PILIPI 2:4 - Alkitab Singog In Mongondow Masa In Tanaa

⁴ Pikirdon doman in kopontingan in intau ibanea, donaai tongá momikir kon kopontingan tontaní.

PILIPI 2:4 Iomraidhean Croise

ESTER 2:22

Tomayá tatua in kinotaauan i Mordekhai bo ḷaginea pinotaau kon i Ester. Bo bayá-bayá domandon inouman i Ester kon i datu onu inta pinotaau i Mordekhai tua.

PINOGIAPAN 32:6

Tubag i Musa, “Umpaka yo moiko in tongábí mogutun mako kon naa, bo intau mita inta tobangusamu in mayá moparang?

MATIUS 18:6

“Táe ki ine in mokopopisí kon tobatú nongkon sigad in mongoadí mita tanaa in diádon mopirisaya kon i-Nakó, yo mopia-piabí aka gantung bo popotogot kon sigogownea bodongka taḷomon kon dagat.

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

SURAT I PAULUS KON JAMAAT RUM 15:1

Kita inta ain totu-totuu moyakin kon onu inta pinirisaya naton, mustibí mosabar in mokodongog kon onu inta kinodoí in intau inta diápa totok in moyakin. Donaaibí in kita tongá moposanang in gina naton tontaní.

KORINTUS 1 10:24

Dikabí tongá morai kon kopontingan monimu tontaní, táe poraibí doman kon kopontingan intau ibanea.

KORINTUS 2 11:29

Aka oyúon in mokorasa kon moḻemé, yo akuoi in moitakinbí doman moḻemé. Aka oyúon in moiḷautdon mogaid kon inta diá mopia, yo moitakinbí doman in ginaku moyoyiga.

KORINTUS 2 6:3

Doíbí in kami aka oaidan nami bo potaḷáan. Manangka intua kami in tantúbí moramuji kon diá mobogoi in alasan kon tobatúmai intau in mogaid kon soaḷ tatua.

PILIPI 2:21

Sin ibanea mako in tongábí morai kon kopontingan monia tontaní, deemanbí morai kon kopontingan i Kristus Yesus.

YAKOBUS 2:8

Moiko in mogaid kon inta moitutui, aka aidan monimu in hukum inta totok in moponting inta pinais kon bonu in tontagá in Buk Motusi nanaa: “Kotabibí in tumpaḷa intau ná kotabimu kon awakmu tontaní.”