NEHEMIA 8:2 - Alkitab Singog In Mongondow Masa In Tanaa

² Bo dinia i Ezra in buk tatua kon tayowon in bayongan intau inta sinimindog, ḷoḷaki, bobay bo adí mita inta momangaḻedon.

NEHEMIA 8:2 Iomraidhean Croise

NEHEMIA 10:29

Kami komintan in dinumugangdon takin itoi mita nami bo nongibot kon mobiag podudui in hukum i Allah inta ain inogoi-Nea pinongin i Musa mogogundoi-Nea. Igumon mako ki Allah mongutuk kon inami aka diá intompodan nami in dodandian nami tanaa. Kami in mongibot kon dumuduibí kon bayongan in parenta, hukum bo atorang i Tuhan, Allah nami.

NEHEMIA 13:1

Kon dodai in hukum i Musa binaca kon rayat, nouḻídon in katarangan tanaa: ‘Intau in Amon bo Moab in diábí motaau in dumugang kon umat i Allah;

NEHEMIA 8:18

Pitu nosinggai koonggotnea in mosia norame. Pomuḷoi in singgai tongonumai nosilai in buk Hukum i Allah in bacaanmai i Ezra. Kon singgai inwaḷunea inaidandon in upacara pinomaḷutan, podudui in atorang in Hukum.

NEHEMIA 8:9

Nokodongogmai kon pinobacaan kon Hukum tatua, pinongoibu in rayat bo poḷat nongombaḷ. Dá ki gubernur Nehemia bo ki Imang Ezra inta nonotaau totok in Hukum tatua bo intau mita in Lewi inta noginsilang kon Hukum tatua, noguman kon bayongan in rayat nanaa, “Singgai naa in singgai inta mokudus kon i Tuhan Allahmu, dá dikadon pongoibúon andeka mongombaḷ.

NEHEMIA 9:1

Kon singgai in doyowa nopuḷú bo opat kon buḷan doman tatua, rayat in Israel noyosipun. Mosia in nopuasa sin moponiata kon mosia in nomanasaḷdon in nogaid kon dosa mita. Mosia in sinumondí kon intau mita ango-angoi. Nobaḻí tomponuot kon noajar in gina, nogibintoḷ in mosia bo nopoinggú in ḷobud kon uḷu. Onda intua sinimindog in mosia bo nongaku kon bayongan in dosa monia bo dosa in mogoguyang monia.

YESAYA 28:9

Mosia in moguman nanaa kon inakó, kainia, “Kai niamai sia in motundúbí kon i ine? Ki inepabí doman in moparaḷu kon tosingogonnea? Kai niakamai kita naa in mongoadíbí mointok inta bagu inungkak kon teté?

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

PINOGIAPAN 29:1

Kon singgai imitánea buḷan noginpitu moiko musti momia kon poyodungkuḷan sin moibada, bo diádon in motaau mogaid kon oaidan inta mobogat. Kon singgai tatua bayongan torompet musti daiton irupon.

OUMAN IN RASUL MITA 15:21

Sin hukum i Musa nongkon dungkuḷmaipabí in umuran bidon binaca pomuḷoi in singgai in Sabat kon baḷoi mita pososambayangan, bo nodait pinoyaput kon bayongan kotá kon tua.”

ULANGAN 17:18

Aka intau tobatú dinuídon nobaḻí datu, yo sia in mustibí ogoian in buk tobatú inta pinomaisan kon hukum mita i Allah inta pinais nongkon buk taakan inta sinagú in imang mita Lewi.

YOSUA 8:35

Bayongan in parenta i Musa binaca i Yosua kon bayongan umat in Israel inta noyosipun kon tua, noitakin doman in bobay mita, adí mita, bo intau mita ango-angoi inta nogutun kon sigad monia.