NEHEMIA 8:7 - Alkitab Singog In Mongondow Masa In Tanaa

⁷ Nopaḷut mako kon tua nobuat in mosia bo sinimindog kon tampat monia tontaní, bo tongonumai in intau mita in Lewi noginsilang kon Hukum tatua kon i monia. Naa in intau mita in Lewi tatua: ki Yesua, ki Bani, ki Serebya, ki Yamin, ki Akub, ki Sabetai, ki Hodia, ki Maaseya, ki Kelita, ki Azarya, ki Yozabad, ki Hanan bo ki Pelaya.

NEHEMIA 8:7 Iomraidhean Croise

DATU MITA IMITÁNEA 8:14

Naonda in nosambayang mako ki Datu Salomo in nobobuidon kon bayongan in rayat inta sinimindog mako kon tua, bo nopoigum sinbá ki Allah momarakat kon i monia.

TAWARIKH 2 30:22

Intau mita in Lewi tatua mongopandoi modia kon ibada kon i Tuhan, dá pinuji i Hizkia in mosia. Naonda in pitu nosinggai in koonggotnea mosia nongaan kon kaanon kon pinoramean tatua bo poḷat noposumba in kuruban sin mopoyaput in sukur kon i Tuhan, Allah in mogoguyang monia,

TAWARIKH 2 35:3

Intau mita in Lewi inta ain sinantú mogaid kon oaidan i Tuhan, bo inta nobaḻí guru mita in Israel in nokouḻí kon parenta tanaa nongkon i Yosia, “Ukatdon in Poti Dodandian i Tuhan inta motusi tatua kon bonu in Baḷoi Tuhan inta pinosindog i Datu Salomo ki adí ḷoḷaki i Daud. Dikadon pampi-pampingon monimu bui. Undoidon in ki Tuhan Allahmu bo bangusa in Israel umat-Nea.

EZRA 8:18

Popisí in kopopia in gina i Allah, mosia in nopotabá mangoi kon inami in ki Serebya, intau in Lewi tobatú inta mopandoi nongkon inanakan i Mahli. Noyotakinnea in ki adí mita doman i utatnea mita, kobayongnea in 18 intau.

NEHEMIA 10:2

Imang mita Ki Seraya, ki Azarya, ki Yeremia, Ki Pasyhur, ki Amarya, ki Malkia, Ki Hatus, ki Sebanya, ki Malukh, Ki Harim, ki Meremot, ki Obaja, Ki Daniel, ki Gineton, ki Barukh, Ki Mesulam, ki Abia, ki Miyamin, Ki Maazya, ki Bilgai bo ki Semaya.

NEHEMIA 11:19

Moḷoḷukad mita kon bonawang: Ki Akub, ki Talmon bo totakin mita monia. Kobayongnea komintan in 172 in intau.

NEHEMIA 12:33

Imang mita noiduduimai naa in minayá kon tumimai monia sindaḷan mogirup kon torompet: ki Asarya, ki Ezra, ki Mesulam, ki Yohuda, ki Benyamin, ki Semaya bo ki Yeremia. Mosia in sinakinan i Zakharia ki adí i Yonatan ki ompu i Semaya. Tongonumai nongkon mogoguyangnea in ki Matanya, ki Mikha, ki Zakur, nongkon inanakan i Asap.

NEHEMIA 3:17

Moiduduimai doman naa in dinding ibanea inta pinosindog in intau in Lewi: Ki Rehum ki adí i Bani Ki Hasabya, inta nongawasa kon tongo botak in Kehila. Dinding inta kon bonu in pomarentaannea tontaní. Ki Binui ki adí i Henadad, inta nongawasa in tongo botak in Kehila Ki Ezer ki adí Yesua, inta nongawasa kon Mizpa: dinding kon sikumai in daḷan kon tayowon in baḷoi in sonjata. Ki Barukh ki adí i Zabai: dinding nongkon siku in daḷan noidapot kon ngara in Baḷoi i Imang Moḷoben ki Elyasib. Ki Meremot ki adí i Uria ki ompu i Hakos: dotá in dinding nongkon ngara in baḷoi i Elyasib noidapot kon popod in baḷoi tatua.

NEHEMIA 8:12

Dá nobuidon in rayat sin mongaan bo monginum poḷat mosila-silai mako kon kaanon kon intau mita ibanea. Noḷungangadon in gina monia sin kinomangaḻeandon monia in onu inta ain binaca bo dinongog monia tatua.

NEHEMIA 8:4

Ki Ezra in sinimindog kon mimbar kayu inta ain pinomia sin pakéon kon poyodungkuḷan tatua. Kon dotá in koḷanannea sinimindog in intau mita tanaa: ki Matica, ki Sema, ki Anaya, ki Uria, ki Hilkia bo ki Maaseya; bo kon dotá in koḷoiginea: ki Pedaya, ki Misael, ki Malkia, ki Hasum, ki Hasbadana, ki Zakharia bo ki Mesulam.

NEHEMIA 8:6

Ki Ezra in noguman, “Dinayo-dayowdon in ki Tuhan, Allah inta moḷoben!” Bayongan in rayat notonggó kon ḻima kinoḷantud bo notubag, “Amin, amin!” Bo mosia in sinumungkud nosumba kon i Allah.

NEHEMIA 8:8

Mosia in nonerjemah kon Hukum i Allah tua kon batúan in tonsilainea bo insilangan dá komangaḻeandon in rayat.

NEHEMIA 9:3

Degá toḷu nojam in koonggotnea, buk i Tuhan, Allah monia, binaca kon i monia bo toḷu doman nojam noiduduimai mosia in nongaku kon dosa mita monia. Nopaḷut mako kon tua sinumungkud in mosia bo nosumba kon i Tuhan, Allah monia.

NEHEMIA 9:4

Kon tua oyúon in mimbar sinadia kon intau mita in Lewi bo sinimindog kon tua in ki Yesua, ki Bani, ki Kadmiel, ki Sebanya, ki Buni, ki Serebya, ki Bani bo ki Kenani. Takin singog noropot mosia in nosambayang kon i Tuhan Allah monia.

IMAMAT 10:11

Bayongan hukum inta inogoi-Ku kon inimu pinongin i Musa, musti motaau tundúon monimu kon bangusa Israel.”

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

ULANGAN 33:10

Mosia notundú kon umat-Mu dinumudui kon bayongan in parenta-Mu bo noposumba in kuruban kon tudu in mezbah-Mu.