PILIPI 2:25 - Alkitab Singog In Mongondow Masa In Tanaa

²⁵ Soaḷ ki Epaproditus ki utat naton inta pinotabá mangoi monimu motuḷung kon inakó, rasaankumai sia in paraḷukudon potabá bui mamangoi kon i monimu. Sia ain notuḷung kon inakó nogaid kon oaidanku.

PILIPI 2:25 Iomraidhean Croise

AMSAL 25:13

Totabá inta motoindudui in mokosanang kon intau inta nopotabá, naonda bo tubig moonow kon mororatab kon gobá in tudunea.

YOHANES 13:16

Totuubí in tosingogon-Ku naa: Tobatú ata in diábí moiḻiu kon i tuangnea, bo totabá in diábí moiḻiu kon inta nopotabá kon inia.

YOHANES 17:18

Ná ki Amá nopotabá kon i-Nakó namangoi in dunia naa, dá natua doman in Akuoi mopotabá kon i monia kon dunia naa.

SURAT I PAULUS KON JAMAAT RUM 16:3

Poyaputpa in salamku kon i Priskila bo kon i Akwila, bo kon yobayatku mita inta tumpaḷa nogaid kon oaidan i Kristus.

SURAT I PAULUS KON JAMAAT RUM 16:9

Poyaputpa in horomatku kon i Urbanus, yobayat topogaidan naton sin kopontingan i Kristus. Bo horomatku doman kon i Stakhis inta kinotabiku.

KORINTUS 1 3:9

Kami naa in tongábí tumpaḷa mogaid kon onu in pinoki aid i Allah; bo moiko nion naonda bo gobá i Allah. Moiko naonda doman bo baḷoi i Allah.

KORINTUS 2 2:13

Táe mogagawang totok in ginaku sin diápa noyodungkuḷ i utat naton ki Titus in akuoi. Tuamai akuoi nogumandon kon intau mita kon tua bo akuoi nopobayádon in Makedonia.

PILIPI 2:26

Mokotanobdon totok in sia kon i monimu komintan, bo moajar domandon totok in ginanea sin kinotaauandon monimu kon notakit in sia.

PILIPI 4:18

Bayongan inta paraḷuonku inogoidon monimu kon inakó, sedang bo noiḻiudon kon tugat! Bayongan inta inogoi monimu inta pinoki dia kon i Epaproditus aindon sinarimaku. Dá tanaa mako komintandon oyúon in onu inta paraḷuku. Bayongan inta inogoi monimu kon inakó tua naonda bo kobondu in kuruban inta pinosumba kon i Allah bo inta sinarima domandon i Allah takin pia in gina.

PILIPI 4:3

Bo poigumonku kon i monimu Sunsugos, yobayatku inta totok in mosatia, tuḷungai in mosia, sin mosia noramujidon totok in nogaid takinku nopotaau in Habar Mopia inta nongkon i Allah; mosia tua naonda bo tai Klemen bo bayongan in intau inta nogaid noyotakinku. Tangoi monia tua in pinaisdon kon bonu in Buk Intau Nobiag.

KOLOSE 1:7

Habar tatua in dinongogdon monimu nongkon i Epapras, yobayat topogaidan inta kinotabi nami. Sia tua in mogogaid kon oaidan i Kristus inta mosatia in mogaid kon kopontingan naton.

KOLOSE 4:11

Salam doman i Yesus inta dinonoi ki Yustus. Kon sigad in intau mita in Yahudi inta ain nopirisaya kon i Tuhan Yesus, yo taya toḷu naa in nobaḻídon yobayat topogaidanku inta mopoyaput in oaidan nongkon i Allah. Mokotuḷung totok in mosia kon inakó.

TESALONIKA 1 3:2

pogoḷa-goḷatan in potabákupa mangoi kon i monimu in ki utat naton ki Timotius. Sia naa in mogogaid kon oaidan i Allah inta topogaidan nami nopoyaput in Habar Mopia soaḷ ki Kristus. Pinotabá nami in sia mamangoi kon i monimu sinbá motuḷung moginrigon kon gina monimu bo poḷat mononggina bá umuran in moiko mopirisaya kon i Kristus.

PILEMON 1:24

Bo tarimadon doman in salam nongkon yobayat mita topogaidanku, ki Markus, ki Aristarkhus, ki Demas bo ki Lukas.

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.