NEHEMIA 9:15 - Alkitab Singog In Mongondow Masa In Tanaa

¹⁵ Kon tungkuḷ in mosia ginogoi bo kinodaitan in kaanon, roti nongkon ḷangit pinoangoi-Mu. Bo nongkon buḷud batu pinoangoi-Mudon in tubig moḷoben inta mokoguḻí kon yogang. Pinoki ḻitúan-Mu in mosia in butá inta pinodandi-Mu kon inia takin ibot.

NEHEMIA 9:15 Iomraidhean Croise

KINOBAḺIAN 14:22

Táe ki Abram in notubag, “Akuoi in mongibot kon tayowon i Tuhan, Allah inta Totok in Moḷantud, inta nomaḻí kon ḷangit bo butá,

NEHEMIA 9:20

Pinongin kawasa-Mu inta mopia sinundú-Mu in mosia. Mosia in nokaan kon Manna bo nonginum kon tubig inta tugat kon i monia.

MAZMUR 114:8

inta nomaḷui kon batu karang nobaḻí tabang, bo buḷud batu nobaḻí bokaká in tubig.

IḶUAIAN 16:4

Ki Tuhan noguman kon i Musa, “Tanaa in poponag-Kudon in kaanon inta mobarong totok ná uyan sin kaanon monimu komintan. Pomuḷoi in singgai moiko in musti mosipun kon kaanon tatua inta tugat kaanon tosinggai. Natuata in pononungkuḷ-Ku kon umat-Ku sinbá kotaauan-Ku mongo motoindudui in mosia kon parenta-Ku andeka diá.

IḶUAIAN 17:3

Táe intau mita tatua totokdon in moyogang bo umurandon in mosia mongunsingog kon i Musa. Guman monia, “Nongonu sin diniamubí in kami nongkon Mesir? Degá, bá matoi in rogang in ki adí mita nami takin bobiagon mita nami?”

IḶUAIAN 17:6

Akuoi in simindog kon tayowonmu kon tudu in batu moḷoben tobatú kon Buḷud in Sinai. Porotdon in batu tatua, dá tubig in ḷumuai bo intau mita motaaudon monginum.” Inaidan i Musa in natua koonto-ontong in itoi mita Israel.

IḶUAIAN 6:8

Bayongan koyow i Tuhan tatua pinotaau i Musa kon bangusa Israel, táe mosia in doí mopandungmai kon i Musa, sin pinononggataan inta totok in moraat tatua ain nokoinggamádon kon kamang monia.

YESAYA 48:21

Kon tungkuḷ in Sia nodia kon i monia nongin butá inta diá in tonsiungnea, mosia in diábí irumogang. Ki Tuhan in nomotak kon buḷud batu bo nopoiḻig in tubig, nongkon batu pinotampurangnea in tubig kon i monia.

YEREMIA 32:23

Táe naonda in mosia namangoi in butá tanaa bo nogagow, mosia in diábí notoḷutui kon parenta-Mu mita, bo diá nobiag podudui in totundú-Mu mita. Bayongan inta pinarenta-Mu kon i monia diá tobatúmai in inaidan monia. Tuamai in pinopoangoi-Mu in bayongan bodito tanaa kon i monia.

YEHEZKIEL 20:15

Kon rawang in bungaion doman tatua Akuoi nonindoyó kon bangusa in Israel in diábí diaan-Ku tumuot kon butá inta ain sinadia kon i monia, butá inta nooyúon bo noḷumbá bo inta totok in mopia kon sinangkub in dunia.

PINOGIAPAN 14:30

Koḻikud in ki Kaleb bo ki Yosua, diádon in tobatúmai intau kon sigad monimu inta umur doyowa nopuḷú notaong bo namonik in tumuot kon butá inta pinodandi-Ku kon inimu tua.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 8:3

Pinomayá-Nea mako in moiko ginogoi, bo moiko inogoian-Nea in manna sin kaanon. Moiko bo mogoguyang monimu diápabí dodai onda nokaan kon kaanon natua. Inaidan i Tuhan in natua sin motundú kon i monimu kon intau tua in diábí mobiag tongá nongkon kaanon, táe nongkon bayonganbí doman in onu inta siningog i Tuhan.