NEHEMIA 7:6 - Alkitab Singog In Mongondow Masa In Tanaa

⁶ Nobayong in kon sigad in intau mita inta iḷumbú in nonaḷámai kon propinsi Babel bo nobui kon Yerusalem bo Yohuda, kon batúannea in nobui kon kotánea-kotánea. Mosia in noonggotdon in nobiag kon pinoḷumbúan kon Babel, pinangkoimai kon mosia inakut pinobayá intua saḷaku intau dinakop i Datu Nebukadnezar.

NEHEMIA 7:6 Iomraidhean Croise

DATU MITA 2 25:11

Onda intua bayongan in rayat inta kon kotá, intau mita inta mongopandoi mogaid inta kon tuapa, intau mita inta nobiag nobogá bo intau mita inta ain noḷagui namangoi kon intau in Babel, tua komintan in diniadon i Nebuzaradan.

EZRA 5:8

Poigumon mako komangaḻean i Tuang, kon kami in minayádon kon propinsi in Yohuda bo nokoontong kon Baḷoi Tuhan, Allah Inta Moḷoben, in koyogotdon posindogon bui nomaké in batu mita moḷoben bo dindingnea mita inta inaipan in kayu. Oaidan tatua inaidan takin notaridi totok bo minayá notompia.

EZRA 6:2

Táe pinomaisan kon tua in deemanbí nouḻí kon Babel, táe kon kotábí in Ahmeta kon butá in Media. Pais tatua in pinais kon tobatú ḻitodan bo nanaa in singognea,

NEHEMIA 1:3

Inouman monia kon intau mita inta nokoimontandon iḷumbú inta ain nobui kon butá tatua, tanaa in nobiag nororiga bo siningkuḻe in bangusa mita ibanea inta kon diugneamai. Apadoman, dinding mita in kotá in Yerusalem norimumudpa posiyayit bo bonawangnea mita in diápa sinompia pinangkoipa kon sinurub mako kon tungkuḷ intua.

NEHEMIA 7:7

Itoi mita monia in ki Zerubabel, ki Yesua, ki Nehemia, ki Azarya, ki Raamya, ki Nahamani, ki Mordekhai, ki Bilsan, ki Misperet, ki Bigwai, ki Nehum bo ki Baana.