NEHEMIA 9:14 - Alkitab Singog In Mongondow Masa In Tanaa

¹⁴ Singgai in Sabat inta mokudus mustibí rameon monia, bo pinongin i Musa hukum-Mu inogoi-Mu.

NEHEMIA 9:14 Iomraidhean Croise

KINOBAḺIAN 2:3

Dá binarakatandon i Allah in singgai nogimpitu tatua bo binaḻí-Neadon singgai husus, sin kon singgai tatuata ki Allah nogogai naonda in noginḷapat mako kon oaidan-Nea.

NEHEMIA 1:8

Oo Tuhan, toropdon in tosingogon-Mu mita inta siningog i Musa pinodoyon kon parenta-Mu, kon aka kami, umat in Israel, diá mosatia kon ini-Mu, kami in porariton-Mu kon sigad in bangusa mita ibanea.

NEHEMIA 10:32

Pomuḷoi in taong kami kon batúannea in moposumbang in ḻima nogram in saḷaka sin pobantung pakéon kon Baḷoi Tuhan.

IḶUAIAN 16:23

Guman i Musa kon i monia, “Naa in parenta i Tuhan: Ikoḷom in singgai husus pogogaian, singgai in Sabat, singgai inta posumbaan kon i Tuhan. Onu in koibog monimu angagon singgai naa, yo angagdon, bo onu inta koibog monimu tuonon, yo tuondon. Inta moiḻiu kon pakéon singgai naa, yo potontanídon bo tagúdon sin pakéon ikoḷom.”

IḶUAIAN 16:29

Pokotoropdon, kon ogoi-Kubí kon i monimu in singgai tobatú sin pogogaian. Tuamai kon singgai noginggonom Akuoi nobogoi in kaanon inta tugat kaanon monimu doyowa nosinggai. Kon singgai noginpitu komintan intau musti mogutun mako kon baḷoi, bo diá motaau ḷumuai.”

IḶUAIAN 24:12

Noiduduimai kon tua ki Tuhan noguman kon i Musa, “Angoidon kon i-Nakó kon tudu in buḷud. Kon tua ogoi-Ku kon inimu in batu doyowa inta pinomaisan-Ku kon bayongan hukum-Ku. Bayongan hukum tatua ogoi-Ku sin baḻíon totundú kon bangusa-Ku tatua.”

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.

YEHEZKIEL 20:12

Pinotabá-Ku in mosia mohoromat kon singgai in Sabat nobaḻí tomponuot kon dodandian-Ku takin i monia, sin moponorop kon i monia kon Akuoi ki Tuhan, ain nopotondí kon i monia mobaḻí kapunyaan-Ku.

YEHEZKIEL 20:20

Horomatbí in singgai in Sabat sinbá mobaḻí tomponuot dodandian kon sigad-Ku bo i monimu, sin moponorop kon i monimu kon Akuoibí in ki Tuhan Allahmu.’

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

IMAMAT 27:34

Tuata in parenta mita inta inogoi i Tuhan kon tudu in Buḷud Sinai kon i Musa sin ogoi kon bangusa Israel.

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

ULANGAN 4:45

Tua inaidannea naonda in mosia iḻumuai nongkon Mesir bo naonda in kon ḷopá kon dotá in pomukaan kon Ongkag in Yordan, noyogintayow in kotá in Bet-Peor. Butá tatua pernabí nobaḻí butá in Sihon, datu intau in Amori, inta tungkuḷ intua nomarenta kon kotá in Hesybon. Ki Musa bo bangusa Israel nonaḷow kon inia kon dodai in mosia iḻumuai nongkon Mesir.

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

ULANGAN 5:31

Táe iko, Musa, pobuidon mangoi bo pogutundon takin-Ku kon naa; iko in pobogoian-Ku kon bayongan hukum bo parenta-Ku. Tundúdon kon i monia, sinbá duduian monia intua kon butá inta ogoi-Ku kon i monia.’