PILIPI 3:10 - Alkitab Singog In Mongondow Masa In Tanaa

¹⁰ Soaḷ inta totok in kinoibogku in monotaaubí kon i Kristus bo mokoalami kon kawasa inta nokobiag kon i-Nia nongkon kinopatoian. Bo moibog doman in akuoi mokoalami kon roriga ná inta kinorasaan-Nea bo notongkai doman ná kopopatoi-Nea,

PILIPI 3:10 Iomraidhean Croise

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

MATIUS 20:23

Ki Yesus in noguman kon i monia, “Roriga-Ku memang inumonbí monimu, táe aka monantú ḻimitú kon dotá in koḷanan-Ku andeka kon dotá in koḷoigi-Ku, diábí in hak-Ku mobogoi. Sin tua in ogoibí kon intau mita inta aindon pinoposadiaan i Amá-Ku.”

YOHANES 10:18

Diábí tobatúmai in motaau mogamá nongkon i-Nakó. Akuoi in moposarakan intua, poduduibí in ibog tontaní. Akuoi in kokawasabí moposarakan intua, bo kokawasabí mogamá bui. Tuabí in oaidan inta sinarima-Ku nongkon i Amá-Ku.”

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

SURAT I PAULUS KON JAMAAT RUM 8:17

Dá, aka kita ki adí mita i Allah, yo kita naa in intaubí mita inta mogogabat-Nea bo inta motarima kon barakat mita inta ain sinadia i Allah kon i adí-Nea mita. Kita in noyotakin i Kristus motarima kon onu inta ain sinadia i Allah kon i-Nia; sin aka kita bo mokorasa kon roriga takin i Kristus, yo kita in pomuliaanbí doman moyotakin-Nea.

SURAT I PAULUS KON JAMAAT RUM 8:29

Mosia inta ain piniḻí i Allah, aindon sinantú-Nea nongkon pinomangkoianmai sinbá mobaḻí motombatangan i Adí-Nea ki Yesus Kristus. Sahingga in Adí tatua mobaḻí Adí guya-guyang kon sigad in bayongan utat.

SURAT I PAULUS KON JAMAAT RUM 8:36

Kon bonu in Buk Motusi in pinais nanaa, “Tumongo singgai in kami moyogintayow mako in popatoi popisí in Iko. Kami in pinomiadon naonda bo domba inta diaandon sin ratáan.”

KORINTUS 2 1:10

Ki Allahbí tua in noposaḷamat kon inami nongkon yoyiga inta mokopatoi tua. Bo inta moposaḷamat kon inami kon singgai moiduduimai naa, sin tongábí Sia in binaḻí nami oandoḷan. Kami in moyakin bidon kon sambayang mita monimu kon inami indongoganbí i Allah, sahingga in posaḷamaton-Neabí in kami nongkon bayongan inta mokobodito kon i nami. Ki Allah in umuranbí nobogoi in barakat kon inami sin umuran monimu sinambayangan. Tuamai nobayongdon totok in intau mosukur kon i Allah.

KORINTUS 2 1:5

Yoyiga inta kinorasaan i Kristus nobayong domandon in kinorasaan nami. Lantaran ki Kristus tua, dá gina nami nobaḻídon noropot.

KORINTUS 2 13:4

Totuubí, kon wakutu in Sia pinopopakú kon kayu pinoyotaḻempang, noḻemé in Sia, táe tanaa in biniagdon bui i Allah in Sia takin kawasa-Nea. Kami in diábí doman moropot kon bonu in kobiagan nami inta notobatúdon i Kristus, táe aka kami moyogintayowdon monimu, yo kami in mobaḻí bidon moropot moyotakin i Kristus lantaran kawasa i Allah.

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

GALATIA 6:17

Moiduduimai kon tua, poigumanku doman, sinbá diá tobatúmai intau in moposusamai kon inakó bui. Sin kon awakku naa in oyúonbí in tanda kon akuoi naa in dumoduduibí i Yesus.

EPESUS 4:13

Sahingga in kita komintan motobatúdon kon pirisaya bo motongkaidon in pongortian kon soaḷ ki Adí i Allah. Bo kita in mobaḻí intau mita inta noguyangdon kon pirisaya, inta koonggot-koonggot kodugang-kodugangdon in kososompurna ná ki Kristus.

PILIPI 3:8

Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,

KOLOSE 1:24

Tanaa mopiabí in ginaku in mororiga sin kopontinganmu. Sin aka awakku bo mororiga, yo tua in mangaḻenea akuoi nogintompodon kon roriga inta diápa kinorasaan i Kristus, sin kopontingan in jamaat saḷaku awak-Nea.

KOLOSE 2:13

Koḻipod, moiko ain minatoi secara rohani popisí in moiko binaradosa, bo popisí in moiko diá sinunat inta inaidan in intau. Táe tanaa ki Allah ain nomiag kon i monimu noyotakin i Kristus. Ki Allah ain nongampung kon bayongan dosa naton,

KOLOSE 3:1

Moiko ain bidon biniag bui noyotakin i Kristus. Tuamai poramujidon in moiko mokouḻí kon soaḷ mita inta kon soroga, kon tampat kon onda in ki Kristus nomarenta noyotakin i Allah.

PETRUS 1 1:3

Koḻigaidon in kita mosukur kon i Allah, ki Amá i Tuhan naton ki Yesus Kristus! Sia in totok motabi kon i naton, manangka intua kita in inogoian-Nea in kobiagan mobagu inta pinodoyon kon kinobiagan bui i Yesus Kristus nongkon kinopatoian. Naabí in mobogoi in harapan moroton kon i naton.

PETRUS 2 1:13

Kon dodai in akuoi mobiagpa, nobaḻíbí kowajibanku in moponorop intua kon i monimu.

YOHANES 1 2:3

Aka kita bo umuran dumudui kon parenta mita i Allah, dá tua in tandanea kon kita in nonotaau kon i Allah.

YOHANES 1 2:5

Táe intau inta umuran dinumudui kon parenta mita i Allah, yo tabi in intau tatua kon i Allah nosompurnadon. Tua in nobaḻí tanda kon kita in nobiagdon notobatú takin i Allah.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.