PILIPI 2:10 - Alkitab Singog In Mongondow Masa In Tanaa

¹⁰ Sinbá kon bonu in tangoi Yesus, bayongan in mahaḷuk inta kon ḷangit, kon butá ande kon ḻimonag in butá, komintandon mosumba kon i-Nia.

PILIPI 2:10 Iomraidhean Croise

KINOBAḺIAN 41:43

Bo inogoineadon kon i Yusup in kereta dodatuan inta induanea, bo pongawal kahoromatan i datu minaya-mayá kon muna in kereta tatua takin mobaḷu, “Pokoingat! Ogoiai in daḷan! Ogoiai in daḷan!” Natuata ki Yusup binaḻídon gubernur kon butá in Mesir.

MAZMUR 95:6

Koḻigai in kita dumokó mosumba kon i-Nia, tumungkud kon tayowon i Tuhan, inta nomaḻí kon inaton.

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

MATIUS 27:29

Mosia in noraot doman kon kawa dodugian, bo pinopobandow kon uḷu-Nea. Mosia in nopokadai doman in aog kon ḻima-Nea koḷanan, onda intua sinumungkud in mosia kon tayowon-Neamai bo mopoyagi-yagimai kon i-Nia, kai monia, “Salam, ei Datu intau Yahudi!”

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

SURAT I PAULUS KON JAMAAT RUM 11:4

Onu in pinotubag i Allah kon i Elia? “Pitupa noribu in intau in sinaḷáan sin gamáan-Ku mobaḻí kapunyaan-Ku. Mosia tua inta diá kon dodai in onda nosumba kon i Baal.”

EPESUS 1:10

Makusud in tomayá-Nea tatua in bá bayongan in yagi-yagi inta kon soroga ande inta kon dunia naa, in motobatúdon i Kristus saḷaku tongguḷu. Bo soaḷ tatua in iḷapatandon i Allah aka aindon wakutunea.

EPESUS 3:14

Manangka intua akuoi in sinumungkud kon tayowon i Amá.

EPESUS 4:9

Dá aka kai naton “Sia noponik” dá mangaḻenea kon tua munapabí in Sia noponag nodapot kon gantog in butá naa.

IBRANI 1:6

Táe wakutu in ki Allah nopotabá kon i Adí-Nea guya-guyang tatua namangoi in dunia naa, ki Allah in noguman nanaa: “Bayongan in malaekat i Allah in musti mosumba kon Adí tatua.”

WAHYU 20:13

Bo dagat noposarakan domandon in intau mita inta kon bonunea. Popatoi bo dunianea in noposarakan doman in intau mita minatoi inta kon i monia. Bo intau minatoi mita tatua in komintan pinopoḷabúan in hukuman pinodudui kon oaid monia.

WAHYU 4:10

Bo kon wakutu in mahaḷuk mita tatua modondong, dá itoi inta doyowa nopuḷú bo opat tatua in tumungkud kon tayowon in intau inta iḻimitú kon tampat pomomarentaan tatua bo mosumba kon i-Nia inta tantú nobiag bo diá mato-matoi. Onda intua mosia in mopogarab in mahkota monia kon tampat pomomarentaan tatua poḷat mosingog,

WAHYU 5:3

Táe pinomayá kon soroga, ande kon dunia naa, ande kon ḻimonag in butá Diábí tobatúmai intau in nokosanggup nobuká kon buk tatua, bo noindoi kon bonunea.