NEHEMIA 9:5 - Alkitab Singog In Mongondow Masa In Tanaa

⁵ Ibada kon singgai tua in pinangkoi in intau mita in Lewi inta noiduduimai naa: ki Yesua, ki Kadmiel, ki Bani, ki Hasabneya, ki Serebya, ki Hodia, ki Sebanya bo ki Petahya. Mosia in noguman, “Sindog bo dayowdon in ki Tuhan Allah naton! Podayowdon kon i-Nia modapot in mononoi! Dinayo-dayowdon in tangoi-Nea inta nopuḻing in kamuliaan, tangoi inta motoyang, noiḻiu kon bayongan dodayow!”

NEHEMIA 9:5 Iomraidhean Croise

DATU MITA IMITÁNEA 8:14

Naonda in nosambayang mako ki Datu Salomo in nobobuidon kon bayongan in rayat inta sinimindog mako kon tua, bo nopoigum sinbá ki Allah momarakat kon i monia.

DATU MITA IMITÁNEA 8:15

Sia in nosingog, “Koḻipod in ki Tuhan in nodandidon kon i amáku ki Daud nanaa, ‘Pinangkoi Akuoi nodia kon umat-Ku iḻumuai nongkon Mesir, kon bayongan in butá in Israel diábí in tobatúmai in kotá inta piniḻí-Ku nobaḻí tampat poposindogan in baḷoi tampat poibadaan kon i-Nakó. Táe Iko, Daud, piniḻí-Ku sin momarenta kon umat-Ku.’ Dinayo-dayowdon in ki Tuhan Allah in Israel inta ain nogintompod kon dandi-Nea tatua!”

DATU MITA IMITÁNEA 8:22

Nopaḷut mako kon tua, kon tayowon in rayat inta kon tua, ki Salomo sinimindog sinumayow kon mezbah bo notonggó kon ḻimanea doyowa nosimpaḷ

DATU MITA IMITÁNEA 8:27

Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa!

TAWARIKH 1 16:36

Dayowdon in ki Tuhan Allah Israel, tanaa mako modapot in mononoi! Onda intua bayongan in umat in Israel moguman, “Amin”. bo nodayow in mosia kon i Tuhan.

TAWARIKH 1 29:11

Iko in totuu moḷoben, bo nongawasa. Iko in momulia, ponango-nangoian bo moagung. Bayongan in yagi-yagi kon ḷangit bo kon butá Ikobí in kitogi. Iko in Datu Moḷoben, pongawasa kon bayongan in yagi-yagi.

TAWARIKH 1 29:13

Tanaa, o Allah nami, kami mopoyaput in sukur kon ini-Mu, bo modayow in kami kon tangoi-Mu inta moḷantud.

TAWARIKH 1 29:20

Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

TAWARIKH 2 20:13

Kon dodai intua bayongan in ḷoḷaki in Yohuda takin buḷoi bo adí monia sinimindog kon Baḷoi Tuhan.

TAWARIKH 2 20:19

Bo intau mita in Lewi nongkon inanakan i Kehat bo i Korah sinimindog, bo nodayow kon i Tuhan, Allah in Israel.

EZRA 3:11

Rayat nopodondong in dodayow kon i Tuhan, sindaḷan nopobui-buimai in dondong inta imbuitnea, nanaa, “Ki Tuhan tua in mopia; bo tabi-Nea kon Israel in mononoi.” Bayongan in rayat dinumudui nonggoḷokap bo nodayow kon i Tuhan, sin pondasi in Baḷoi Tuhan in pinoḻitúdon.

NEHEMIA 9:4

Kon tua oyúon in mimbar sinadia kon intau mita in Lewi bo sinimindog kon tua in ki Yesua, ki Bani, ki Kadmiel, ki Sebanya, ki Buni, ki Serebya, ki Bani bo ki Kenani. Takin singog noropot mosia in nosambayang kon i Tuhan Allah monia.

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

AYUB 1:21

bo noguman, “Siḷandat in akuoi in pinononggadí, yo siḷandat doman in akuoi in mobui kon i-Nia. Ki Tuhan in nobogoi bo ki Tuhan doman in bui nogamá. Dinayo-dayowdon in tangoi-Nea!”

MAZMUR 106:2

Ki ine in motaau mopohaba-habar mako in kototorindog i Tuhan, bo mobogoi in dodayow inta patus kon i-Nia?

MAZMUR 134:1

Dondong mayá in Baḷoi Tuhan. Igai, dayow in ki Tuhan, ei bayongan in mogogundoi i Tuhan, bayongan inta mosumba kon Baḷoi-Nea kon tungkuḷ in doḷom.

MAZMUR 145:2

Pomuḷoi in singgai akuoi moibog mopoyaput in sukur kon ini-Mu, bo mopomulia kon ini-Mu modapot in mononoi.

MAZMUR 145:5

Mosia in mopotaaubí in koḷoḷantud bo komomulia-Mu, mia-Mu inta mokotongaw in tano-tano bo kubí.

MAZMUR 146:2

Akuoi in moibog modayow kon i Tuhan kon kinoouput in kobiaganku bo modondong kon i Allahku kon dodai in oyúonpa in akuoi.

MAZMUR 16:2

Akuoi in moguman, “Ikobí in ki Tuhanku, mokoḷunganga kon ginaku, diábí in noiḻimpat kon ini-Mu!”

MAZMUR 66:2

Podondongdon bo poḷantudon in tangoi-Nea, pomuliadon in Sia takin dodayow mita.

MAZMUR 99:3

Biódon mako in mosia modayow kon tangoi-Nea inta moḷoben bo momulia. Mokudusbí in Sia!

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

IḶUAIAN 15:6

Ropot-Mu totok in mokoherang, o Tuhan, Binaḻí-Mu in musung norimumud.

DANIEL 2:20

gumannea, “Ki Allah tua in mobijaksana bo moroton, dinayo-dayowdon in Sia modapot in mononoi!

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

ULANGAN 28:58

Aka moiko diá mosatia in dumudui kon bayongan in hukum i Tuhan Allahmu inta pinais kon bonu in buk tanaa bo diá mohoromat kon i Tuhan Allahmu inta mokawasa bo inta mokoherang,

PETRUS 1 1:3

Koḻigaidon in kita mosukur kon i Allah, ki Amá i Tuhan naton ki Yesus Kristus! Sia in totok motabi kon i naton, manangka intua kita in inogoian-Nea in kobiagan mobagu inta pinodoyon kon kinobiagan bui i Yesus Kristus nongkon kinopatoian. Naabí in mobogoi in harapan moroton kon i naton.

HAKIM MITA 13:18

Malaekat tatua noḻibó, “Nongonu sin moibogbí in iko monotaau kon tangoiku? Tangoiku tua in mokoherangbí.”