinoguman nami in nanaa sin dinongog nami kon oyúon in intau kon sigad monimu in doídon mogaid kon soaḷ inta baraguna tongá bidon mogaid kon inta diá baraguna.

PETRUS 2 2:10

torutama intau mita inta tantú dinumudui kon ibog in awak monia inta mokotor bo inta moningkuḻe kon kawasa i Allah. Ná domai tua in kobobarani monia bo koḷoḷatú in intau mita inta mongaku guru mita tatua, sahingga in diábí moondo-ondok in mosia moningkuḻe kon mahaḷuk mita in soroga inta momulia!

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.