NEHEMIA 9:27 - Alkitab Singog In Mongondow Masa In Tanaa

²⁷ dá pinosarakan-Mudon in mosia kon musungnea inta takin raat in nongawasa bo nondorot kon i monia. Táe kon bonu in roriga inta noiantug, mosia in nokuani kon ini-Mu nopoigum in totuḷung. Nongkon soroga inindogogan-Mu; takin tabi moḷoben sinubagan-Mu. Pinotabá-Mu mangoi in itoi bo intau mita mobarani inta nopoḷuat kon i monia nongkon musung.

NEHEMIA 9:27 Iomraidhean Croise

DATU MITA 2 13:5

Ki Tuhan in nobogoi in itoi tobatú kon Israel inta moḷuat kon i monia nongkon kawasa in Siria dá mosia in mobiag motompiadon bui ná dungkuḷmai.

DATU MITA 2 14:27

Diábí in makusud i Tuhan morimumud kon Israel kinoouput in dunia naa, tuamai in sinuḷungan-Nea in mosia pinongin i Datu Yerobeam II.

DATU MITA 2 17:20

dá inindoídon i Tuhan in bayongan in umat in Israel. Ihukum-Nea bo inogoi-Neadon in mosia kon musung mita monia inta mongoraat totok. Diá bidon inindoian-Neamai in mosia, táe iḻumbú-Neadon in mosia nongkon butá inta inogoi-Nea kon i monia.

DATU MITA 2 17:39

Duduiaidon in Akuoi, ki Tuhan Allahmu, dá poḷuaton-Kudon in moiko nongkon musung mita monimu.”

TAWARIKH 2 36:17

Ki Tuhan in nopogonú kon gina in datu in Babel sinbá monubu kon i monia. Ki datu tatua in noḻimod kon intau in Yohuda inta nongobagupa, noitakin doman in mosia inta kon bonu in Baḷoi Tuhan. Diábí in Sia nonotabi kon tobatúmai in intau, noguod andeka noguyang, ḷoḷaki andeka bobay, notakit andeka nosehat. Mosia komintan inogoi i Allah kon i datu in Babel.

NEHEMIA 9:19

Táe kon padang gurun tatua diábí sinaḷáan-Mu in mosia, sin Iko in nopuḻing in totabi. Oigi goḷom bo tuḷú in diábí irabut-Mu bui, mototundú kon daḷan kon i monia singgai bo doḷom.

MAZMUR 136:24

Pinoḷuat-Nea in kita nongkon kawasa in musung; tabi-Nea in umuran mononoi.

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

OBAJA 1:21

Intau in Yerusalem inta nountung in monubu kon Edom poḷat mopotungkud. Dá Akuoi ki Tuhan in momarenta mobaḻí datu.”

HAKIM MITA 2:18

Aka ki Tuhan mobogoi in itoi kon bangusa in Israel, dá ki Tuhan in umuranbí motuḷung kon itoi tatua. Bo kon dodai in itoi tatua mobiagpa, ki Tuhan in umuranbí mopoḷuat kon i monia nongkon musung mita monia. Sia in motabibí kon i monia aka kodongogan-Nea in mosia mogamui sin pogutúon ande yoyigaan.