NEHEMIA 8:12 - Alkitab Singog In Mongondow Masa In Tanaa

¹² Dá nobuidon in rayat sin mongaan bo monginum poḷat mosila-silai mako kon kaanon kon intau mita ibanea. Noḷungangadon in gina monia sin kinomangaḻeandon monia in onu inta ain binaca bo dinongog monia tatua.

NEHEMIA 8:12 Iomraidhean Croise

TAWARIKH 1 29:22

Kon singgai tua mosia in nongaan bo nonginum takin pia in gina kon tayowon i Tuhan. Bo kon induaneadon in mosia nopotaau kon ki Salomo in nobaḻí datu. Pinodoyon kon tangoi Tuhan, mosia in nopobaḻídon kon inia nobaḻí datu monia bo ki Zadok in nobaḻí imang.

NEHEMIA 8:10

Pobuidon in tanaa; pongaan bo ponginumdon takin ḷunganga in gina. Ogoidon in tongosilai in kaanon bo anggurmu kon i monia inta diá in kaanon bo inumon. Singgai in naa in singgai inta mokudus kon i Tuhan naton, dá dikadon mokoposusa. Ḷunganga inta inogoi i Tuhan kon i monimu in moginropotbí kon i monimu.”

NEHEMIA 8:11

Bo intau mita in Lewi in nopoonow domandon kon rayat bo nobui-buimai in noguman, “Dika morobonoḷ in gina in kon singgai inta mokudus naa.”

NEHEMIA 8:13

Nopoikoḷomai kon singgai bayongan tongguḷu in inanakan, imang mita bo intau mita in Lewi, minayá kon i Ezra sin mobalajar kon totundú mita in Hukum i Tuhan.

ESTER 9:22

Sin kon singgai mita tatuata in mosia nonaḷow kon musung mita monia, dá robonoḷ bo nakit in gina monia nobaḷui pia bo sanang in gina. Tuamai mosia in mustibí momia kon ponanoban kon singgai mita tatua pongin bobutungan bo mongaan poḷat mosiogoian in kaanon bo mosilai kon totuḷung kon intau nobiag nobogá.

AYUB 23:12

Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

MAZMUR 119:111

Parenta-Mu in bongkoḷku modapot in mononoi, inta nokoḷunganga kon ginaku.

MAZMUR 119:127

Parenta-Mu mita in kinoibogku totok noiḻiu kon buḷawan taakan.

MAZMUR 119:130

Aka insilangan, totundú-Mu in mobogoi in bayag, mobogoi in pomomangaḻe kon intau moompá in gina.

MAZMUR 119:14

Noḷunganga in ginaku in dinumudui kon parenta-Mu mita, naonda bo nokouḻí kon bayongan in kapunyaan.

MAZMUR 119:16

Atorang-Mu in nokosanang kon inakó; totundú-Mu in diábí koḻionganku.

MAZMUR 119:171

Akuoi in moibog umuran modayow kon ini-Mu, sin Iko in notundú kon atorang-mu.

MAZMUR 119:174

Ginaku in mokotanob kon kasaḷamatan nongkon ini-Mu, hukum-Mu in mokosanang kon ginaku.

MAZMUR 119:72

Kon inakó in hukum-Mu in mopia-pia nongkon bayongan in buḷawan bo saḷaka kon dunia.

MAZMUR 119:97

Totokbí in koibogku in hukum-Mu; umurankubí tano-tano bo kinoouput in singgai.

YEREMIA 15:16

Iko in nosingog kon inakó, bo akuoi in nokidongog kon bayongan in tosingogon-Mu. Akuoi naa in Iko in kitogi, o Tuhan Allah Inta Totok in mokawasa, tuamai in tosingogon-Mu mita in mokosanang bo mokoḷunganga kon inakó.

LUKAS 24:32

Bo mulaidon mosigumanan in mosia, kai monia, “Tuamai porasaan naton ná bí tumagab wakutu in Sia nongonguman naton kon daḷanpa, bo noginsilang kon bonu in Buk Motusi kon i naton?”

SURAT I PAULUS KON JAMAAT RUM 7:18

Kinotaauanku bidon, kon bonu in awakku naa, diábí in tobatúmai in mopia, tuabí in tabiat saḷaku intau ilo-ilow. Sin oyúonbí in ibog kon inakó in mogaid kon inta mopia táe diá mokosanggup in akuoi in mogaid kon natua.

WAHYU 11:10

Moḷungangabí totok gina in bayongan intau kon dunia naa in mokoontong kon mayat in sakusi doyowa tatua. Porameanbí monia in kinopatoian nayadua tua. Bo mosia mosiogoianbí in tombuinag, lantaran nabi doyowa tatua ain nopoangoi in roriga moantó kon bayongan intau kon dunia naa.