NEHEMIA 9:21 - Alkitab Singog In Mongondow Masa In Tanaa

²¹ Opat nopuḷú notaong in koonggotnea in kon padang gurun, Inogoian-Mu in bayongan inta pakéon monia. Pakeang monia diábí kon dodai in onda in nogoguyaat, sioḷ monia in diábí doman monakit andeka nobobagá,

NEHEMIA 9:21 Iomraidhean Croise

MAZMUR 34:10

Horomatdon in ki Tuhan, ei moiko umat-Nea, sin intau inta mopirisaya in diábí kodaitan.

IḶUAIAN 16:35

Manna tatua nobaḻí kaanon intau Israel kon bonu in opat nopuḷú notaong noiduduimai, nodapot in mosia noyaput kon Kanaan, tampat tobatú inta pinogutunan monia notantú. (

AMOS 5:25

Ei umat in Israel, kon tungkuḷ in Akuoi nodia kon i monimu nongin padang gurun opat nopuḷú notaong in koonggotnea, Akuoi in diábí noigum kon sosumba bo kuruban nongkon i monimu.

OUMAN IN RASUL MITA 13:18

Opat nopuḷú notaong pinosabaran-Nea kon oaid mita monia kon padang gurun.

ULANGAN 2:7

Toropbí naonda in ki Tuhan Allahmu nomarakatdon kon i monimu kon bayongan in yagi-yagi inta inaidan monimu. Iḷukadan-Nea in moiko kon tungkuḷ in moiko kon padang gurun inta mobendar naa. Inoḻiungan-Nea in moiko opat nopuḷú notaong naa bo nobogoi domandon in bayongan onu inta pakéon monimu.

ULANGAN 29:5

Opat nopuḷú notaong in koonggotnea ki Tuhan nodia kon i monimu nongin padang gurun, tongá pakeang bo silopmu in diábí nokoyongan.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

ULANGAN 8:4

Kon bonu in opat nopuḷú notaong naa pakeangmu diábí nobaḻí nokoyongan bo sioḷmu in diábí doman nobobagá.