NEHEMIA 8:1 - Alkitab Singog In Mongondow Masa In Tanaa

¹ Kon buḷan noginpitu intau in Israel aindon nogutun kon kotánea-kotánea. Kon singgai imitánea kon buḷan tatua mosia komintan noyosipun kon Yerusalem, kon bosínea inta kon tayowon in Bonawang Tubig. Mosia in nopoigum sinbá Buk Hukum in gamáan i Imang Ezra, intau inta totok in nonotaau in Hukum inta inogoi i Tuhan kon Israel pinongin i Musa.

NEHEMIA 8:1 Iomraidhean Croise

DATU MITA 2 23:2

Bo minayá in sia takin i monia kon Baḷoi Tuhan, dinuduian in imang mita, nabi mita bo bayongan in rayat, pinomayá inta nobiag bogá andeka inta nobiag nooyúon. Kon tayowon monia komintan, kon diug in pal inta sinantú kon i datu, sinimindog in ki datu bo nobaca kinoropot in bayongan tombonu in buk dodandian inta ain nouḻí kon bonu in Baḷoi Tuhan. Onda intua ki datu nomia kon dodandian takin i Tuhan kon motoindudui kon i-Nia, bo mopobayá intua takin ḻimbatú in gina bo dimukud in bayongan parenta bo hukum-Nea mita. Ki datu in nodandi doman kon dumudui kon sarat dodandian i Tuhan takin umat-Nea mita inta ain pinais kon bonu in buk tatua. Bayongan in rayat sinumakin nodandi kon motoinduduibí kon dodandian tatua.

TAWARIKH 2 34:15

Nogumandon in ki Hilkia kon i Sapan, “Akuoi in nokouḻí kon buk Hukum i Tuhan kon Baḷoi Tuhan,” bo inogoinea in buk tatua kon i Sapan.

TAWARIKH 2 34:30

bo minayá takin monia kon Baḷoi Tuhan. Noyotakin monia dinumudui doman in imang mita, intau in Lewi bo bayongan in rayat, pinomayá inta nobogá andeka inta nooyúon. Kon muna monia komintan, kon diug in pal inta ain sinantú kon i datu, ki datu in sinimindog bo nobaca kinoḷangon in bayongan buk in dodandian inta ain nouḻí kon bonu in Baḷoi Tuhan. Onda intua ki datu in nogaid kon dodandian takin i Tuhan kon motoindudui kon i-Nia bo mopobayá takin ḻimbatú in gina bo takin doman dimukud kon mogaid kon bayongan in hukum-Nea mita, bo dumudui kon sarat in dodandian kon sigad i Tuhan bo umat-Nea inta pinais kon bonu in buk tatua.

EZRA 7:1

Tongonumai notaong noiduduimai kon tua, kon dodai in ki Artahsasta nomarenta nobaḻí datu in Persia, oyúon in ḷoḷaki tobatú tangoinea in ki Ezra, nongkon buí i Imang Moḷoben ki Harun. Pipidan in pinomuíannea nongkon ḻimonag bo pinoonik in noiduduimai naa: Ki Ezra Ki Seraya Ki Azarya Ki Hilkia

EZRA 7:10

Ki Ezra in totokdon in nonaridi kon Hukum i Tuhan, sin aidan bo motundú kon bayongan in inta sinantú bo atorangnea kon bangusa in Israel.

EZRA 7:11

Naa in surat inta inogoi i Datu Artahsasta kon i Ezra, imang tobatú bo intau inta nonotaau totok in Hukum,

EZRA 7:6

Ki Ezra in intau tobatú inta nosikoḷa bo nobayong in kinotaauannea in soaḷ Hukum inta inogoi i Tuhan, Allah in Israel kon i Musa. Popisí in ki Ezra binarakatan i Tuhan Allahnea, dá ki datu in nobogoi kon inia in bayongan inta pinoigumnea. Kon taong impitunea kon pinomarentaan i Datu Artahsasta, nobuatdon in ki Ezra nongkon Babel bo minayá in Yerusalem noyotakin in topaanan in intau Israel inta imang mita, intau in Lewi, mododondong bo moḷoḷukad kon ngara kon Baḷoi Tuhan, bo mogogaid mita.

NEHEMIA 12:26

Mosia tua in nobiag kon tungkuḷ i Yoyakin ki adí i Yesua ki ompu i Yozadak bo kon tungkuḷ i Gubernur Nehemia bo i Imang Ezra intau nonotaau totok in hukum tua.

NEHEMIA 12:37

Noiyaputmai in Ngara Bonawang in Tubig Noitampurang mosia in nomurow bo nonakod kon tukad in Kotá i Daud, nongin komaḻig i Daud, bo nobui kon dinding kon Bonawang in Tubig kon dotá in pomukaan kon kotá.

NEHEMIA 8:16

Bo minayádon in rayat nogamá kon tanga mita tatua. Mosia komintan in nomia kon ḷuḷung mita kon tudu mita in baḷoi monia inta notondodai, kon bosí in baḷoinea, kon bosí dotá in muna in Baḷoi Tuhan, kon lapangan kon diug in Bonawang Tubig bo kon lapangan kon diug in Bonawang Epraim.

NEHEMIA 8:3

Onda intua, nongkon doḷo-doḷom noidapot in noutu in singgai, ki Ezra in nobaca kon Hukum tatua kon i monia. Mosia komintan in nokidongog poḷat nopoḻimbonu kon gina.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

IMAMAT 9:5

Bayongan inta pinongoyow i Musa dinia monia kon tayowon in Ḷoḷaigan, bo bayongan umat noyosipun kon tua sin moibada kon i Tuhan.

MALEAKHI 4:4

Toropdon in topotundú mita i Musa mogogundoi-Ku, torop in hukum bo parenta mita inta inogoi-Ku kon inia kon Buḷud in Sinai sinbá duduian in bayongan in umat in Israel.

MATIUS 13:52

Dá ki Yesus in noguman kon i monia, “Pomuḷoi in intau inta monotaau totok kon atorang i Musa bo notarima kon totundú kon naonda in ki Allah momarenta tua, yo sia in naonda bo ki togi baḷoi inta nopoḷuai in pakakatnea nobagu bo inta nokoyongan nongkon tampat inta pinotagúannea.”

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 23:2

“Mototundú mita kon agama Yahudi bo intau mita in Parisi aindon inogoian in kawasa monotaau kon hukum i Musa.

MATIUS 23:34

Sin tuamai indongogai kopira: Akuoi in nopotabá mangoi kon i monimu in nabi mita, intau mita inta mongobijaksana, bo intau mita inta motundú kon inta kinoibog i Tuhan. Ibanea in ḻimodon monimu, ibanea in popopakú monimu kon kayu pinoyotaḻempang bo ibanea in pogutúon monimu nongkon kotá tobatú modapot in kotá ibanea.

ULANGAN 31:11

Moiko in mustibí mobaca kon hukum mita tanaa koḷangonon kon tayowon in intau mita in Israel inta mamangoi mosumba kon i Tuhan Allahmu kon tampat inta piniḻí-Nea.

HAKIM MITA 20:1

Dá namangoidon in bayongan umat in Israel nongkon Dan kon utuan nodapot in Bersyeba kon toḷatan, bo Gilead kon pomukaan, sin dumudui kon oiní tatua. Mosia in noyosipun bo notobatú kon Mizpa kon tayowon i Tuhan.

HAKIM MITA 20:8

Bo noyododaidon in intau mita inta noyosipun kon tampat tatua sinimindog bo noguman, “Kita komintan in diábí in mobui kon ḷoḷaigan ande kon baḷoi.