PILIPI 2:5 - Alkitab Singog In Mongondow Masa In Tanaa

⁵ Kon kobiagan monimu, pakébí in raian bo porasaan i Kristus Yesus:

PILIPI 2:5 Iomraidhean Croise

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

LUKAS 22:27

Ki ine degá in moḷobe-ḷoben: intau inta iḻimitú nongaan kon meja mongo intau inta nobantung kon inia? Tantú intaubí inta iḻimitú tatua. Táe Akuoi in kon sigad monimu naa in saḷakubí bobantung.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

SURAT I PAULUS KON JAMAAT RUM 14:15

Sin aka iko bo moposakí kon gina i utatmu tumpaḷa Keresten tongá popisí in onu in kinaanmu tua, dá aidmu tua in diádon pinodoyon kon tabi. Donaaibí pomayámu mako in ki utatmu tua in mobodito tongá popisí in onu in kinaanmu, sin ki Kristus ain minatoi popisí in intau doman tobatú tatua.

SURAT I PAULUS KON JAMAAT RUM 15:3

Sin ki Kristuspa in diábí norai kon kopontingan-Nea tontaní. Kon bonu in Buk Motusi in pinais nanaa, “Bayongan hojatan inta pinonapud kon ini-Mu ain noiantug kon inakó.”

SURAT I PAULUS KON JAMAAT RUM 15:5

Poigumon mako ki Allah inta nobogoi in kasabaran bo ropot kon intau, umuran doman motuḷung kon i monimu, sinbá moiko in mobiag motobatú kon gina bo dumudui kon onu inta ain inaidan i Yesus Kristus.

KORINTUS 1 10:33

Kobiagdon ná akuoi. Kon soaḷ yagi-yagi, ramujionku totok sinbá mokosanang kon bayongan intau. Bo tua in deemanbí tongá kopontinganku tontaní, táe kopontinganbí in bayongan intau sinbá mosaḷamat in mosia.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

PILIPI 1:1

Utatku mita umat i Allah inta nogutun kon Pilipi, inta notobatúdon i Kristus Yesus bo inta ain nobaḻí itoi bo diaken kon jamaat! Akuoi, ki Paulus bo ki Timotius inta mogogaid kon oaidan i Kristus Yesus,

PETRUS 1 2:21

Sin tuabí in mangaḻe pinogoinían i Allah kon i monimu. Sin ki Kristus tontaní ain notarima kon roriga lantaran moiko, bo tua in toḷadanbí kon i monimu sinbá duduian monimu in onu inta pinomia-Nea tatua.

PETRUS 1 4:1

Lantaran ki Kristus ain nokorasa kon roriga in awak naa, dá tua in musti umuran kon gina mako bá umuran moropot in pirisaya monimu. Sin ki ine inta nokorasadon kon roriga in awak, yo diá bidon in sia mogaid kon dosa.

YOHANES 1 2:6

Ki ine i moguman kon sia in nobiag notobatú takin i Allah, yo sia musti mobiag takin dumudui kon kobobiag i Kristus.