PILIPI 2:27 - Alkitab Singog In Mongondow Masa In Tanaa

²⁷ Oo, totuubí kon notakit in sia gogió bo minatoi. Táe sinotabipa i Allah in sia; deemanbí tongá sia, táe akuoibí doman, sinbá diá modugang moajar in ginaku.

PILIPI 2:27 Iomraidhean Croise

DATU MITA 2 20:1

Kon tungkuḷ intua ki Datu Hizkia in binituḷ inta totokdon in mobogat bo gogiódon matoi. Ki Nabi Yesaya ki adí i Amos in minayá nokipodungkuḷ kon inia bo noguman, “Ki Tuhan in nongoyow sinbá ki Tuang Datu in monoḻisídon kon bayongan in oaidan, sin ki Tuang in diádon mopia. Diádon moonggot bo matoi in ki Tuang Datu.”

AYUB 5:19

Aka anib bo mopogogondok, iko in umuranbí posaḷamaton.

MAZMUR 34:19

Ki Tuhan in nodiug kon intau inta kinobuḻian in kamang; bo moposaḷamat kon intau inta noinggamá in ibog.

YESAYA 27:8

Ki Tuhan in nohukum kon umat-Nea pinongin noḷumbú kon i monia kon butá in intau. Inuntun-Nea in mosia pinongin tompot moraat nongkon dotá in pomukaan.

YESAYA 38:17

Robonoḷ in ginaku in mobaḷuibí mobaḻí ḷunganga in gina, Iko in moposaḷamat kon inakó nongkon anib; dosaku mita inampungan-Mudon komintan.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YEREMIA 10:24

Sambokdon in kami o Tuhan, táe dikabí sambokon moiḻiu in konakitnea. Dika doman mohukum kon inami aka Iko koyogot in tumorú, sin notantú bidon kon moyopú in kami komintan.

YEREMIA 45:3

iko in nogamui nanaa, ‘Ah, totuu mosoe in akuoi naa! Rorigaku in totuu mobarong, bo ki Tuhan in nopodugang doman in roriga. Moḷopídon in akuoi in mogamui, totokbí in diá in onownea!’

YEREMIA 8:18

Ginaku monakit bo mopomporí, amuiku diá koundaman.

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.

OUMAN IN RASUL MITA 9:37

Táe dodai intua sia in notakit poḷat minatoi. Naonda ininggúandon, mayatnea in inukat monia kon gopot kon ḻimonik.

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.

KORINTUS 2 2:7

Musti ampungan monimu in taḷánea tatua bo tongginaai, sinbá diádon totok moyoyiga in ginanea sahingga kobuḻiandon harapan in sia.

PILIPI 2:26

Mokotanobdon totok in sia kon i monimu komintan, bo moajar domandon totok in ginanea sin kinotaauandon monimu kon notakit in sia.

PILIPI 2:28

Manangka intua moḷobendon totok in ibogku bá ḷagikudon potabá mangoi bui kon i monimu in sia, sinbá mosanangdon in gina monimu aka ontongondon monimu in sia, bo moonow domandon in ginaku.

PILIPI 2:30

Sin lantaran oaidan i Kristus dá gogió in sia bo minatoi; norelabí totok in sia in nopotaru in nyawanea monoḻiu kon i monimu mobantung kon inakó moginḷapat kon onu inta diápa noḷapat.