NEHEMIA 9:11 - Alkitab Singog In Mongondow Masa In Tanaa

¹¹ Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

NEHEMIA 9:11 Iomraidhean Croise

MAZMUR 66:6

Dagat binaḻí-Nea butá noingkag, mogoguyang nami minaya-mayá in sioḷ in iḷumoḷan kon tua. Dá nopia i gina nami popisí in aid-Nea.

MAZMUR 78:13

Binotak-Nea in dagat, bodongka nopoḷoḷan kon i monia; tubig pinosindog-Nea naonda bo dinimpot.

IḶUAIAN 14:14

Ki Tuhan in moposaḷamatbí kon i monimu, bo moiko in dika bidon mogaid kon onu bo onu.”

IḶUAIAN 14:25

Binaḻínea roda mita in kereta tatua diá noburow, dá mororigadon totok monia in mayá. Guman intau in Mesir, “Koḻigai kita moḷagui monaḷámai kon intau Israel, sin ki Tuhandon in moparang monayow kon i naton.”

IḶUAIAN 14:29

Táe naonda intau Israel iḷumoḷan kon dagat, mosia in minayá kon apad in dagat inta noingkag, bo tubig nobaḻí dinding kon dotá in koḷoigi bo koḷanan.

YEREMIA 32:20

Dungkuḷmai Iko in nogaid kon inta mokoherang bo soaḷ mita inta diá in poḻiu kon Mesir, bo dapot in tanaa doman Iko in umuranpabí doman mogaid kon natua, pinomayá kon sigad in intau in Israel andeka kon sigad in bayongan in bangusa ibanea. Tuamai tanaa Iko in ponango-nangoian kon bayongan tampat.

KORINTUS 1 10:1

Utatku mita, ibogonku moiko in diá mokoḻiong kon onu inta ain nobaḻí kon mogoguyang naton kon tungkuḷ in mosia dinumudui kon i Musa. Mosia komintan inoḻiungan in goḷom, bo nosaḷamat in iḷumoḷan kon Dagat Teberau.

IBRANI 11:29

Popisí in nopirisaya, dá intau mita in Israel nokoḷoḷan kon Dagat Teberau, naonda bo minaya-mayá kon tudu in butá noingkag in mosia, táe intau mita in Mesir nongoḷomot kon dagat tatua naonda in nonungkuḷ in mosia iḷumoḷan.

WAHYU 18:21

Onda intua, tobatú malaekat inta moropot, nobingkat kon tobatú batu inta ná koḷoben in giḻingan, bo pinogambatnea kon bonu in dagat bo poḷat noguman, “Pomiaan natua in kotá in Babel inta moḷoben tua, pogambat koropoton sahingga in diádon bui ontongon.