PILIPI 2:2 - Alkitab Singog In Mongondow Masa In Tanaa

² Tuamai bá totu-totuudon mosanang in ginaku, dá aidai in naa: Tantúdon kobiag motobatú kon gina, motobatú kon raian, oyúon kototabian, motobatú kon jiwa bo motobatú kon tujuan.

PILIPI 2:2 Iomraidhean Croise

MAZMUR 122:8

Popisí in inanakan bo yobayatku akuoi in moguman, “Igumon mako iko in mobiag motompia!”

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

OUMAN IN RASUL MITA 1:14

mosia in umuran notobatú kon gina moyosipun sin mosambayang. Mosia in nosambayang takin tongonumai in bobay ná ki Maria inta ki iná i Yesus, bo ki utat mita i Yesus.

OUMAN IN RASUL MITA 2:1

Naonda in singgai Pentakosta, inta singgai iḻima nopuḷú nongkon kino bingkatan i Yesus, bayongan in intau mopirisaya in noyosipun kon tampat tobatú.

OUMAN IN RASUL MITA 2:46

Pomuḷoi in singgai mosia in moyosipun kon Baḷoi Tuhan; mosia mongaan doman moyotakin kon baḷo-baḷoiannea. Tua komintan inaidan monia takin pia in gina bo takin doman dodia inta moompá.

OUMAN IN RASUL MITA 5:12

Bo nobayong doman in soaḷ mita inta mokoherang in inaidan in rasul mita tatua kon sigad in intau moantó kon tua. Komintan intau inta nopirisayadon in umuran moyosipun kon tampat inta sinangoian serambi Salomo bo umuran doman motobatú kon gina.

SURAT I PAULUS KON JAMAAT RUM 12:16

Moiko in musti mobiag mototabian tobatú bo tobatú. Donaai morai kon soaḷ mita inta moḷantud. Táe raibí in soaḷ mita inta komampuan aidan. Dikabí tumekeng mopandoi in iko.

KORINTUS 1 1:10

Utatku mita! Podoyon kon tangoi i Tuhan naton ki Yesus Kristus, poigumonku sinbá moiko umuran mosiduduian bo mokokidongogan; donaai umuran mobobayowan. Tantúbí kotobatúon in gina bo raian.

KORINTUS 2 13:11

Naa in tongginaku pangabisan kon i monimu utatku mita, mokoposanangdon kon gina bo poramujidon sinbá umuran mobiag mosompurna. Umuran kon gina-gina mako in tongginaku mita naa. Umuran motobatú kon gina bo kon raian bo umuran mototabian. Sin ki Allah inta nobaḻí dodoyonan totabi bo kobiagan inta mopia, umuran kotaki-takin monimu.

KORINTUS 2 2:3

Manangka intua akuoi in nomais kon surat tanaa kon i monimu. Sinbá aka akuoi mamangoi, yo diá yoyigaan monimu in ginaku, sin tongábí moiko in haraponku mako motaau mopoḷunganga in ginaku. Sin moyakinbí in akuoi kon aka ginaku bo mosanang, yo moiko in mosanangbí doman komintan.

KORINTUS 2 7:7

Gina nami in nosanang, deeman tongá lantaran kinoangoian i Titus, táe lantaranbí doman nongonguman in sia kon kopopia in ginanea wakutu in sia kon yua-yuakpa monimu. Pinogumannea kon inami kon totok in mokotanob bo moibogdon totok in moiko moyodungkuḷku; bo oyúondon in panasaḷan monimu kon bayongan in aid mita monimu inta koḻipod dapot in moibogdon mobela kon i nakó in moiko. Tua komintan in nokodugang kon ḷunganga in ginaku.

PILIPI 1:4

Bo pomuḷoi doman mako sambayanganku in moiko komintan takin sanang in gina.

PILIPI 2:20

Tongábí ki Timotius in intau inta tongoraianku inta totu-totuu monarukira kon kopontingan monimu.

PILIPI 4:2

Ki utat naton bobay ki Euodia bo ki Sintike! Naa in tongginaku kon i monimu, kotobatúdon kon gina saḷaku intau inta mopirisaya kon i Tuhan.

KOLOSE 2:5

Sin umpakabí kita nogiyayúan, táe anggapdon in akuoi nionbí kon yua-yuak monimu. Bo mopiabí totok in ginaku in mokoontong kon i monimu motobatú kon gina bo umuran moropot in pirisaya monimu kon i Kristus.

TESALONIKA 2 2:13

Utatku mita inta kinotabi i Tuhan! Kami in musti umuran mopoyaput in sukur kon i Allah popisí in moiko, sin nongkon pinomangkoianpabímai piniḻídon i Allah in moiko sin posaḷamaton. Kasaḷamatan inta inaidan in Roho i Allah kon i monimu sinbá moiko in baḻíon umat i Allah inta mokudus sin mopirisaya in moiko kon habar inta mobanar nongkon i Allah.

TIMOTIUS 2 1:4

Tantúku kotoropan koajar in ginamu, tuamai in moibogdon totok in akuoi mokipodungkuḷ kon inimu bá mosanangdon in ginaku.

PILEMON 1:20

Manangka intua, podoyon kon tangoi i Tuhan tuḷungaipa in akuoi, posanangpa in ginaku saḷaku Utat inta tumpaḷa notobatú i Kristus.

YOHANES 2 1:4

Nosanangdon totok in ginaku nokotaaumai kon oyúon in ki adí mita i Iná in nobiag podudui in totundú mita i Allah, ná inta pinoki aid i Allah Amá kon i naton.

YOHANES 3 1:4

Aka kon inakó, diábí in poḻiu kon ḷunganga in ginaku wakutu in nokodongogmai kon ki adíku mita in umuran nobiag noidudui kon onu inta sinundú i Tuhan.