NEHEMIA 8:6 - Alkitab Singog In Mongondow Masa In Tanaa

⁶ Ki Ezra in noguman, “Dinayo-dayowdon in ki Tuhan, Allah inta moḷoben!” Bayongan in rayat notonggó kon ḻima kinoḷantud bo notubag, “Amin, amin!” Bo mosia in sinumungkud nosumba kon i Allah.

NEHEMIA 8:6 Iomraidhean Croise

KINOBAḺIAN 14:22

Táe ki Abram in notubag, “Akuoi in mongibot kon tayowon i Tuhan, Allah inta Totok in Moḷantud, inta nomaḻí kon ḷangit bo butá,

KINOBAḺIAN 24:26

Dá dinumokódon in bobantung tatua nosumba kon i Tuhan.

TAWARIKH 1 16:36

Dayowdon in ki Tuhan Allah Israel, tanaa mako modapot in mononoi! Onda intua bayongan in umat in Israel moguman, “Amin”. bo nodayow in mosia kon i Tuhan.

TAWARIKH 1 29:10

Kon tayowon in intau mobayong tatua ki Datu Daud nodayow kon i Tuhan. Sia in noguman, “Oo Tuhan Allah inta sinumba i Yakub mogoguyang nami, dinayo-dayowdon in Iko modapot in mononoi!

TAWARIKH 1 29:20

Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

TAWARIKH 2 20:18

Dá sinumungkudon in ki Datu Yosapat. Bayongan in rayat dinumudui doman kon inia sinumungkud nosumba kon i Tuhan.

TAWARIKH 2 29:10

Tanaa in moibog in akuoi momia kon dodandian takin i Tuhan, Allah in Israel, sinbá diádon in Sia tumorú kon inaton.

TAWARIKH 2 29:30

Ki datu bo intau mita inta sinon itoi kon ḻipú nopotabá kon intau mita in Lewi nokipodondong in dodayow kon i Tuhan in dodayow inta pinomia i Daud bo i Nabi Asap. Komintan intau nodondong takin ḷunganga in gina poḷat sinumungkud bo nosumba kon i Allah.

TAWARIKH 2 6:4

Sia in noguman, “Dungkuḷmai ki Tuhan in nodandidon kon i amáku ki Daud nanaa, ‘Pinangkoipamai kon Akuoi nodia kon umat-Ku iḻumuai kon Mesir noidapot kon singgai naa, kon butá in Israel diábí in tobatúmai in kotá in piniḻí-Ku nobaḻí tampat inta musti poposindogan in baḷoi sin tampat poibadaan kon i-Nakó, bo diábí tobatúmai in piniḻí-Ku sin mobaḻí itoi in umat-Ku Israel. Táe tanaa in piniḻí-Kudon in Yerusalem nobaḻí tampat pooibadaan kon i-Nakó. Bo iko, Daud, piniḻí-Kudon sin momarenta kon umat-Ku.’ Dinayo dayowdon in ki Tuhan Allah in Israel inta ain nogintompod kon dandi-Nea tatua.!”

NEHEMIA 5:13

Onda intua iḷongkutku in aḷuang bo pinoḷuatkudon poḷat noguman, “Igumon mako nanaadon in ki Allah mopomisik kon intau mita inta diá mogintompod kon dandinea. Intau tatua in mobaḻídon diá koonu bo onu, baḷoi bo bayongan in kapunyaannea in gamáandon i Allah!” Bayongan in intau kon sidang tatua in notubag, “Amin!” bo nodayow kon i Tuhan. Dá itoi mita tatua nogintompod kon dandi monia.

NEHEMIA 8:7

Nopaḷut mako kon tua nobuat in mosia bo sinimindog kon tampat monia tontaní, bo tongonumai in intau mita in Lewi noginsilang kon Hukum tatua kon i monia. Naa in intau mita in Lewi tatua: ki Yesua, ki Bani, ki Serebya, ki Yamin, ki Akub, ki Sabetai, ki Hodia, ki Maaseya, ki Kelita, ki Azarya, ki Yozabad, ki Hanan bo ki Pelaya.

MAZMUR 134:2

Tonggó in ḻimamu potundú ná tampat motusi, bo dayowdon in ki Tuhan!

MAZMUR 141:2

Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

MAZMUR 28:2

Indongogaipa in oigumku aka akuoi momaḷú mokituḷung, bo mopotundú in ḻimaku kon Baḷoi-Mu inta motusi.

MAZMUR 41:13

Iko in motuḷung kon inakó popisí in ginaku motuḻid, bo binaḻí-Mu in akuoi nobiag moyotakin-Mu modapot in mononoi.

MAZMUR 63:4

Tabi-Mu in mobara-baraguna nongkon mobiag, tuamai akuoi in modayow kon ini-Mu.

MAZMUR 95:3

Sin ki Tuhan in ki Allah inta moḷantud, Datu inta motorindog inta nonigad kon bayongan in dewa.

IḶUAIAN 12:27

Moiko in musti motubag, ‘Naa in kuruban in Paska sin mohoromat kon i Tuhan, sin baḷoi mita intau Israel kon Mesir sinaḻiban-Nea, kon tungkuḷ in sia noḻimod kon adí mita guya-guyang intau in Mesir, bo kita in pinomayá-Neadon mako in nobiag!’ ” Dá dinumokódon intau mita Israel bo nosumba.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

YEREMIA 28:6

“Mopia! Igumon mako toḻindapmu tua in moniata, bo ki Tuhan in totu-totuu modiadon bui mangoi nongkon Babel in pakakat mita in Baḷoi Tuhan takin bayongan intau inta ain iḷumbú kon tua.

IMAMAT 9:24

Bo daḻídon in ki Tuhan nopoponag in tuḷú inta nomokak kon bayongan kuruban tubáan takin bayongan ḷongó inta kon tudu in mezbah. Naonda in umat Israel nokoontong kon tua, mosia norogiow bo dinumokó nosumba.

MATIUS 26:39

Bo inumuna topiḻik in Sia bodongka sinumungkud nosambayang, kai-Nia, “O Amá-Ku, aka motaau, yo Inggamáaidon in roriga tanion nongkon i Nakó, tongá dikabí dumudui kon ibog-Ku táe aidaidon ná inta kinoibog i Amá.”

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

KORINTUS 1 14:16

Sin aka tongá rohonea in mosukur kon i Allah, bo oyúon in intau in diá nonotaau in bahasa pinakému tua, yo intau tatua in diábí moguman, “Amin” kon dodai in nokodongog kon sukurmu tatua, sin diá kinotaauannea in siningogmu tatua.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

PETRUS 1 1:3

Koḻigaidon in kita mosukur kon i Allah, ki Amá i Tuhan naton ki Yesus Kristus! Sia in totok motabi kon i naton, manangka intua kita in inogoian-Nea in kobiagan mobagu inta pinodoyon kon kinobiagan bui i Yesus Kristus nongkon kinopatoian. Naabí in mobogoi in harapan moroton kon i naton.

WAHYU 7:11

Bayongan in malaekat sinimindog iḻimibu kon tampat pomomarentaan tatua bo kon itoi mita takin mahaḷuk opat tatua. Malaekat mita tatua in sinumungkud kon tampat pomomarentaan tatua bo nosumba kon i Allah.