PILIPI 3:1 - Alkitab Singog In Mongondow Masa In Tanaa

¹ Pangabisannea, pogumanku kon i monimu utatku mita, kosanangdon in gina monimu, sin moiko ain notobatú i Tuhan. Diábí mobú in akuoi in momais bui kon onu inta ain pinaisku koḻipod kon i monimu; sin kopiaanbí monimu intua.

PILIPI 3:1 Iomraidhean Croise

TAWARIKH 1 15:28

Bayongan umat in Israel minayá dinumudui kon Poti Dodandian noidapot in Yerusalem takin giow pia in gina, singog in torompet, napiri, simbal bo kecapi.

TAWARIKH 1 16:10

Siabí in ki Tuhan inta tuḷong; koḷungangadon, sin kita naa Siabí in kitogi; bayongan inta mosumba kon i-Nia in koḷungangadon.

TAWARIKH 1 29:22

Kon singgai tua mosia in nongaan bo nonginum takin pia in gina kon tayowon i Tuhan. Bo kon induaneadon in mosia nopotaau kon ki Salomo in nobaḻí datu. Pinodoyon kon tangoi Tuhan, mosia in nopobaḻídon kon inia nobaḻí datu monia bo ki Zadok in nobaḻí imang.

NEHEMIA 8:10

Pobuidon in tanaa; pongaan bo ponginumdon takin ḷunganga in gina. Ogoidon in tongosilai in kaanon bo anggurmu kon i monia inta diá in kaanon bo inumon. Singgai in naa in singgai inta mokudus kon i Tuhan naton, dá dikadon mokoposusa. Ḷunganga inta inogoi i Tuhan kon i monimu in moginropotbí kon i monimu.”

AYUB 22:26

Dá iko in motaaudon umuran mopirisaya kon i Allah, bo monotaaudon kon Sia in nobaḻí pangkoi in kopiaanmu.

MAZMUR 149:2

Koḷungangadon in gina popisí in Momomaḻímu; koḷungangadon, ei intau inta nogutun kon Sion popisí in Datumu!

MAZMUR 32:11

Ei intau mita motoḷutui, pokosanangdon bo pokoḷungangadon sin onu inta ain pinomia i Tuhan Porogiowdon takin pia in gina, ei bayongan in intau inta motuḻid in gina!

MAZMUR 33:1

Ei intau mita motoḷutui, porogiowdon takin pia in gina sin onu inta ain inaidan i Tuhan; patusbí in intau motuḻid in gina umuran modayow.

MAZMUR 37:4

Tayakdon in kopiaanmu kon i Tuhan, Pooropon-Neabí in ibog in ginamu.

MAZMUR 42:4

Singgai doḷom mongombaḷ in akuoi, dongkadon ḷuá in mobaḻí kokaanonku. Kinoouput in singgai musungku in moḻibó, “Kon onda in ki Allahmu?”

MAZMUR 5:11

Hukumdon in mosia, o Allah, pomayádon mako in mosia mobodito popisí in tomayánea tontaní. Untundon in mosia sin nobayongdon in dosa monia, sin mosia in nomarontakdon kon ini-Mu.

MAZMUR 97:1

Ki Tuhan in Datu! Biódon mako in butá mokoposanang, bo ḻibuton mita in moḷunganga.

YESAYA 41:16

Uabanmubí in mosia, bo mosia in poḷayugondon in tompot bo potabudon in deḷang. Moḷungangabí in ginamu popisí in Akuoi, ki Tuhan, bo yumunggagá popisí in Akuoi, Allah in Israel.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 65:14

Totuubí, mosia in morogiow takin ḷunganga in gina, táe moiko in mongombaḷbí takin moajar in gina.

YOËL 2:23

Ei rayat in Sion, koḷungangadon in gina! Kosanangdon in gina bo porogiowdon! popisí in bayongan in inta mopia nongkon i Tuhan Allahmu. Kon sempo in pononotak inogoiannea in uyan inta tugat kon inimu. Kon sempo in tumping uyan pinoonag-Nea, ná doman tua in kon sempo in pononubú ná dungkuḷmai.

ZEPANYA 3:14

Ei Israel, porogiow bo podondongdon! Ei Yerusalem, koḷungangadon koḻimbatúon in gina!

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

ZAKHARIA 10:7

Umat in Israel in naonda bo pahlawan inta moropot, naonda bo intau inta nonginum kon anggur, mopiabí in gina monia. Buí monia nongkon zaman mopobayá in zaman diábí koḻiongan in kauntungan tanaa inta inogoi-Ku. Mosia in moḷungangabí popisí in aid-Ku kon i monia.

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

LUKAS 1:47

bo mopia totok in ginaku sin ki Allah in mopoposaḷamatku.

SURAT I PAULUS KON JAMAAT RUM 5:11

Bo deemanbí tongá tua, táe moḷungangadon totok in gina naton kon kopopia in gina i Allah inta pinopotonsigad kon i Yesus Kristus ki Tuhan naton. Sin pinongin i Kristus tuata, dá tanaa mako kita mokoalami kon hubungan naton inta mopia takin i Allah.

KORINTUS 2 13:11

Naa in tongginaku pangabisan kon i monimu utatku mita, mokoposanangdon kon gina bo poramujidon sinbá umuran mobiag mosompurna. Umuran kon gina-gina mako in tongginaku mita naa. Umuran motobatú kon gina bo kon raian bo umuran mototabian. Sin ki Allah inta nobaḻí dodoyonan totabi bo kobiagan inta mopia, umuran kotaki-takin monimu.

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

ULANGAN 12:18

Moiko bo adímu mita, moyotakin in bobantungmu mita bo intau mita in Lewi inta nogutun kon kotámu, musti mokaan kon sosumba tatua kon tayowon i Tuhan Allahmu, kon tampat inta piniḻí i Tuhan Allahmu. Bo kon tampat tatua moiko musti moḷunganga in gina sin bayongan onu inta iramujimu.

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

PILIPI 4:4

Kosanangdon in gina monimu sin ain nopirisaya bo nobiag notobatú takin i Tuhan. Buipa doman pogumanku: kosanangdon in ginamu!

PILIPI 4:8

Naa in simpod in singogku utat mita, porai kon onu inta oyúon in baragunanea, bo onu inta motaau dayowon, ná soaḷ mita inta moitutui, inta horomatonmai, inta moadil, modarit, inta moromimit bo inta mopia.

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

TESALONIKA 1 5:16

Tantú kosanang in gina,

YAKOBUS 1:2

Utatku mita! Aka moiko bo mokouḻí kon sobaan morupa-rupamai, yo anggap intua tobatú kopiaan.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.

PETRUS 1 4:13

Mokoposanangbí kon gina sin moiko in nokorasadon kon ná inta ain kinorasaan i Kristus. Dá aka kamuliaan i Kristus popoontongdon, yo totokbí in mopia in gina monimu.

PETRUS 2 3:1

Utatku mita inta kinotabiku! Naa in suratku inta induaneadon kon i monimu. Kon bonu in suratku induanea tanaa, akuoi noramujidon totok sinbá moiko in tongá umuran morai kon inta mopia bo inta mokobiag.

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.