NEHEMIA 9:12 - Alkitab Singog In Mongondow Masa In Tanaa

¹² Pinongin goḷom dinia-Mu in mosia kon dodai in singgai. Bo kon dodai in doḷom daḷannea in sinimbayagan-Mu in oigi in tuḷú.

NEHEMIA 9:12 Iomraidhean Croise

NEHEMIA 9:19

Táe kon padang gurun tatua diábí sinaḷáan-Mu in mosia, sin Iko in nopuḻing in totabi. Oigi goḷom bo tuḷú in diábí irabut-Mu bui, mototundú kon daḷan kon i monia singgai bo doḷom.

MAZMUR 105:39

Ki Allah in nopobandang in goḷom sin mogoḻiung kon umat-Nea, bo tuḷú sin ponimbayag kon i monia kon tungkuḷ in doḷom.

MAZMUR 107:7

Sia in nodia kon i monia nongin daḷan inta notuḻid minayá in pinogutunan kon kotá.

MAZMUR 143:8

Pomuḷoi in doḷo-doḷom ponoropdon kon inakó in tabi-Mu, sin kon ini-Mubí in andoḷanku. Tundúdon kon inakó in daḷan inta musti bayáanku, sin kon ini-Mubí in posambayanganku.

MAZMUR 78:14

Sia in nodia kon i monia inoḻiungan in goḷom kon dodai in singgai bo sinimbayagan in tuḷú kinoouput in doḷom.

IḶUAIAN 15:13

Iko in nodia kon bangusa inta ain pinosaḷamat-Mu naa, sin onu in pinodandi-Mu tua doman in aidan-Mu. Ropot-Mu moḷoben pinogoḻingoi-Mu kon i monia, bo poḷat dinia-Mu pinobayá in butá-Mu inta motusi naa.

YEHEZKIEL 20:6

Kon dodai intua Akuoi in mongibot kon modia kon i monia ḷumuai nongkon Mesir bo mayá in butá inta piniḻí-Ku ogoi kon i monia. Butá tatua in nooyúon bo noḷumbá, butá inta totok in mopia kon sinangkub in dunia.

PINOGIAPAN 9:21

Siga-sigad goḷom tatua tongá nongkon ḷoḷabungnea modapot in doḷo-doḷom, bo kon dodai in goḷom tatua mamonik kon dodai in doḷo-doḷom, dá mosia in mobuat doman. Toonukabí in goḷom tatua mamonik, pinomayá singgai andeka doḷom, mobuatbí doman in mosia.

ULANGAN 1:33

inta minayá inumuna kon imonimu sin motayak kon pononḷoḷaiganmu. Sia in notundú kon daḷan kon inimu kon tungkuḷ in doḷom takin oigi tuḷú, bo kon tungkuḷ in singgai nomaké in oigi goḷom.”