NEHEMIA 8:14 - Alkitab Singog In Mongondow Masa In Tanaa

¹⁴ Nouḻí doman monia kon bonu in Hukum inta inogoi i Tuhan pinongin i Musa, ki Tuhan in nopotabá doman kon umat in Israel in mogutun kon bonu in ḷuḷung mita kon bonu in porameanpa kon Singgai Moḷoben in Ḷuḷung Daun.

NEHEMIA 8:14 Iomraidhean Croise

KINOBAḺIAN 33:17

Táe ki Yakub minayá in Sukot, bodongka noposindog in baḷoinea bo tampat pononiungan in bobiagonnea mita. Tuamai tampat tatua sinangoian Sukot.

EZRA 3:4

Mosia in norame doman kon Singgai Moḷoben in Pondok Daun, podudui in atorang; bo pomuḷoi in singgai moposumba in kuruban inta ain sinantú kon singgai tatua.

NEHEMIA 8:13

Nopoikoḷomai kon singgai bayongan tongguḷu in inanakan, imang mita bo intau mita in Lewi, minayá kon i Ezra sin mobalajar kon totundú mita in Hukum i Tuhan.

YOHANES 7:2

Dodai intua diádon moonggot bo porayaan kon Singgai Moḷoben in Pondok Daun.